قياس العمل بقدرة فاعله وتطبيقه على معجزة الإسراء

نص الفقرة — تفريغ آلي

نتائج من التفريغ الآلي — قد تحتوي على أخطاء

وكل الذين كفروا اي الايه؟ الطرف المقابل للرسول وللمؤمنين به وكل الذين لا يؤمنون اعملوا على مكانتكم انا عاملون وما دام فيها عمل وعمل يبقى قارن عمل خلق بعمل مين؟ خالق عمل حادث بعمل ايه؟ قديم وكل عمل اي حدث يحدث انما تقاس قوته بقوه فاعله لما تقول للطفل الصغير اعمل الشيء الفلاني وتقول للواد الفتيوه اعملوا الشيء الفلاني، يبقى ده عمله ايه؟ يناسبه وده عمله ايه؟ يناسبه، تقول للولد الصغير مثلا ايه؟ انقل دي من هنا لهنا، هيجي ده ده ده ده وياخد دي، وبعدين يمشي يمشي يمشي كده ياخدها ايه؟ يبقى مناسب قوته ولا لا؟ هياخد زمن كتير ولا لا؟ ياخد، انما الكبير هيعمل ايه؟ الله اذا كل عمل يناسب مين؟ قوة الفاعل بتاعته، ولذلك الخطأ كل الخطأ في المستقبلين لمناهج الايمان انهم اذا جاء عمل ينسوا العامل مين؟ ينسوا مين اللي فعل؟ ان عرفوا ان اللي فعل البشر يبقوا يتكلموا، انما ان كان اللي فعل رب يبقى لازم يقيسوا العمليه، لما جاء لنا في الاسراء سبحان الذي اسرى بعبده ليلا من المسجد الحرام الى المسجد الاقصى. الله الله الله، هو قال سرى محمد من المسجد من البيت الحرام للمسجد الاقصى؟ كنت حتى تقولوا اننا نضرب اليها اقبال الابل شهرا وهو يدعي انه اتاها في الليله، من الذي قال ان محمد ادعى انه اتاها في ليله؟ ما اتاه محمد انما اتي به وما دام اتي به يبقى مين اللي اتى؟ يبقى ربنا يبقى القيس الفعل بالنسبه لمحمد ولا بالنسبه لربنا بقى؟ يبقى القيس بالنسبه لربنا.

موضوعات هذا المقطع (3)

1. قياس العمل بقدرة فاعله وتطبيقه على معجزة الإسراء · 0:00
2. تفسير «وانتظروا إنا منتظرون» وحكمة مطابقة الواقع لنبوءات القرآن · 1:55
3. إعجاز نبوءة «سيهزم الجمع» وتحديد النبي لمصارع المشركين في بدر · 3:04