شبهة التناقض في نفي وإثبات الشيء ومفهوم انفكاك الجهة

نص الفقرة — تفريغ آلي

نتائج من التفريغ الآلي — قد تحتوي على أخطاء

هنا ما الذين يحاولون انهم يجترئ على اساليب القران من المستشرقين وغيرهم الذين يعني يميلون للمستشرقين بقلوبهم ويحسبون علينا بقوالبهم محسوبين على الايه؟ على المسلمين يقول لك يا اخي اهو اهو بيقول ايه؟ وان نكثوا ايمانهم يبقى اثبت لهم ايه؟ ايمان وبعدين قال انهم لا ايمان لهم نفى عنهم الايه؟ الايمان. واحنا نعلم انك اذا نفيت الحدث عن واحد ثم اثبت بالايجابيه الحدث لواحد يبقى ده تناقض. يبقى ايه؟ تناقض. الحدث واحد والفاعل واحد. فان اثبتته مره يجب ان لا تنفيه وان نفيته يجب ان لا لان النفي والاثبات ايه؟ ما يجتمعوش. قام قال لك هما ما يجتمعوش عند السطحي. إنما الإنسان الذي يعرف مرامي الألفاظ وأهداف وضع الجملة يعرف إن دي تبقى الجهة منفكة. الجهة إيه؟ القرآن لما جه يقول إيه لرسول الله صلى الله عليه وسلم في غزة مثلاً: وما رميت إذ رميت. أهو ما رميت نفي لمين؟ نفي للرمي منه صلى الله عليه وسلم. طب وإذ رميت إثبات للرمي. في آية واحدة يجي نفي الشيء وإثباته والفاعل واحد والفعل واحد يقول له آه ما دام صار كده ده لازم في إيه؟ في حاجة يسموها في الأساليب إنفكاك الإيه؟ إنفكاك الجهة إنفكاك الجهة تكون كل جهة طالبة طالبة معنى نقوم ندي الجهتين ما نديش معنى على حساب إيه؟ على حساب معنى يجي يقول لك مثلا إيه؟ ده فلان ساكن في علوي يعني هو إيه عالي عني؟ هو عالي عنك صحيح، إنما هو ما يقابلش عالي، ده أسفل بالنسبة للي فوقه. تبقى المسألة إضافية ولا لأ؟ إضافية يبقى الإنكان عالي عن اللي تحته يبقى اللي فوق إيه؟ يبقى هو عالي وإيه؟ وأسفل، أعلى وإيه؟ أسفل. يقول لك ده فلان ده ده ابن فلان. تقول له يا شيخ ده مخلف و وأب مش ابن. تقول له الله ده هو ابن من جهة وأب من جهة أخرى، ما فيش تعارض، يبقى اسمها دي إيه؟ انفكاك الجهة. لما ربنا بيقول لرسول الله صلى الله عليه وسلم وما رميت اذ رميت، السطح يقول ايه؟ اثبت الرمي هنا ونفى الرمي هنا. يبقى في تعارض، وما دام الفاعل واحد وال والفعل واحد، يبقى ازاي دي تيجي اثبات ونفي؟ لو لو قال ما رميت انت ولكن رمى علي معقوله؟ مش كده ولا لا؟ اه طيب. نقول له طيب تعالى، الرمي كيف كان؟ رسول الله صلى الله عليه وسلم اخذ حفنه من الايه؟ من الحصن. ورمى بها الجيش، الفعل ده صدر منه ولا لا؟ هذه رمية البشر. خد كده وعمل كده، رمية البشر. إنما كون الرمية والحصى ده يصل إلى كل الجيش. دي شغلته؟ لا مش شغلته. ده مسألة بقى ربانية دي. يبقى ما رميت أي ما أصبت الجيش بالرمية الواحدة إذ رميت الرمية البشرية. خدت شوية حصى كده ورمتهم. يبقى الجهة إيه؟ ربانية الجهة منفكة. دي غير دي، ولكن أكثر الناس لا يعلمون نفى العلم ولا لا؟ وبعدين قال يعلمون ظاهرا من الحياه يبقى لا يعلمون حقيقه وانما يعلمون ايه؟ يبقى لا يعلمون ولكن ايه؟ يعلمون يعلمون يبقى اللي يعلموه غير اللي بقى ايه؟

موضوعات هذا المقطع (4)

1. أسباب قتال أئمة الكفر وحكمة البدء برؤوسهم · 0:02
2. شبهة التناقض في نفي وإثبات الشيء ومفهوم انفكاك الجهة · 2:07
3. توجيه الجمع بين إثبات الأيمان ونفيها في الآية بانفكاك الجهة · 6:15
4. دلالة قوله تعالى: {لعلهم ينتهون} والفرق بين القتال والقتل · 8:08