معنى الإخبات لله تعالى واقتران الطاعة بالتواضع والانكسار

نص الفقرة — تفريغ آلي

نتائج من التفريغ الآلي — قد تحتوي على أخطاء

الإيمان وعمل الصالحات مش التزام أمر بس إعمل دي وإعمل دي، ليه؟ قال لك لأن التزام الأمر قد يكون في ظاهره شيء من الكبرياء. افرض انك انت ذهبت الى مصلحه من المصالح لها رئيس شديد شويه. فقالوا لك اخوانك اللي موجودين والله الراجل ده ايه؟ صعب شويه وعايزنا نيجي الساعه 8 نكون موجودين ما نقراش جرايد ما نشربش شاي ما ناكلش ما ننتقلش من مكتب الى مكتب زي ما بيحصل ما نقابلش زوارنا في المكتب ونعطل مصالح ال يقول ما ده سهله. يا اخويا كان عايزنا ثمانية انا هاجي له ثمانية الا خمسة. جرايد مش قاري الجرايد دي خالص، الشاي حمنع الشاي، الله أنت بتعملها إيه يعني؟ تحدي؟ لا أنت لازم تعملها إيه؟ إخبات. إخبات وإيه؟ وخضوع الذين آمنوا، ولذلك يقول لك إيه؟ رب معصية أورثت ذلاً وانكساراً خير من طاعة أورثت عزاً واستكباراً. نعم، لأن ده ربنا عايزك بالعبادة خاضع، فما تجعلش العبادة وسيلة لإيه؟ اه نعم. فقال لك آمنوا وعملوا الصالحات وإيه؟ وأخبتوا. شوف أخبتوا يعني إيه؟ آه خضعوا. خضعوا لخشيتهم. وبيعملوها مش بإنهم ما بدهمش يخلوا لربنا عندهم كلمة. لا ده هم بيعملوها إخبات لمين؟ لله. طيب يا سيدي إن الذين آمنوا وعملوا الصالحات وأخبتوا إلى ربهم. أخبتوا أصلها من الخبت. الخبت ده لما تمشي كده تقوم تلاقي أرض إيه سهلة مطمئنة كده مطمئنة متواضعة كده مش شاقة وفيها تل ومش عارف إيه لا. فكذلك الخبت.

موضوعات هذا المقطع (5)

1. أسلوب المقابلة في القرآن الكريم وحكمته في الموعظة والاعتبار · 0:00
2. تلازم الإيمان مع العمل الصالح وحقيقة كل منهما · 0:47
3. معنى الإخبات لله تعالى واقتران الطاعة بالتواضع والانكسار · 1:57
4. جزاء أصحاب الجنة وحقيقة الخلود والنعيم الأبدي · 3:55
5. المقابلة في سورة هود بين فريق الخاسرين وفريق أصحاب الجنة · 5:03