مفهوم الريح وطبيعة الهواء ودلالته في القرآن بين العذاب والرحمة

نص الفقرة — تفريغ آلي

نتائج من التفريغ الآلي — قد تحتوي على أخطاء

وتذهب هه ريحكم. شوفوا بقى العبارة وتذهب تفشلوا عرفناها وتذهب ريحكم. قال لك ما هو الريح؟ ايه الريح ده؟ احنا نعرف ان الريح ده يطلق على ايه؟ على الهواء الذي يش حيزه كل فضاء. حيز يعني مكان. الهوا مكانه ايه؟ حيزه اللي ينزل فيه ايه؟ كل حاجه فاضيه. ما يجيش هواء في قلب العمود، ما يجيش هواء في مياه، لا الهواء في الايه؟ في في الفاضي. الهواء ده اللي احنا قلنا عليه زمان انه المقوم الاول للحياه. لان احنا قلنا مقومات الحياه ايه؟ طعام وشراب وهواء. نصبر على الطعام شهر ونصبر على الميه ال 10 ايام، طب والهواء نصبر عليه قد ايه؟ مقدار شهيق وزفير. يبقى المكون الاول للحياه ايه؟ هو الهواء. ادي الاول فكره. هو المقوم لحياتك انت، وهو المقوم لحياه الاشياء حولك. انت فاهم بس بيقاوم حالك؟ لا. الثبات في كل شيء في زرع في عمارة في أعمدة في جبل، الثبات له ناشئ من الهوا. ليه؟ قال لك لأن الهوا ما دام محيط الضغط من هنا زي الضغط من هنا زي الضغط من هنا يفضل الشيء ايه؟ ثابت. ثابت. طب فرغ الهوا من ناحية انتهى كل شيء. فرغ الهواء من ناحيه ينتهي ايه؟ كل شيء. ولذلك احنا كانوا يعلمونا زمان في المدارس يقول لك علشان تعرف الحيز والهواء والمش عارف والفضاء، هات صفيحه حط فيها شويه ميه وخلاها تغلي. معنى تغلي يطلع منها ايه؟ بخار. البخار ده يملا الفضاء اللي في الصفيحه. ما هي في ميه وبقى فوقها ايه؟ بخار. البخار ده يطرد مين؟ يطرد الهواء. لكن البخار مالي نافش شويه قبل كده نفش وماله الصفيحه. برد الصفيحة يقوم البخار اللي جوه يعمل ايه؟ يتكثف ماء وينزل يبقى فيه قسم هيبقى ايه؟ خالي من الهوا تروح الصفيحة مطبقها امال اللي ما خالهاش مطبقها ايه؟ ان في حاجة من بره وحاجة من ايه؟ ولذلك دلوقتي هو تفريغ الهوا يعمل ايه؟ يجي في حتة يروح يفرغ منها الهوا يقوم اللي الناحية التانية ولذلك الحق سبحانه وتعالى حينما يعذب أو يسلط أو تحت في كلمة ايه؟ كلمة ريح بريح ايه؟ صرصر عاتية مش كده؟ بريح صرصر ايه؟ عاتية قالوا هذا عارض ممطرنا بل هو ما استعجلتم به ريح فيها عذاب ايه؟ أليم تدمر كل شيء بأمر ربها ولذلك تلتفت تلاقي البحر القوي ده شوية الريح العاصفة بيهبوا عليه يروحوا عاملين ايه؟ أمواج تلعب بأحسن باخرة وتروح مفطساها مغرقاها حتى إذا كنتم في الفلك وجرينا بهم بريح ايه؟ طيب وفرحوا بها جاءتها ريح عاصفة وجاءهم الموج من كل مكان وظنوا انهم احيط ايه؟ بهم. يبقى اذا كلمه ريح تفيد الايه؟ تفيد القوه، تعمل شوف البحر ايه؟ وبعد ذلك تعمل في الاشجار العاليه تعمل فيها ايه؟ تعمل في الاشجار العاليه تروح مكسرها ومحطماها، وفي المباني تروح موقعاها، ليه؟ لانها جاءت ريحا قويه من ناحيه وما فيش مقابلها ايه؟ ريح ثانيه، لو في ريح ثانيه قبلها كانت كل حاجه تفضل ايه؟ تفضل زي ما هي ما يجرش، انما دي ضغط شديد من هنا وهذا ولذلك تجد أن الله إذا تكلم عن الريح لا يتكلم عليها إلا للتخريب والتدمير بريح صرصر عاتيه سخرها عليهم سبع ليال وثمانيه إيه؟ أيام، لكن إذا تكلم في الخيل ما يجيبش كلمة ريح إنما يجيب كلمة رياح ليه؟ لأن الرح ده جاي من هنا والرح ده جاي من هنا والرح ده جاي من هنا عمل توازن في الحياه يبقى اللي عامل توازن في الكون ده هو إيه؟ هو الريح والهواء فإذا أراد الله أن يهلك وهلك يجيب الريح من جهة إيه؟ من جهة واحدة، يقوم لما يجي الريح من جهة واحدة يبقى قوي من الناحية دي ويعمل إيه؟ من الناحية دي. ولذلك قلنا لكم لما يحبوا يعملوا حاجة يعملوا تفريغ الإيه؟ تفريغ الهوى، يفرغ الهوى يدمر كل إيه؟ كل شيء. الحق سبحانه وتعالى إيه؟ ويرسلوا الرياح بشرًا بين يدي رحمته، رياح مش كده؟ أيوة وأرسلنا رياح لواقح، نتلقح النبات، يبقى لما يجيب الخير يجيب مين؟ يجيب كلمة رياح، يجيب الشر يجيب مين؟ إلا آية واحدة في القرآن حتى إذا كنتم في الفلك وجرينا بهم بريح طيبة. بريح طيبة وفرحوا بها جاءتها ريح ايه؟ ما هو معنى ريح وصفها بأنها طيبة. إذا فالريح على إطلاقها ما تكونش ايه؟ ما تكونش طيبة بل جاءت تدمر كل شيء بأمر ايه؟ بأمر ربها.

موضوعات هذا المقطع (5)

1. النهي عن التنازع وبيان أثره في فشل الأمة · 0:00
2. مفهوم الريح وطبيعة الهواء ودلالته في القرآن بين العذاب والرحمة · 0:39
3. معنى «وتذهب ريحكم» بين زوال القوة وانقطاع الأثر · 6:41
4. الأمر بالصبر والمصابرة والثبات في مواجهة العدو · 9:31
5. حقيقة معية الله تعالى للصابرين وشواهدها · 11:31