تفسير معنى الكفر وبطلان التفريق بين الله ورسله ورفض المسالك الوسطية

نص الفقرة — تفريغ آلي

نتائج من التفريغ الآلي — قد تحتوي على أخطاء

الآية بقى تتعرض لهذا بتقول إن الذين إيه؟ يكفرون بالله. وإحنا قديما قلنا الكلمة نحب دائما أن تكون على ذكر منكم جميعا ولذلك نكررها دائما عشان تبقى يعني كده كلمة يكفرون بالله كفر معناها إيه؟ ستر. طب الستر ده مش يقتضي شيئا تستره؟ يبقى الشيء اللي تستره سابق الكفر ولا جه بعد الكفر؟ ده سابق ما انت هتستره ما هو الكفر يستر يستر ايه؟ الله يبقى كفر بالله ستر وجود الله فكان وجود الله سابق لمين؟ للكفر لانه الكفر جاي يستره يبقى كلمه الكفر بالله دليل على وجود الله ولا مش دليل على وجود الله؟ دليل على وجود الله والا تقول له هات المستور بكفرك ماذا سترت بكفرك؟ ما يمكنش يقول الله طب انت بتقول تكفر بالله يعني بتستره يبقى انت آمنت به الأول. نعم. إن الذين يكفرون بالله ورسله ويريدون أن يفرقوا بين الله ورسله. نقول لهم ده حمق ده. كل رسول جاي عشان يلحم المرسل إليهم بمين؟ بمن أرسله. ولذلك تجد في أفعال كده يقول لك وما نقموا لأن أغناهم الله ورسوله. فعمل حدث واحد. عمل ايه؟ حدث واحد من مين؟ من الله ومن مين؟ من رسوله. ويريدون ان يفرقوا بين الله ورسله ويقولون نؤمن ببعض ونكفر ببعض. نقول له لا موكب الرساله من الحق سبحانه وتعالى عقائده واحده ثابته لا تتغير ولذلك هيجي يقول انا اوحينا اليك كما اوحينا. تبقى كلها جايه من ايه؟ من نبع واحد. لعقيده واحده. طيب. ان الذين يكفرون بالله ورسله ويريدون ان يفرقوا بين الله ورسله ويقولون نؤمن ببعض ونكفر ببعض ويريدون ان يتخذوا بين ذلك سبيلا. السبيل ده ما دام ده الله ورسله وده الله ورسله، السبيل اللي هتتخذه منين بقى؟ لازم من شغلك انت بقى. اه شغلة السلطة الايه؟ الزمنية. عايز يعمل حاجة باينة باينة، يقول له ما فيش في الإسلام باينة باينة. مفيش الإيمان بالله باينه باينه، يا إيمان يا كفر. إذا سمعت بقى إن الذين ساعة ما زي ما بنقول إنا والمبتدأ والخبر، طب إن الذين يكفرون بالله ويريدون أن يفارقوا بين الله ورسوله، مع طوفان ها ويقولون نؤمن ببعض ونكفر ببعض ويريدون أن يتخذوا بين ذلك سبيلا. الكلام تم ولا لسه عايزين حاجة؟ ما تمش أهو. طب وإن الذين عملوا كذا وعملوا كذا وعملوا كذا وعملوا كذا وعملوا كذا وعملوا كذا، طب مالهم دول؟ احنا عايزين الخبر بتاعهم يوم الخبر يجي في الآية التانية

موضوعات هذا المقطع (7)

1. الاستدلال بالكون المنظم على ضرورة معرفة الخالق وكلية قضية الإيمان · 0:00
2. المقارنة بين تفاوت صنائع البشر وكمال صنع الله في شمس الكون · 3:54
3. عجز العقل عن معرفة مراد الله وتوقيفية أسمائه وحتمية الرسالة · 6:33
4. دلالة تعليم آدم الأسماء على تلقي المعرفة وحاجة البشر للتوقيف الإلهي · 8:19
5. حكمة جعل الملائكة واسطة في نقل الوحي إلى الرسل البشر · 10:33
6. وحدة عقائد الرسل وتكاملها وضرورة ختم الرسالات بمحمد صلى الله عليه وسلم · 12:29
7. تفسير معنى الكفر وبطلان التفريق بين الله ورسله ورفض المسالك الوسطية · 17:19