دلالة لفظ «المفلحون» وحكمة التكاليف الشرعية في رعاية النفع والحرية

نص الفقرة — تفريغ آلي

نتائج من التفريغ الآلي — قد تحتوي على أخطاء

احنا قلنا سابقا في كلمه المفلحين دي دي كلمه معها دليل. المفلح هو الفائز الذي ايه؟ ايه؟ اللي اللي اللي خد الصفقه الرابحه مش ده المفلح؟ مأخوذه من ايه؟ من من فلح الارض. اللي بتشوفه كده يفلح الارض ويحرسها وبعدين يزرع بتشوفه ايه؟ لقينا الثمرة جت يبقى إذا ربنا جاب المسألة المعنوية من إيه؟ من أمر محسن محسن الله وبعد ذلك بده يديني حاجة تانية يقول لك إياك أن تظن أن المشقة التي تصيبك حين تفعل خيرا لا تعود عليك بالراحة أو أن النقص الذي تفعل منه الخير لا يعود عليك بالكمال يعني مثلا يصح واحد يجي يقول لك انا بفلح الارض اهو فجاب كيلى من القمح من المخزن وخدها رماها في الارض هب ان له امراه حمقاء تقول ده احنا ما عندناش الا اربع كالات وهتاخد كيلى تنقص الطحين مثلا هي مش عارفه ان الكيلى اللي هياخدها دي لما يرماها في الارض هتجيب له كام اردب؟ اه يبقى اياك ان تفهم ان الاسلام ياخذ منك شيئا الا وهو يريد ان يعطيك اشياء يبقى ادي المفلح ولا لا؟ يبقى المفلح ماخوذه من ايه؟ اه الذي وجدته يشقى بالحرث وبالري للارض وتشوفه كده عمال في الرماد وفي السباخ وعمال في محكوك في الميه وبعد ذلك تبقى انت تشوفه امتى؟ شوفه يوم الحصيله شوفه يوم واللي قعد نضيف بقى لا حرط ولا عك هدومه ميه وبعدين تشوفه يوم الايه؟ يوم الحصيلة برضه تلاقيه ايه؟ اه فكذلك إياك أن تنظر إلى تكاليف الدين على أنها أمور تحرمك النفع ولكنها أمور تربب لك النفع. تربب يعني تايه؟ تكتر وإياك أن تظن أن حكما من أحكام الله جاء ليجور على حريتك. بل ليمنع عنك حرية الآخرين. إحنا قلنا لما قيل لي لا تمد يدك إلى جيب فلان لتسرق منه. هو قيد حريتي صحيح؟ إنما قيد من أجل حرية الملايين ولا لأ؟ طب ما هو قال للناس كلهم اوعوا تسرقوا منه، طب اشمعنى إني نظرت إلى نفسي بقى؟ لو نظرت إلى ما منع الناس يبقى خير ليا ولا لأ؟ لو قال لي لا تمد عينك إلى محارم جارك. طب ما هو قال للناس جميعا لا تمدوا عيونكم إلى محارم فلان. يبقى حدد حريتي وانا ايه؟ واحد، وحدد من اجلي حريتي الملايين ولا لا؟ يبقى اذا يجب ان تذكروا الى ان كل تفليح كل تكليف يعطي فلاح، يعطي فلاح يعني ايه؟ يعني الارض تديها قد كده ثم حبايه واحده تديك كام سنبله؟ سبع سنابل في كل سنبله 100 ايه؟ 100 اذا فلا تنظر الى ما اخذه التكليف من حريتك، لانه اخذ من حريات الاخرين ايضا. ولا تقل انه انقص حركتي لنفسي لانه سيعطيك ثمرات اكثر مما ايه؟ مما افقدك.

موضوعات هذا المقطع (4)

1. معاني إطلاق لفظ «الأمة» في القرآن الكريم · 0:03
2. دلالة «منكم أمة» وعموم وجوب الأمر بالمعروف والتواصي بالحق · 1:48
3. دلالة لفظ «المفلحون» وحكمة التكاليف الشرعية في رعاية النفع والحرية · 6:34
4. النهي عن التفرق والاختلاف بعد مجيء البينات · 10:20