خطورة الشرك ومغفرة ما دونه والفرق بين المعصية واستحلال الذنب

نص الفقرة — تفريغ آلي

نتائج من التفريغ الآلي — قد تحتوي على أخطاء

إن الله لا يغفر أن يشرك به. دي من ضمن الآيات اللي تميزت بها سورة الإيه؟ سورة النساء مش كده؟ إن تجتنبوا وإن وإن إن الله لا يغفر أن إيه؟ يشرك به. دي اسمها الخيانة الإيه؟ الخيانة العظمى. طبعاً الحق سبحانه وتعالى يتكلم عن إنسان لم لم تحدث له توبة عن الشرك فيؤمن. لأن خلاص الإيمان يجب إيه؟ يجب ما قبله، ومن ومن عظمة الإيمان أنه حين يؤمن بالله وتخلص النية في إيمانه، وبعد ذلك جاءه قدر الله بالموت. يقوم يمكن يدي له نعيم أكثر من اللي عاش مؤمن طويل. لأن اللي عاش مؤمن طويل يمكن عمل بعض السيئات فياخذ بعض، إنما مخيريق. حينما آمن وجاءت المعركة وقال لهم مالي كله لمين؟ لمحمد ودخل المعركة فقتل ما عملش أي ما صلاش ركعة وبقى شهيد ولا ما بقاش شهيد؟ شوف العظمة الإيمانية نعم إن الله لا يغفر أن إيه؟ أن يشرك لأن دي الإيه؟ قلنا الإيه؟ الخيانة اللي بنسميها الخيانة العظمى وإحنا دي البشر ولله المثل الأعلى برضه استعمل الحكاية دي خلي جماعة شركاء في عملية كده ثورة وانقلاب وعملوا مش عارف إيه وبعدين يجي واحد منهم يهمل البدع إلا أن يتعرض للثورة بالايه؟ بالنقد، يبقى مقبول برضه، ما فيش مانع، ما فيش مانع، ونغطرش عليه ونعمل كل حاجة، لكن إذا جه علشان يعمل انقلاب نقول له ايه؟ اه، فإذا إن الله لا يغفر أن يشرك به، يعني ده اسمه ايه؟ خطيئة القمة، ويغفر ما دون ذلك لمين؟ لمن يشاء. مش عملها بقى كده بس أخضعها لمين؟ لإرادته إيه؟ لإرادته هو، وإلا كانت الناس بقت إيه؟ تبقى على حل شعرها، ولازم يكون يتوب عن الإيه؟ عن الذنب، إحنا قلنا مش مجرد ما عمل ذنب خلاص ينطرد من الرحمة، لأن إحنا قلنا فرق بين من يأتي الذنب وهو يعلم أنه مذنب وأن حكم الله صحيح وصادق إلا أنه نفسه ضعفت، وبين من يرد الحكم على الله يبقى عايز يعمل الذنب يقول يلتمس له وجه يحل، يقول لك لا الربا الربا مش حرام، العملية دي ما هيش حرام، يقول لي يا أخي الربا حرام بس ظروفي صعبة صعبة شوية وأنا يبقى اسمك عاصي بس، إنما لما ترد الحكم على الله تبقى إيه؟ يبقى والعياذ بالله كافر. إن الله لا يغفر أن نشرك به ويغفر ما دون ذلك لمن يشاء.

موضوعات هذا المقطع (4)

1. خطورة الشرك ومغفرة ما دونه والفرق بين المعصية واستحلال الذنب · 0:01
2. رد شبهة المستشرقين حول الجمع بين آيتي مغفرة الشرك في النساء والزمر · 3:10
3. بيان علة وصف ضلال المشرك بالبعيد وأبدية عذابه · 4:43
4. حقيقة الشرك بإثبات وجود الله مع اتخاذ الشركاء وبطلان دعوى التقريب · 5:53