مفهوم الغيب والفرق بين الغيب النسبي والغيب المطلق

نص الفقرة — تفريغ آلي

نتائج من التفريغ الآلي — قد تحتوي على أخطاء

عالم الغيب والشهاده. الغيب وما هو الغيب؟ الغيب هو ما غاب عنك ايها المخاطب. طيب غاب عنك وعن غيرك ولا هو غايب عنك وعالمه مثلك؟ احنا دلوقتي مشهد اهو والناس عالمة اننا قاعدين في درس وقاعدين في الجامع الفلاني، انما الناس اللي اللي ما شافوناش يبقى هو غايب عنهم، انما هل هو غايب عن امثالهم؟ اه يبقى ما يبقاش غير، يبقى ده غيب عنك انما مش غيب عن مثلك. مش غيب عن مثلك. ولذلك كمان يقول لك مثلا ايه؟ ده انا هقول لك على السرقة الفلانية، ده السرقة الفلانية عند فلان، ايه؟ ولكن ده الجن قالوا له صحيح وإن الشياطين لا يوحون إلى أوليائه. نقوم نقول له طب تعالى بقى. إذا هي غيب عن بشر. إنما مش غيب عن جنس آخر. يبقى غيب مطلق ده ولا غيب مقيد؟ غيب مقيد يبقى غيب مقيد. أمال الغيب المطلق إيه؟ هو الذي يكون غيبا عنك وعن مثلك. ما فيش حد يعرفه أبدا. ولذلك الأشياء اللي بيخترمها كهرباء وجاذبية ومش عارف وإيه وإيه، دي كانت غيبا عن من قبلنا. انما موجوده ولا مش موجوده؟ ومتروك في الكون حاجه توصلنا لها ولا لا بدليل انهم اخذوا المعادلات وقعدوا لحد ما وصلوا لها اذا مقدماتها لم تكن غيبه انما النتائج هي اللي كانت ايه؟ وبعدين النتائج بعد ما كانت غيب بقت مشهد ونستعملها نجيب منها غيب ثاني مقدمه الله يبقى اذا ولذلك الحق سبحانه وتعالى يفصل بين الاثنين اعوذ بالله من الشيطان الرجيم بسم الله الرحمن الرحيم الله لا اله الا هو الحي القيوم لا تاخذه ايه؟ هناك بقى ولا يحيطون بشيء من علمه إلا بما شاء. أثبت الإحاطة لمين؟ للناس. للناس. بس شاء الله أن يعلموها. يبقى إذاً كانت مطمورة في الكون. وبعدين جاء أجل ظهورها وميلادها. فأعلمهم بها. يبقى إذاً المعلوم لغيرك وغيب عنك يبقى مش غيب. خلاص؟ المجهول لك أو الغيب عنك ولكن له مقدمات ستدل عليه يبقى مش إيه؟ مش غيب. الغيب هو عالم الغيب فلا يظهر على غيبه احدا الا من ارتضى من رسوله. اهو ده اللي يبقى ايه؟ الغيب.

موضوعات هذا المقطع (5)

1. تعريف العلم وشروطه والفرق بينه وبين التقليد والجهل · 0:01
2. مفهوم الغيب والفرق بين الغيب النسبي والغيب المطلق · 2:34
3. دلالة الجمع بين علم الغيب وعلم الشهادة في حق الله · 5:01
4. نعمة ستر الغيب عن العباد والحكمة في حجب السرائر · 6:57
5. تنزيه الله عن الشركاء وبيان عجز الأصنام عن العلم والنفع · 10:38