الفرق البلاغي بين «فانظروا» و«ثم انظروا» وأنواع السير في الأرض

نص الفقرة — تفريغ آلي

نتائج من التفريغ الآلي — قد تحتوي على أخطاء

المره تلاقي القران يقول لك قل سيروا في الارض فانظروا واسلوب اخر يقول زي اللي هنا قل سيروا في الارض ثم انظروا. ايه الفرق بين الاتنين؟ احنا نعرف الفاء من حروف العطف وثم من حروف العطف بس احنا عايزين وواو من حروف العطف الواو بيقول لمطلق الجمع لمطلق لا بتجيب ده الاول ولا الاخر ولا مع جاءني زيد وعمرو هم جم ليا اشتركوا في الايه؟ في المجيء ليا انما جم ويا بعض جايز جه ده قبل ده جايز، الثاني قبل الأول جايز. ما بيتحس بالحكاية دي خالص. إنما جاءني زيد فعمر يبقى مين اللي جه الأول؟ زيد. زيد. وبعدين جه مين؟ جاءني زيد ثم عمر يبقى برضه عمر اللي جه بعدين. طب وإيه الفرق بين الف وبين ثم؟ قال لك جاءني زيد فعمر يبقى عمر جه في رجله. في كعبه على طول. إنما ثم قعد مدة دكة كده وبعدين دكة جه. فهمنا دي؟ يبقى فيه ترتيب وتعقيب يعني على طول وفي ترتيب وتراخي يعني فيه مده. لما يقول قل سيروا فانظروا غير اسلوب قل سيروا ثم انظروا. لما اقول سيروا فانظروا فكأن النظر هو المراد من السير. بمجرد ما تسير انظر شوف ايه الحكايه دي واعتبر يبقى دي سير الاعتبار. انما قل سيروا في الارض ثم انظروا انا لا امنع ان تضرب في الارض للتجاره. للزراعة، للقاء أحد، للفسحة، إنما ما تنساش وأنت في الحكاية دي برضه إنك تعمل إيه؟ إنك أنت برضه تتفكر وتتعمل مش عارف إيه، يبقى إذا نوع السير نوعان، نوع المقصود منه الاعتبار فقط، ولذلك السائحون اللي بيتنقل من ده عشان يشوف العبرة هنا ويشوف العبرة هنا ويشوف العبرة هنا ولذلك مرتبة من مراتب الإيه؟ اليقين والرياضة، وسير في الأرض للمصلحة، أم قال لك برضه لما تسير في الأرض للمصلحة ما تنساش أنت إيه؟ انك تاخد العبرة من ضمن المصلحة. قل سيروا في الأرض ثم انظروا كيف كان عاقبة المكذبين. طيب هو قال ما قالش ليه قل سيروا في الأرض فانظروا. أم قال لك ده معصلقين. هو هيقول لهم ما تسيروش إلا عشان النظر. قال لهم بس برضه خدوا تجارتكم لرحلة الشام ولرحلة اليمن ومش عارف إيه بس يعني ابقوا بصوا بصة كده. ثم انظروا كيف كان عاقبة المكذبين.

موضوعات هذا المقطع (2)

1. بلاغة التعبير بـ «في الأرض» ودلالة ظرفية الغلاف الجوي والهواء · 0:00
2. الفرق البلاغي بين «فانظروا» و«ثم انظروا» وأنواع السير في الأرض · 2:33