دلالة قوله تعالى «فتحسسوا» ومنافذ الإدراك عبر الحواس

نص الفقرة — تفريغ آلي

نتائج من التفريغ الآلي — قد تحتوي على أخطاء

مفهوم طب اذهبوا فتحسسوا تحسسوا من الحس، والحس يجمع على حواس، حواس كتيرة، والحواس هي منافذ إدراك المعلومات للنفس البشرية، يعني المعلومات اللي بتتكون عندها بتنشأ من ايه؟ محاسة الأول، حواس تدركها وتتكون منها قضايا تبقى عقلية بعدين، إذن فالأصل قنوات المعرفة اللي هي ايه؟ الحواس الحواس قالوا انها لما يجوا يتكلموا عنها يقولوا الحواس الخمس اللي هي ايه؟ السمع والعين البصر والشم والذوق واللمس الله هي دي الحواس اللي بندرك بها الايه؟ الاشياء لما ندرك الاشياء المحاسه تبتدي تتكون عندنا معلومات عقليه يبقى خميره كل المعلومات ايه؟ الحواس الحواس دي قالوا خمسه الظاهره ولذلك احتاطوا العلماء قال لك الحواس الخمسه الايه؟ الظاهره. الظاهره لانهم بعدين اكتشفوا في وظائف الاعضاء ان في حواس ثانيه بتدرك معلومات ما هيش من دي. ام انك انت اذا مثلا حملت شيئا وحملت شيئا اخر تقول دي اتقل من دي. فباي شيء ادركت ثقل هذا عن هذا؟ باي حاسه؟ بعينك طب كنت تقول ده تقيل وده تقيل وهم على الارق. باللمس طب كنت حط ايدك على ده وحط ايدك على ده وقول لي مين اللي تقيل؟ بالشم بالذوق حق لسانك والحاسدة والحاسدة والكده. يبقى ما تعرفش ان ده تقيل وده خفيف الا بايه؟ بحاجة تانية وهي بايه؟ انك تشيله. الله. يبقى أدركت ان ده تقيل ازاي؟ قام قال لك بحاسة اسمها حاسة العضل. دي الخفيف أجهد عضلي قدر. والتقيل اجهده اكتر شويه اقوم انا اعرف ان ده اتقل من ده خلاص ادي حاسه واحس طيب تمسك زي ما قلنا زمان تمسك قماش شوف القماش ده سمكه قد ايه يعني ده ما يجيش على كذا من الملي ومع ذلك تمسك ده تقول لا ده ده اراق الله طب وانت ايه اللي خلاك تدرك ان ده اراق اناملك اهدي حاسه البين والبعد ده هو ابعد اناملك عن بعضها اكتر من الثاني قلت ده ايه تخين وده بايه؟ وده الفيض حس ملكات في النفس الانسانيه ايه؟ كثيره كل ملكه بتؤدي ايه؟ معنى ولكن الملكات الظاهره اللي بتدي المعلومات المشتركه القدر العام دي اللي هي الايه؟ الحواس الخمسه يبقى كلمه فتحسسوا يعني ايه بقى؟ قال اعملوا كل حواسكم ها علشان توصلوا للحقيقه ازاي؟ مش احنا نقول مثلا لواحد ده فلان ده سمه الجاسوس عين لانه رايح يشوف ايه اللي حصل ودلوقتي بقى ودن علشان بيشوفوا ايه اللي بيتقال مش كده ولا لا؟ الصنط الصنط يعني بيستعمل حاسه ايه؟ حاسه السمع الله وبيتجسس بيستعمل حاسه ايه؟ العين ولذلك بيسموا الجاسوس العين يبقى مره يستعمل العين مره يستعمل الايه؟ الاذن مره برضه بيستعمل حاسه ثانيه اللي هي انفه ولذلك احنا في عرفنا العام من كده بنقول يا اخي شمشم لنا على الحكايه دي كده الله شمشم لنا على الحكايه دي بقى من الحس ولا لا؟ فتحسسوا يعني شغلوا كل ايه؟ كل حواسكم عشان توصلوا لنا للحكايه ايه؟ للحكايه دي. يا بني اذهبوا فتحسسوا من يوسف واخيه من اجل يوسف وايه؟ واخيه.

موضوعات هذا المقطع (4)

1. توجيه يعقوب لبنيه بالبحث عن يوسف وأخيه وسبب تخصيصهما · 0:01
2. دلالة قوله تعالى «فتحسسوا» ومنافذ الإدراك عبر الحواس · 1:02
3. النهي عن اليأس من روح الله وبيان معاني الروح · 5:18
4. ارتباط اليأس بالكفر ويقين المؤمن برحمة الله ومسبباته · 7:30