بلاغة الإيجاز وصعوبته وأمثلة واقعية عليه

نص الفقرة — تفريغ آلي

نتائج من التفريغ الآلي — قد تحتوي على أخطاء

برقية يعني كلام موجز يشمل كل ما في الايه؟ كل ما في القرآن، واحنا نعرف ان الكلام الموجز يعوز وقت طويل عشان تركز المعاني الكثيرة في اللفظ الايه؟ في اللفظ الموجز، ولذلك قلنا زمان انهم قالوا لواحد خطيب انجليزي قالوا له كان مشهور بقى انه خطيب قالوا له إذا طلب منك خطاب عشان تلقيه في ربع ساعة كم ساعة تعد الخطاب ده؟ أم قال أسبوع هيقعد اسبوع عشان يعد مين خطاب يتلقي في ايه؟ في ربع ساعه. قال له طب فاذا كان في نص ساعه؟ قال يبقى ثلاث ايام. قال له طب فاذا كان في ساعه؟ قال يبقى يومين. طب فاذا كان في ثلاث ساعات؟ قال من الان انا مستعد. اكن كل ما ايه؟ الكلام يبقى مركز يبقى عايز ايه؟ ولذلك انت لما تبعث برقيه لواحد بتحاول تجيب كلام ايه؟ كلام مركز انما معانيه ايه؟ اللي بيسموه الايجاز المبين، الايجاز المعجز. ولذلك قالوا ان سعد باشا زغلول وهو في فرنسا ارسل لصديق له خطاب. خطاب من اربع صفحات. قال له اما بعد فاني اعتذر اليك عن الاطناب، يعني عن التطويل. لانه لم يوجد عندي الوقت الكافي للايجاز. اهي دي البرقيه اهي، واللي بقى بعد كده ايه؟

موضوعات هذا المقطع (3)

1. شمول آية (ومن يطع الله ورسوله) لمنهج الإسلام ووصفها بالبرقية · 0:03
2. بلاغة الإيجاز وصعوبته وأمثلة واقعية عليه · 1:07
3. حكمة المقابلة بين المؤمنين والمنافقين في سياق الآيات · 2:42