تفسير قوله تعالى: «اعملوا على مكانتكم إني عامل»

نص الفقرة — تفريغ آلي

نتائج من التفريغ الآلي — قد تحتوي على أخطاء

يا قوم، إعملوا على مكانتكم. المكان هو الحيز الذي يأخذه جرم الإنسان، كل واحد له مكان، إن وقف له مكان مش كده؟ إن قعد له مكان، والمكان ده هو المملوك لك من الأرض، أنت في المكان ده، ما يقدرش واحد يجي يقف وأنت واقف، لازم تإيه تزحزحه، طب هتزحزح اللي واقف ده يروح لمكان تاني ولا لأ؟ في عدم التداخل، عدم الإيه؟ يعني التداخل، ما يجيش حاجتين اتنين في حيز واحد ولذلك حتى دي امر فطري. تيجي مثلا للولد الصغير اللي لسه ما بيدركش اي حاجه اللي بيحبه يا دوب يقف كده وعايز يقعد على الكرسي مثلا كرسي اقعد عليه اخته او اخوه تقوم قبل ما يجي يقعد على الكرسي يعمل ايه؟ لازم يشده الاول يشده من على الكرسي عشان ايه؟ بالفطره عارف ان ما يمكنش ها؟ حاجتين اثنين يجوا في حيز ايه؟ حيز واحد ما دام في مكان مشغول ما يجيش الثاني. إحنا لما بنشوف الحكاية دي بنشوفها في حتى في غير زلجرم المرئي، يعني لما تجيب قارورة قارورة وبعدين تضعها في ماء عشان تتملي. الصوت اللي هو البقللة اللي إحنا بنشوفها دي معناها إيه؟ ده خروج هواء لأن مش ممكن يدخل المية إلا مطلع الهواء. مش ممكن. قبل ما يطلع الهواء ما تدخلش المية أبدًا، والهواء لأن المية لأنها أكثر ساعة ما تنزل تضغط ويطلع مين؟ يطلع له يعني ايه عدم التداخل يعني مفيش حيزين مفيش حاجتين اتنين يجوا في حيز ايه؟ في حيز يبقى مكانتك يا الحته اللي انت ايه؟ مستولي عليها ولذلك حتى في الجيوش وفي الحرب ومش عارف ايه لما يقعدوا يعملوا مش عارف ايه وبتاع يقول لك الطيارات تهدي ومش عارف وتعمل ايه انما ما تستوليش على اماكن ما تستولاش على ايه؟ يبقى لازم ايه؟ لازم المشاه امال يستولوا على المكان ازاي؟ انت تخرب بالطياره صحيح انما ما تستولاش مفهوم؟ يبقى ايه؟ اعملوا على مكانتكم فكان اللي واقف في مكان ده ايه؟ بنقول عليه متمكن. يبقى بيقول للجماعه اللي بيعارضوا النبوه وبيقفوا منها هذه المواقف ويعملوا فيها ويقولوا ايه والجن والانس وبتاع اعملوا على مكانتكم. يعني اعملوا على قدر استطاعتكم من التمكن. او اثبتوا على ما انتم عليه من الخلاف. والمنى هانظر ليه؟ برضه انا عامل يعني لا يكون ثبوت ثباتكم مانعا لي من العمل، انتوا تعملوا وانا ايه؟ انا اعمل، انتم تعملون على طاقاتكم وانا اعمل على طاقاتي الايمانيه ومدد ربي الاعلى من الطاقه.

موضوعات هذا المقطع (3)

1. دلالة لفظ «قوم» وخصوصيته بالرجال في القرآن واللغة · 0:00
2. تفسير قوله تعالى: «اعملوا على مكانتكم إني عامل» · 1:32
3. دلالة قوله تعالى: «فسوف تعلمون من تكون له عاقبة الدار» · 4:33