الفروق اللغوية بين المسكن والمنزل والبيت وتفسير اسكنوا الأرض

نص الفقرة — تفريغ آلي

نتائج من التفريغ الآلي — قد تحتوي على أخطاء

إحنا عارفين إن مسكنهم مكان السكن. مكان السكن ده مرة يقولوا سكن ومرة يقولوا بيت ومرة يقولوا منزل. كل حاجة لها إيه؟ مأخوذ من سكنة. ليه؟ لأن السكن الإنسان بياخده عشان يرتاح فيه من من حركة الحياة والعمل. يقوم يسكن إليه ويطمئن. ولازم يسكن في حتة فيها مقومات الأمن. ما يسكنش في حتة كده يعني. لازم يسكن ولذلك أول سيدنا ابراهيم ما راح على البيت العتيق اني اسكنت من ذريتي من ذريتي بواد غير ذي زرع عند بيتك المحرم ربنا ليقيم الصلاه الله ده بيقول له انا اسكنت ابني وامه في حته ما فيهاش زرع والزرع اول مقوم من مقومات الحياه ومادام ما فيش زرع يبقى ما فيش ميه يبقى ما فيش فيها من مقومات الحياه الا ايه؟ الا الهواء بس ولذلك ستنا راحت كده وكده عشان تدور بس على حته فيها ميه ولا حته فيها شجره عشان تعرف ان في ميه ولا الى الى اخر الايه؟ القصه. يبقى اسكنتوا يعني جعلتوهم متوطنين هنا قاعدين. الفرق بين المسكن والمنزل ان المنزل قد تنزل فيه مره وبعدين ما تنزلش فيه او عامله للطوارئ اللي تبقى تنزل فيه ولذلك في غزوه بدر ابن المنذر قال له ايه؟ امنزل امنزل انزلكه الله ام هو الراي والحرب؟ قال له لا الراي والحرب. قال له لا نعمل كذا ونعمل يبقى منزل تنزل فيه يعني حته عاملها انت كده زي استراحه ان شئت نزلت انما سكن استقرار. بيت ملاحظ فيه البيتوته والانسان لا ياخذ نومه على حق الا في مكان يامن فيه. انما ان كان يخاف وان كان جعان ما ينامش وان كان خايف ما ينامش يبقى معنى بيتوته يعني ايه؟ مطمئن جدا على ان ما فيش حد يجيبه ولانه شبعان. يبقى المسكن ولذلك احنا هناك كنا قلنا الحق سبحانه وتعالى حينما اراد ان يقطع بني اسرائيل في الارض قال ايه؟ وقلنا من بعده لبني اسرائيل اسكنوا الارض. لما يجي المستشرق ويقول الله يقول لهم اسكنوا الارض، امال هم كانوا فين؟ طب ما هم كانوا في الارض برضه. شوف الاستدراك. يقول لك اسكنوا انا ما تقوليش اسكن الارض. لأن وأنت بتقول لي أنا ساكن قاعد في الأرض، أمال أنا كنت فين؟ ده أنت تقول لي اسكن القاهرة، اسكن طنطا، تاخد لي حتة من الأرض وتعينها لي وتقول لي بلاش دي، إنما اسكن الأرض، طب ما هو في الأرض. ما فهموش عن الله. لأن الله يريد أن يقطعهم كما قال: وقطعناهم في الأرض أمما. يبقى أنتم مالكوش مسكن مخصوص ولا وطن مخصوص. إن ساحوا في الدنيا، في الأرض كلية. يبقى سكنكو فين؟ الأرض مالكوش وطن. بدليل وقطعناهم في الارض امما مش كده؟ اه يبقى الايه انتم مش فاهمين بس عن الله ادي معنى ايه؟ اسكنوا الارض فاذا جاء وعد الاخره اللي هي جت في اول السوره ليسوءوا وجوهكم وليدخلوا المسجد كما دخلوه ايه؟ فاذا جاء وعد الاخره يسوء وجوهكم ويضربكم الضربه القاضيه دي يعملوا فيكم ايه؟ كانوا ازاي يروحوا وراكم في كل امة وكل دولة؟ ما يقدروش لازم يجمعكم جئنا بكم لفيفا حطيناكم في حتة مخصوص عشان تبقى الضربه موجهه الى مكان محدد في زمن محدد. نعم. ما شاء الله.

موضوعات هذا المقطع (8)

1. مناسبة ذكر قصة سبأ بعد قصة سليمان عليه السلام · 0:00
2. نسب سبأ وتفرق بنيه وتاريخ سد مأرب · 1:36
3. دلالة إطلاق سبأ على الشخص ثم القبيلة ثم المكان · 5:00
4. الفروق اللغوية بين المسكن والمنزل والبيت وتفسير اسكنوا الأرض · 5:30
5. معنى الآية وأنواعها وظهور حجة الإسلام · 9:27
6. تفسير الآية في مسكن سبأ وجنتان عن يمين وشمال · 12:49
7. الأمر بالأكل من رزق الله ومقام الشكر والحكمة · 14:52
8. تفسير بلدة طيبة ورب غفور ومفهوم الشكور · 17:24