حكمة إظهار أهوال القيامة وسعة رحمة الله بفتح باب التوبة

نص الفقرة — تفريغ آلي

نتائج من التفريغ الآلي — قد تحتوي على أخطاء

الحق سبحانه وتعالى يدلك على انه يبشع مظاهر يوم القيامة على الكافرين لا لأنه كارههم بل لأنه عايزهم يستحضروا هذه البشاعة فربما ايه يرعوم ويتوبوا يبقى برضه بدو ربنا يعمل لهم ايه؟ توبة مش معنى ذلك انه بيقول لهم كده عشان يعني يفقدهم لا ده رب ورحيم ولذلك احنا قلنا زمان لما السما والارض والجبال قالت لربنا يأذن لنا اننا نهلك ابن ادم مش قالوا كده؟ قالت الارض يا ربي إئذن لي ان ايه؟ ان اخسف بابن ادم فقد طعم خيرك ومنع شكرك. وقالت الجبال يا ربي إئذن لي ان اخر على ابن ادم فقد طعم خيرك ومنع شكرك. البحار يا ربي إئذن لي ان اغرق ابن ادم طعم خيرك وايه؟ ومنع شكرك. قال دعوني وخلقي لو خلقتموهم لرحمتموهم. دعوهم فان تابوا الي فانا حبيبهم وان لم يتوبوا فانا طبيبهم، طبيبهم يعني هقعد اعالج فيهم اجيب لهم من هنا واجيب لهم ترغيب واجيب لهم ترهيب واشوقهم للجنه واخوفهم من النار واقول لهم ذله اليوم عشان ربما يعمل ايه؟ ربما يجوا ليا، ففتح الباب وفتح باب التوبه من الله لا رحمة للتائب وحده، ولكن رحمة للذين يشقون بعصيان غير التائب. لأن لو واحد عمل ذنب وربنا يقفل به باب الرحمة يعمل إيه؟ زي ما بنقول عليه يبقى فائد. ما يهموش بقى يعمل اللي يعمله بقى، مين الذي يشقى؟ المجتمع. يبقى حين يشرع الله التوبة يبقى مش رحم التائب بس ورحم مين؟ ورحم المجتمع اللي هو عايش وياه. فيبقى فتحوا باب التوبة نفسه رحمة بالإنسانية كلها، بالمذنب وبالمذنب عليها.

موضوعات هذا المقطع (4)

1. تفسير قوله تعالى: فعَمِيَتْ عليهم الأنباءُ يومئذ فهم لا يتساءلون · 0:00
2. معاني السؤال في اللغة والفرق بين سؤال الاستعلام وسؤال الإقرار · 1:21
3. حكمة إظهار أهوال القيامة وسعة رحمة الله بفتح باب التوبة · 2:42
4. تفسير قوله تعالى: فعسى أن يكون من المفلحين وبيان دلالة عسى من الله · 4:55