تفسير حتى يأتيك اليقين والرد على دعوى سقوط التكليف

نص الفقرة — تفريغ آلي

نتائج من التفريغ الآلي — قد تحتوي على أخطاء

واعبد ربك حتى ياتيك اليقين. ناس يقول لك واعبد ربك الى ان تبلغ اليقين يعني لما يجيني اليقين ايه؟ ولذلك بقى دي دي حكايه بيضحك بقى ناس على ناس. يقول لك انا خلاص وصلت الى مرتبه يبقى يقعد كده والناس تصلي وهو ما يصليش. يقول لك لا ده قال ايه؟ قال يعني سقط التكليف لان اليقين جال. قول له يا سلام عليك يا اخي ده يبقى سيدنا رسول الله عمل ايه؟ ده سيدنا رسول الله قعد يصلي لما يبقى اليقين ما جالوش ابدا. اعبد ربك حتى ياتيك الامر المتيقن الذي لا خلاف من احد ولو ملحدا او كافرا فيه. ليه؟ لأن اليقين بالغيبيات من خصوصيات المؤمن. ربنا قال له على حاجات فراح ما إيه؟ مصدقها. ليه؟ لأنه آمن بمن قال. ما بحسش المسألة دي تيجي إزاي ولا ما تجيش إزاي ماليش دعوة. هو قال كده يعني قال كده. ولذلك سيدنا أبو بكر لما كان يحدث بالأمر الغريب من رسول الله يقولوا له صاحبك قال كذا قال هو قال يقول آه يبقى صادق. قال لا. يبقى معنى كده إيه؟ إن بقى عنده كلامه إيه؟ كلامه حجة. يبقى المؤمن يتيقن بالغيبيات على وفق من اخبره توثيقه قال لي كده يبقى هي كده كويس كده لكن الكافر امور ايه يشك فيها وما يتقن وما يتيقنهاش الا لما تبقى ايه محس قدامه يقول له هيجي له بقى حاجه وايه ويتجندل ويموت ودي هتشك فيها الاخرى ما تشكش فيه يبقى ده يقين ولا لا يا اخي ولذلك النبي عليه الصلاه والسلام يشرح لنا القضيه دي يقول ايه؟ لا ارى يقينا اشبه بالشك من يقين الناس بالموت. كلنا متيقنين اننا هنموت انما برضه مزحزحين حته اليقين دي شويه كده. انما واقعه ولا مش واقعه؟ واقعه يبقى واقعه واعبد ربك حتى ياتيك الايه؟ اليقين واذا ما جاء اليقين نقول له ادي اللحظه بقى اللي مش هينفع فيها الايمان. اللحظة اللي مش هينفع فيها مين؟ الإيمان.

موضوعات هذا المقطع (5)

1. مفهوم العبادة الشامل وحكمة التكليف الشرعي · 0:00
2. تفسير حتى يأتيك اليقين والرد على دعوى سقوط التكليف · 3:39
3. تعريف اليقين ومراتبه الثلاث بالأمثلة · 7:06
4. مراتب اليقين في القرآن وسورتي التكاثر والواقعة · 9:22
5. نماذج من يقين الصحابة ورسوخ الإيمان · 12:04