تسخير الكون ومقومات استبقاء حياة الإنسان وحاجته للمنهج

نص الفقرة — تفريغ آلي

نتائج من التفريغ الآلي — قد تحتوي على أخطاء

تنزيل من مين؟ قال لك ممن خلق الارض والسماوات العلى ايه وجه ايه يعني لما خلق الارض والسماوات العلى؟ الارض والسماوات دي مخلوقه لتستقبلا الانسان والشمس والقمر والنجوم والريح والمي يعني قبل ما يخلق الانسان ايه؟ اعد له الايه؟ الكون ولما اعد للكون جاء الانسان فطرأ على معد له لما طرأ على معد له كان يجب عليه انه ساعة ما يشوف الاشياء دي يقول لك كلها افلاك لا قدرة لي عليها. يعني انا ما اقدرش اوصل للشمس عشان اولعها ولا للنجوم علشان احطها كده وتجري ومش عارف ايه ولا على الهوا عشان انفخ فيه وبتاع. ما كانش ممكن انك انت تبحث بعقلك مين اللي عمل الحاجات دي؟ كان لازم العقل يقف يقول مين اللي عمل لي الحاجات دي يا ده؟ اللي انا ما اقدرش حتى اوصل لها ولا قدرة لي عليها. كان يجب ان انا اعرف كده. يقول لك إذا كان الحق سبحانه وتعالى قد أعد لك الكون بما يقيم حياتك المادية. أيترك حياتك المعنوية بدون عطاء؟ يسيبك بقى تربع كده؟ أكنه أداك الأقوات وأداك الكون ده كله مسخن لك تتنفس الهواء وأداها إيه؟ أعطاها بهندسة قيومية. هندسة عادلة، هندسة حكيمة. قال لك أنا مدتي عشان الإيه؟ الكون يستقبل الخليفه الجديد. الخليفه الجديد ده عايز مقومات حياه وعايز استبقاء ايه؟ حياه. انا اعمل له كل الاشياء اللي هو يعوزها. استبقاء الحياه عايز اكل وشرب. واستبقاء النوع عايز ازواج يتناسلوا عشان يجي نسل يغيب بعد نسل يبقى احنا عايزين عايزين استبقاء ايه؟ استبقاء حياه واستبقاء ايه؟ واستبقاء نوع. طب استبقاء الحياه عايز القوت. والقوت ده احنا نعرفه ان هو طعام وشراب وهواء. الانسان منا يقدر يصبر عن اي واحد من هذه الاشياء قد ايه؟ يصبره على الطعام، انا باكل ثلاث مرات في اليوم، وناس تاكل مرتين وناس تاكل مره مش كده؟ وان ما اكلتش شهر. يمشي ولا ما يمشيش؟ طب والميه؟ بس تقل شويه من ثلاث ايام ل ايه؟ لعشره. الله طب والهوى؟ ولا لحظة يا دوب شهيق وزفير. قام قال لك ولذلك من رحمتي انني امكن ان يملك انسان قوتك واقل منه انه يملك ماءك ولكن لا يملك احد هواءك ابدا. الله لانه مش مامون عليك. قبل ما يرضى عليك تكون مت. انما في الميه يمكن قلبه يحن عليك يمكن حد يعطف يمكن تحتال انت يمكن تعمل مش عارف ايه. وانا من حكمتي إن أنا خلقت جسمك بيستقبل مقوماته فترة من الزمن تتسع للحيلة أو للعطف من الغير. فأنت تاكل والأكل ده اللي تعوزه طاقتك استنفذ واللي ما تعوزوش نخزنه لك. يبقى شوية دهن وشوية مش عارف إيه. وبعدين بقى لما ما تلاقيش أكل تقوم المخزن بتاعك يدي لك الأول. تاخد شوية دهن. طب خلص الدهن؟ تاخد شوية لحم. طب خلص اللحم تبتدي العظام تديك يبقى اخر مخزن ايه؟ العظام ولذلك شوف ربنا لما قال على سيدنا زكريا قال ايه؟ اني وهن العظم مني يعني اخر مخزن اخر مخزن يبقى اذا الحق سبحانه وتعالى ومن العجيب ان الماده اللي يعزلها ربنا من طعام الزائد عشان تتكون في جسمه بما يسمى الدهنيات حين يحتاج الجسم لها تتحول كيماويا ذاتيا الى اي عنصر تريده. عايز حديد تبقى حديد، عايز زنكه تبقى زنكه، عايز اوان، مين يقدر علاني بقى؟ وهي ماده واحده. الله. يبقى اذا ربنا اذا كان خلق السماء وخلق لك الارض عشان مقومات ايه؟ مقومات مادتك. يبقى مقومات مادتك يديك ده ولا يديكش مقومات معنوياتك.

موضوعات هذا المقطع (3)

1. مراحل نزول القرآن الكريم ودلالات صيغ التنزيل · 0:00
2. تسخير الكون ومقومات استبقاء حياة الإنسان وحاجته للمنهج · 1:31
3. التحليل الصرفي واللغوي للفظ «العُلى» · 6:22