أهمية حاستي السمع والبصر في تحصيل المعرفة والاستنباط والارتقاء الحضاري

نص الفقرة — تفريغ آلي

نتائج من التفريغ الآلي — قد تحتوي على أخطاء

مثل الفريقين كالأعمى والأصم والبصير والسميع. الحق سبحانه وتعالى بيضرب لنا بسيدَي الحواس الإدراكية في الإنسان. السيدين الاتنين اللي هما السمع والإيه؟ والبصر. والبصر. ليه؟ لأن دول هم اللي بيدوا للإنسان كل المعلومات، كل المعلومات اللي بياخذها الإنسان معلومات يا مسموعة يا مرئية. وبعدين بعد ما تتكون هذه المعلومات المسموعة يا المرئية يتكون عند الإنسان توليد واستنباط من اللي سمعه ومن اللي إيه؟ من اللي رآه. ولذلك هناك قول الحق سبحانه وتعالى: أعوذ بالله من الشيطان الرجيم، "والله أخرجكم من بطون أمهاتكم لا تعلمون شيئا". وجعل لكم السمع والأبصار والأفئدة لعلكم تشكرون الله إذا ما دام جعل السمع والأبصار أو الأفئدة هيجي منهم ثمرة ها تستحق أن نشكر عليها اللي هي الإيه بقى اللي هي المعلومات اللي هتجيني وبعدين أولد من المعلومات لأن ارتقاءات الحياة بتنشأ من إيه؟ إيه اللي بيخلي الحياة تبقى طفرات حضارية أو ارتقاءات؟ اه العلم بما سمع وبما ايه؟ وبما رأى. اللي رأى خد عبر واشياء من الكون يقوم يستنبط منها ايه اشياء. احنا قلنا مثلا اللي شاف الحله والغطاء بتاعها بايه؟ بيرتفع كده قال ايه يا اخويا؟ هو البخار بيعمل كده شويه ميه قال لك ايوه لان الميه ما دام سائل وبعدين لما تغلي او تسخن يطلع منها بخار، البخار يبقى هايش يعني يعوز حيز ايه؟ اكبر من السائل. لما يعيش حيز اكبر من القدر محدود يقوم ينطر ايه؟ ينطر الغطاء. فاللي رأى الحكايه دي استنبط منها ولا ما استنبطش؟ استنبط. استنبط. وبعدين اللي يجي بعده مش يبتدي يستنبط ما استنبطه الاخر لا ياخد دي مقدمه ويطلع هو منها نتيجه. يبقى اللي جه نتيجه النهارده هيصبح مقدمه لمين؟ لبكره يقوم ترتقي الايه؟ الحياه ولو ان كل انسان وقف عندما سمع او عندما رأى لما ارتقت الحياه هذه الارتقاءات الحضاريه. يبقى الارتقاءات الحضاريه ايه؟ ان فيه ناس تنتفع بما سمعوا، وتنتفع بما رآه الغير، وبعدين تبتدي هي من هذا المجال، ابتداء من هذا المجال يدوا له ايه؟ يدوا له فرصه انه يعلي ولا لا؟ انه يعلي.

موضوعات هذا المقطع (4)

1. مفهوم لفظ «الفريق» وعلة إطلاقه على أهل الإيمان وأهل الكفر · 0:00
2. أهمية حاستي السمع والبصر في تحصيل المعرفة والاستنباط والارتقاء الحضاري · 0:45
3. تفسير قوله تعالى: {مثل الفريقين كالأعمى والأصم والبصير والسميع هل يستويان مثلا} · 3:35
4. حقيقة العمى والصمم القلبي وتعطيل وظائف الحواس · 4:44