مفهوم الصلاح وعلاقته بالاستخلاف وعمارة الأرض

نص الفقرة — تفريغ آلي

نتائج من التفريغ الآلي — قد تحتوي على أخطاء

يسارعون في الخيرات واولئك من الصالحين. كلمه من الصالحين صالحين لايه؟ احنا بنقول رجل صالح. رجل مقدر ورجل صالح. صالح يعني ايه؟ صالح لايه؟ صالح للخلافة التي جعل الله ادم ذريته خلفاء في الارض. يبقى ده صالح ان يكون ايه؟ ان يكون مستخلفا، فالشيء الصالح في ذاته يتركه صالحا، وان استطاع ان يزيده صلاحا فليفعل. الطالح او المفسد يعمل ايه؟ يجي للصالح مش بس ما يعملش صلاح، ده يجي للصالح في ذاته فيفسده. يعني مثلا انت لقيت بير بياخدوا منه ماء. إن كنت يعني ما انتش خير قوي تسيبه على حاله. ولا تقعد تجيب تراب بقى وت ايه؟ وترمي فيه. في واحد تاني يقول يا سلام البير ده بيقعد والناس بتيجي تستسقي منه بس بيجوا يتعبوا، طب ما نقعد الناس اللي بيفكروا بقى تفكيرات يقول لك ما نبني مثلا صهريج عالي كده ونسحب من الميه دي بآله رافعه كده ونحطه في الصهريج وبعدين نمد منه مواسير وبعدين الناس تاخد الميه في البيت وهي قاعده مرتاحه، يبقى زاده صلاحا ولا لا؟ يبقى كلمه رجل صالح يعني ايه؟ صالح لان يكون خليفه في الأرض. خليفة في الأرض يستعمرها. خليفة في الأرض يستعمرها. يستعمرها، إيه؟ يستعمرها يعني إيه؟ يعني يجعلها إيه؟ عامرة. الصالح في ذاته يسيبه أو يزيده صلاحا، واللي غير صالح يعمل فيه إيه؟

موضوعات هذا المقطع (6)

1. صفات مؤمني أهل الكتاب وبلوغهم مقام الإحسان · 0:00
2. الفرق الدلالي بين السرعة والعجلة والحث على المسارعة في الخير · 0:45
3. موقف عمر بن عبد العزيز مع ابنه في المبادرة بالخير · 4:41
4. مفهوم الصلاح وعلاقته بالاستخلاف وعمارة الأرض · 6:09
5. ضرورة العلم في الإصلاح والتحذير من النفع السطحي المؤدي للضرر · 7:58
6. خلاصة صفات الصالحين وأهليتهم لعمارة الكون · 9:01