دلالة «منها خلقناكم» في الخلق الأولي والتناسلي

نص الفقرة — تفريغ آلي

نتائج من التفريغ الآلي — قد تحتوي على أخطاء

منها خلقناكم وفيها نعيدكم ومنها نخرجكم تارة اخرى. منها خلقناكم. طيب الخلق قسمين. خلق اولي وخلق ثانوي. الخلق الاولي اللي هو في ادم وده مش من الطين؟ من الطين، يبقى منها خلقناكم في ادم واضحه ولا مش واضحه؟ طب وفي الثانيين بقى اللي جم من التناسل؟ قال لك برضه منها خلقناكم، ليه؟ لان اذا كان الاصل الاول ايه؟ مخلوق منها، يبقى كل ما ينشا ايه؟ يبقى يبقى منها، او انك في التناسل تتولد من ميكروبات اللي هي ميكروبات الايه؟ الذكوره اللي بيروح في البويضات الايه؟ الانوثه، دي جايه منين؟ من الأطعمة والأشياء اللي احنا بناكلها مكونة منها، يبقى إن أردتها أولا تمشي وإن أردتها ثانيا إيه؟ تمشي. ومنها خلقناكم ولك أن الحق سبحانه وتعالى يترك في الوجود عقولا تبحث لتؤكد صدق القضية الأصلية في الخالق. طب منها خلقناكم من الطين. والطينة برضه هتيجي منها الأشياء اللي هتتكون عندنا في ظهورنا وتبقى مادة نطفية ومادة معنوية وينشأ منها المش عارف تبقى منها برضه. بس منها بواسطه ومنها بغير ايه؟ بغير واسطه. منها خلقناكم وفيها نعيدكم ومنها نخرجكم تارة أخرى. تكلم الحق سبحانه وتعالى عن الخلق الأول لأن آدم خلق من طين فصحيح منها خلقناكم من الطين مباشرة ولكن ذريته الباقية جاءت بقانون التناسل. قانون التناسل عايزين ميكروب ذكري وميكروب أنثوي. منين يجوا؟ من الطعام اللي احنا بناكله من الارض. الطعام اللي احنا بناكله من الارض ده هو اللي بيكون هذه الاشياء، يبقى برضه منها خلقناكم.

موضوعات هذا المقطع (6)

1. مراحل وجود الإنسان بين آيتي طه والأعراف · 0:00
2. دلالة «منها خلقناكم» في الخلق الأولي والتناسلي · 1:19
3. الإعجاز التحليلي في تطابق عناصر طينة الأرض مع جسم الإنسان · 3:31
4. دلالة «وفيها نعيدكم» وحقيقة عودة الإنسان إلى الأرض · 5:01
5. أطوار خلق الإنسان ونقضها العكسي عند الموت · 6:01
6. دلالة «ومنها نخرجكم تارة أخرى» وكيفية البعث الثاني · 7:56