تفسير ميثاق الكتاب ومعنى الملكة والعلم في قوله تعالى: {ودرسوا ما فيه}

نص الفقرة — تفريغ آلي

نتائج من التفريغ الآلي — قد تحتوي على أخطاء

فخلف من بعدهم خلف ورثوا الكتاب يأخذون عرض هذا الأدنى. شوف كلمة عرض عرض وأدنى. في إيه؟ خستين اتنين. أدنى يعني سابوا الأعلى وخذوا مين؟ الأدنى. ومش خذوا الأدنى جوهر بل خذوه إيه أيضا؟ عرض. ويقولون سيغفر لنا وإن يأتهم عرض مثله يعني واحد كده يغمزهم برشوه ولا مش اي حاجه برضه ايه؟ يا اخي غرض مثله ياخذوه. الم يؤخذ عليهم ميثاق الكتاب؟ ما هم ورثوا الكتاب وفي الكتاب ايه؟ ماخوذ عليهم عهد انهم يعملوا ايه؟ الم يؤخذ عليهم ميثاق الكتاب الا يقولوا على الله الا الحق؟ ما هو معنى واحد بيترشي يعني يعدل عن الحق ويروح لمين؟ ويروح للباطل. قال طيب ورثوا الكتاب وماخوذ عليهم في الكتاب الا يقولوا الا ايه؟ الا الحق ومش بس في الكتاب يمكن موجود ورثوا الكتاب وفاهمين القضيه كده ان لا يقولوا على الله الا الحق انما ما بيتهمش يبصوا في الكتاب عشان تفضل القضيه على ايه؟ على ذكر بالبال قال لك ودرسوا ما فيه شباع يبقى ورثوا الكتاب ها؟ واخذ عليهم عهد ان لا يقولوا الا الايه؟ الا الحق والمسألة إنها مش جهل بحاجة ده درسوا الإيه؟ كلمة درس تدل على تكرر العمل يقول لك فلان درس الفقه على فلان درس يعني إيه؟ يتعلم تعليم إيه؟ متواصل ليصير الفقه عنده ملكة يصير الفقه إيه؟ إنما اللي مسك كتاب مرة وبعد ذلك قال لأ الشيء الفلاني حرام إنما ما درسوش على شيخ وقعد يكرر له دي ويقول له قلنا إيه وعملنا إيه ويجيب إيه و خلاص؟ يبقى ده مش لسه ما بقتش ملكه عنده. تبقى علم انما مش ملكه. احنا كنا قلنا زمان علشان تفهم العلم والملكه انك انت تقول الحاجه دي بقت آليه. آليه يعني ايه؟ يعني تصنع الفعل بدون رويه من غير ما تقعد تفكر فين. في العلم كده برضه. يقال ده عرف المسأله دي نقول له انما ما بقتش ملكه عنده. واحد يقابلني مثلا يقول لي يا شيخ انا كنت صايم وعملت كذا وكذا وكذا اقوم اقول له يبقى الحكم كذا على طول ما كلفنيش حاجه لاني معجون في الحكايه دي من زمان بقت ملكه انما واحد ثاني مثلا لسه في الابتدائي يقول له انا عملت كذا اقول له ايه ايه؟ اه طب دي بباب ايه؟ اه مش عارف ايه اه يبقى ما بقتش ايه؟ ما بقتش ملكه مفهوم؟ يبقى الملكه في المعنويات ايه؟ هي مقابل الآليه في ال ايه؟ في الماديات عايزه ايه؟ ايه؟ عايزه دربه كل ما يتدرب على الحاج شوف اللي ماسك النول بينسج بس دلوقتي اصلها مكن انما كان الاول على ما شوف على ما يجي يمسك بتاعه يمسك المكوك بقى ويخلي البتاعه طالعه كده ويروح منتهز الفرصه ويروح ممشي الايه؟ المكوك بين الفتلتين ان ما لحقش تقبض الفتله من غير ما يمشي المكوك ينضرب على قفاه وينعمل مش عارف وبعدين يتعلم وبعدين تقف تكلمه ولا بيشرب شاي ولا يشرب سيجاره وايده الله الله الله ايش الحكايه؟ بقت آلية بقت ايه؟ آلية يبقى قوله درسوا ما فيه يعني ايه؟ درسوا ما فيه كرروها تكرير الدارس واحنا اخذين درس العلم من حاجه حسيه عندنا كلنا بنتعرض لها من درس القمح احنا عارفين بندرس مش يقول لك بندرس القمح ندرسه يعني ايه؟ بندور عليه الايه؟ النور كام لفه على حد ما يخرج لنا الحد من الاكمام بتاعته ويقطع لنا العيدان تبقى تبقى اسمه ايه؟ درس ودرسوا ايه؟ وان ياتهم عرض مثله يأخذوه ألم يؤخذ عليهم ميثاق الكتاب ألا يقولوا على الله إلا الحق وليس ذلك عن غفلة عن هذا الميثاق في ألا يقولوا على الله إلا الحق لأنهم ايه؟ درسوا ما فيه دراسة مستوعبة درسوا ما فيه والدار الآخرة خير للذين يتقون أفلا تعقلون؟

موضوعات هذا المقطع (5)

1. الفرق الدلالي بين الخَلَف والخَلْف وشواهده وقصة جوار أبي دلف · 0:00
2. تفسير قوله تعالى: {ورثوا الكتاب يأخذون عرض هذا الأدنى} وبيان حقيقة العرض والجوهر · 3:20
3. الفرق بين الوقوع في المعصية واستحلالها والرد على مقولة {سيغفر لنا} · 6:13
4. تفسير ميثاق الكتاب ومعنى الملكة والعلم في قوله تعالى: {ودرسوا ما فيه} · 9:10
5. تفسير قوله تعالى: {والدار الآخرة خير للذين يتقون أفلا تعقلون} · 13:59