مفهوم الرزق الشامل وعدالة توزيعه بين العباد

نص الفقرة — تفريغ آلي

نتائج من التفريغ الآلي — قد تحتوي على أخطاء

اولم يعلموا ان الله يبسط الرزق الا ان الناس اخطاوا في ان يحجموا الرزق في المال يعني الرزق عندهم انه يبقى ايه؟ فلوس فلوس عندهم تقول له الرزق معناه كل شيء انتفع به رزق فعلمك رزق وحلمك رزق وامانتك رزق وصحتك رزق كل نعمه تنتفع بها اسمها ايه؟ رزق اسمها رزق انت الافه بتعمل الرزق بس ايه؟ بس المال تقول له لا ساعه ما تشوف عندك مال ابقى قول يا ترى اللي ما عندوش مال ده الرزق بتاعه في ايه؟ ممكن تلاقي رزقه في عقله رزقه في ادبه رزقه في حلمه رزقه في سمعته بين الناس رزقه في عافيته ماشي وبيشتغل وانت عمال تنهز وعايز مش عارف ادويه والله يبقى اذا الرزق كله ايه؟ ولذلك ساعه ما تشوف واحد اقل منك في حاجه قول له يا ترى انت احسن مني في ايه؟ ايه اللي عوض الحكايه دي؟ انا واخد صفر على عشره في ايدي وانت وانت واخد صفر على عشره في انك ما معكش فلوس. يا ترى انت واخد عشره على عشره في ايه؟ وانا واخد صفر فيها ازاي؟ ليه؟ لاننا قلنا زمان ان لا يوجد احد هو ابن الله. بل الخلق كلهم عيال الله واحبهم اليه ارأفهم بعياله خلاص؟ ما دام الخلق كلهم عيال الله يبقى مفيش تميز قال لك يبقى لكن الرزق عايز جهات متعدده فيروح موزع اسباب مش كل الناس تبقى اغنيه ولا كل الناس تبقى عقليه العقل الواحد شوف عايز كام جارحه من الجوارح تخدم تفكيره هات مهندس بيعمل تصميم لعماره هو مهندس واحد. وبعدين شوف كام عامل بيخدم فكرته في الهندسه. اللي فحت في الارض ما عندوش موهبه المهندس. انما كمان المهندس ما عندوش موهبه انه يقعد يمسك فاس ويفحت. يبقى ده واخد الرزق في ايديه. وبعدين اللي ضرب طوب واللي بنى واللي غفق واللي ركب كهرباء واللي ركب مش عارف ايه الله كل دول لهم ارزاق وواخدين درجات فيها التاني ما خدهاش. مجموع كل انسان زي ما قلنا ها يساوي مجموع كل انسان لكن الكميه مختلف فيها بقول لك فلذلك الادب العقدي انك ان رايت انسانا انت احسن منه في شيء فبدال ما تقول انا احسن منه في شيء تقول له يا ترى هو واخد على 10 على 10 في ايه؟ واني واخد صفر في ايه؟ وبذلك تتساوى المسائل وربنا يجعل بعضنا مسخر لمين؟

موضوعات هذا المقطع (4)

1. بسط الرزق وقدره والرضا بالمقسوم وسوق الأرزاق · 0:00
2. مفهوم الرزق الشامل وعدالة توزيعه بين العباد · 2:49
3. رزق الإيجاب ورزق السلب ومصارف المال الحلال والحرام · 5:49
4. دلالة آية بسط الرزق وقدره وصفتي الباسط والقابض · 8:16