مفهوم عمل السوء بجهالة وضوابطه

نص الفقرة — تفريغ آلي

نتائج من التفريغ الآلي — قد تحتوي على أخطاء

ما هو السوء؟ السوء هو الامر المنهي عنه من الله. طيب وهل السوء يعمل بجهاله ولا نقول له ما هي الجهاله؟ الجهاله يعني ايه الجهاله؟ الجهاله احنا نسمعها ونفهم لها معنى سطحي اننا ما نعلمش. لا. اللي ما يعلمش ده يبقى امي، ذهنه خالي. انما الجهاله انه يعلم حكم ضد الواقع. يعمل حكم ضد ايه؟ ضد الواقع. يبقى مؤمن بعقيده مش هي الواقع، انما اللي ما عندوش معلومه دي، طب اللي ما عندوش معلومه دي يبقى علاج له ايه؟ اقول له المعلومه وبس. مش كده؟ طب اللي عنده معلومه مناقضه للواقع يعوز منك كام حركه تنزع منه ما اعتقده وتدخل له يبقى اللي بيتعب الناس الاميين ولا الجهله؟ الجهل، هم دول اللي يتعبوا الدنيا. اللي يتعب العالم ايه؟ ينجح. ليه؟ لانه يعتقد قضية ويؤمن بها مع انها خلاف الواقع، انما الام غلبان ما يعرفش لا دي ولا دي، تبقى لما تقول له على الايه الحكم خلاص يبقى عنده ذهن خالي يقبل الحكم. طب ايه من عامل مكان سوءا بجهالة؟ لما جه العلماء يفسر له الجهالة قال لك السفه والطيش. السفه والطيش ما دام طايش يقول لك ده الولد ده طايش. يعني لو كان طايش وقعد يفكر في المسألة شوية ما كانش طايش وفكر في المساله شويه ما كانش يعملها ايه؟ ما كانش ايه؟ يعملها. اهو السفه يبقى ايه؟ الجهاله سفه وايه؟ وطيش. والعلماء لما حبوا يوضعوا لها ال قام قال لك هو الانسان الذي لا يقدر قيمه ما يفوته من ثواب وما يلحقه من عقاب. وقد يكون في ظاهر الامر مؤمن انما ما يستحضرش الايه؟ ما يستحضرش عملية الثواب والايه؟ والعقاب. ويأخذ ظاهر الأمر بأن لا يحقق له شهوة عاجلة. نقول له هيحقق لك شهوة عاجلة، كان يجب بدون طيش إنك تقول وهيعمل إيه في الآجل؟ يعمل لك إيه في الآجل؟ لو أنت شفت يعمل لك إيه في الآجل كنت ترتجع. يبقى أنت نظرت إلى المسألة نظرة إيه؟ طيش. أو أنك عمل سوءًا بجهالة يعني وقعت عليه أمور السوء دون أن يبيت لها ويخطط. يبيت لها وإيه؟ ويخطط. ها؟ واحد مثلا راح باريس هو رايح يطلب علم أو رايح يستشفي. وبعدين وهو في اللوكنطة كده دخلت عليه واحدة بالليل في فتنتها وفي زينتها ومش عارف إيه وبتاع. ما كانش مخطط لده إنما في فرق واحد رايح باريس وبعدين قال للي راحوا قبله ايه الحتت بقى ادينا عناوين الحتت كده اللي نتبحبح فيها وننبسط ونعمل ايه ونزمل ايه؟ اه يبقى بيخطط يبقى ما عملهاش بجهاله يبقى عملها بايه؟ ويوجد في نفسه الاصرار قبل ان توجد الواقعه. اهو ده بقى اللي عليه الكلام انما اللي غلبان عملها بجهاله بدون تخطيط ووقعت عليه كده المساله من غيره يقول لك وبعد ما عملها نجم ولذلك تجد مثل هؤلاء ساعة ما يعملها بقى يقعد يمكن يضرب نفسه بالمش عارف ايه ويعمل ايه ويعمل ده دليل على انها بجهالة وكمان ما يحكيهاش حكاية الفخر ما يجيش بقى يقول يا سلام أما أنا قضيت في الحتة الفلانية ليلة يا وله يا سلام مش عارف ايه الله الله الله يبقى إذا الجهالة ايه؟ ما يكونش لها تخطيط وما يكونش عليها إصرار قبل أن يوجد ظرف وقوعها وأن يكون الندم لاحقا لها وألا تحكى على أنها مفخرة. أدي اللي عامل إيه؟ السوء بجهالة.

موضوعات هذا المقطع (7)

1. إلقاء السلام على المؤمنين المستضعفين وتطييب خواطرهم · 0:01
2. دلالة الرحمة والشفاء في القرآن الكريم · 1:38
3. معنى كتابة الله الرحمة على نفسه وإلزام الذات الإلهية · 3:05
4. تنزيه الذات الإلهية وبيان معاني الأحدية والواحد والكل والكلي · 3:59
5. حكمة التشريع بين التجريم والعقوبة ورحمة فتح باب التوبة · 8:29
6. مفهوم عمل السوء بجهالة وضوابطه · 11:29
7. شروط التوبة المقبولة وجزاء المغفرة والرحمة · 15:49