الأصل اللغوي للجدل ودلالة الفتل

نص الفقرة — تفريغ آلي

نتائج من التفريغ الآلي — قد تحتوي على أخطاء

مأخوذ من إيه؟ مأخوذ من الجدل. والجدل معناه الفتل. ما بتقولش ما بنقولش نجدل الحبل. الجدل معناه الإيه؟ الفتل. لأن الحبل بيجي من شعيرات كده مخصوصة هشة فبنعملها شعرتين كده ونلمهم على بعض وشعرتين ونلمهم على بعض ونبتدي نعمل منهم إيه؟ ونعمل منهم حبل نفتله. ولذلك يقال للرجل القوي يقول لك ده رجل مفتول العضلات. مفتول الايه؟ مفتول العضلات، مفتول العضلات يعني عضلاته مش مش رخوة. عضلاته ايه؟ جامدة ومش عضلات سائلة كده، قال لك لا، ده مفتولة متداخلة في بعضها، ولذلك إذا شفت الجهاز العضلي تقوم تلتفت تلاقي ايه؟ داخل في بعضه كده وطالع من هنا ودخل ليه؟ قال لك لأن حركات العضل حركات مختلفة، حين تقوم لها عضلة، حين تقعد لها عضلة، حين ترفع رأسك لها عضلة، حين تعمل إيدك كده لها عضلة، حين تعملها كده بدليل ان عضله واحده لو تعطلت امتنعت الحركه المقابله لها. ان حركه القيام تعطلت عضلتها ما تعرفش تقوم، ان حركه القعود ما تعرفش تقعد، ان حركه رجل شوف بقى لما عضله تختل في لاعب من اللاعبين ماذا يكون الموقف؟

موضوعات هذا المقطع (7)

1. موقف قوم نوح من طول جداله معهم · 0:00
2. مفهوم الجدال والغاية منه · 0:18
3. الأصل اللغوي للجدل ودلالة الفتل · 1:07
4. الجدال بالتي هي أحسن والفرق بين احتكاك الآراء وتحككها · 2:29
5. مفهوم المراء وأصله اللغوي · 3:56
6. مفهوم الحجاج والفرق بينه وبين الجدال · 4:47
7. استعجال قوم نوح للعذاب تهكماً وتكذيباً · 5:16