بيان معنى التوكؤ على العصا ومنافعه الجسدية والصحية

نص الفقرة — تفريغ آلي

نتائج من التفريغ الآلي — قد تحتوي على أخطاء

في لها بقى في التاريخ يعني تاريخ طويل هي كلمه العصا دي العصا دي اولا لازمة من لوازم التأديب والرياضة. ولازمة من لوازم الأسفار. فموسى لما جه يتكلم جاب بعض فوائدها. قال أتوكأ عليها. توكأ يعني إيه؟ يعتمد. تتوكأ عليها إمتى؟ إذا كان ماشي أو تعبان. إذا كان ماشي ياخدها كده تساعده. طب ويعني تتوكل عليها ايه؟ قال لك لان الماشي عنده حركتين. عايز طاقه عشان حركه المشي. قدمه بيمشي فيها. وعايز طاقه ثانيه علشان ان القدمين دول حاملين بقيه الجسم. يبقى عايز حاجتين اثنين. المشي عايز طاقه وحمل الجسم عايز ايه؟ طاقه. طاقه. يقوم لما يكون ماشي يجيب العصايه دي ويعمل عليها شويه دي تقوم تحمل ثقه للجسم شويه. هي مش هتساعد في المشي انما تحمل ثقة الجسم ثقة الجسم يبقى ادى الطاقة زايدة شوية ده كلام عن الاول طب واذا تعب يمشي واذا تعب يقف كده يتكيء عليه طب تعب يعني ايه؟ ان قدميه ما عادش غادرة تشيله ادي واحدة او مش غادرة على الحركة الثانية يقوم يعمل ايه؟ اللي واقف كده يقوم يحط العصاية كده ويتكيء عليها ويعتمد عليها عملت ايه العصاية هنا؟ حملت جسمه. يبقى ان كان عنده مسكه قوه يقدر يمشي شويه. ما عندوش يعمل ايه؟ يقعد. وما تلك بيمينك يا موسى؟ قال اي موسى هي عصاي وقلنا ما فيها من الكلام والاطاله. اتوكا عليها ومعنى اتوكا اعتمد عليها. اعتمد عليها في حين المشي حين اتعب من المشي حين اقف لمراعاه القطيع واستند عليها. وقلنا ان الاعتماد ده علشان يعوض للقوه اللي القدمين بيتحملوها، وتكلمنا عن الانسان ماشيا وقائما وقاعدا ومضطجعا، وقلنا ان الانسان اذا ما استقر جسمه على شيء للجسم مسام، هذه المسام لا تدركه بالعين المجرده، انما اذا جبت مجهر مثلا وحطيته على اي بقعه من الجلد تراها ناعمه تقوم تلاقي فيها ابار. الابار دي هي الايه؟ مسام، مسام اللي بتنفس في الجسم وتطلع العرق وبتاع والا فالعرق بيطلع منين؟ فإذا جلس الإنسان مدة طويلة نقول عليها انكتمت المسام، فلم تعد تفرز شيئا ضارا بالجسم، فيظل محبوسا فيها، وقد يؤدي ذلك إلى ضرر يصيب الجلد، ولذلك نشوف الجماعة اللي يقول لك عندهم قرحة الفراش. ودي مرض خطير، قرحة الفراش للناس اللي يضطرهم المرض أنهم يناموا مدة طويلة. يناموا مدة طويلة على ظهرهم ولا على جنبهم فتنكتم المساب فتتولد اشياء توجد قرحة ودي من أصعب أنواع الإيه؟ الأمراض ولذلك قلنا نلحظ ذلك حينما يحكي الله لنا قصة أهل الكهف وأن الله سينيمهم 300 سنة وتسعة ينيمهم شوف بقى لما يناموا 300 سنة وتسعة ده الواحد لما ينام له أسبوع على جنبه تجي له الحكاية دي قال إيه؟ ونقلبهم ذات اليمين وذات الشمال ولذلك ينصح الاطباء الناس اللي عندهم حاله زي ديًا يقول لك لازم يهوموه شويه ويقعدوه وينقلوه يعني لازم علشان الايه؟ اذا فالتوكأ كما يكون علشان دار التعب عشان دار ايه؟ دار مرض لانك لما تقعد كده وبعد ذلك تيجي تتكئ تقوم تريح حته كانت مكتومه وتتكئ حره ثانيه مكتومه ولذلك اللي يقعد طويل ولا يجد له متكأً يفضل متقلقل كده. شويه يعمل كده شويه يعمل ايه؟ ولذلك جعلها الله ايضًا من وسائل الترف في نعيم الاخره. فقال متكئين على سرد الايه؟ مصفوفه، متكئين على فرش بطائنها من استبر، متكئين على رفرف، كل دي علشان ايه؟ لان دي شيء وقلنا ان امراه العزيز عملت ايه؟ واعتدت لهن متكئه، اذا هذا هو الايه؟

موضوعات هذا المقطع (4)

1. مقام الأنس في إطالة موسى عليه السلام الجواب لربه · 0:00
2. بيان معنى التوكؤ على العصا ومنافعه الجسدية والصحية · 2:31
3. معنى الهش بالعصا ورعاية الغنم وحكمة ذلك للأنبياء · 7:26
4. تفسير المآرب الأخرى للعصا واستعمالات الرعاة لها · 9:13