مفهوم السير في الأرض وغاياته بين الاستثمار والاعتبار

نص الفقرة — تفريغ آلي

نتائج من التفريغ الآلي — قد تحتوي على أخطاء

فهي خاوية على ايه عروشها؟ وبئر معطلة وقصر ايه؟ مشين. أفلم يسيروا في الأرض؟ أنتم عارفين السير هو قطع مسافات من شيء إلى شيء. هذه معنى السير. السير ده اللي هم يسموه السياحة، إن ساح الأرض. والحق سبحانه وتعالى يطلب من عباده أن يسيحوا في الأرض. ليه؟ قام قال لك السياحه يبقى لها فايدتين اثنين في التعبد. الفايده الاولى سياحه لاستنباط الرزق ان كان المكان الذي تعيش فيه يعني اسمها سياحه استثماريه زي اللي بيروح بعثات في البلاد ها عشان يجيب قرشين ويعمل مش عارف ايه وبتاع وحاجه دي. ومرة سياحه عشان الاعتبار عشان يشوف العالم والملك الواسع ده ويلاقي بيئات ثانيه مختلفه عن بيئاته وأشكال تانية مختلفة عن أشكاله ومقومات حياة غير مقومات الإيه؟ الحياة، يوم يعرف إن ده الملك بتعرف منها ده إيه؟ واسع. واسع، وفي أشياء كتير أوي أوي مرة هو في بلاد حر يروح في بلاد باردة أوي، مرة في بلاد حر يروح في بلاد مثلا معتدلة، مرة يروح من حتة مثلا صحراء ورمال ومش عارف إيه، حتة فيها مفيش فيها مفيش فيها ما تشوفش فيها حبة رمل لأن كلها إيه؟ كلها خضرة ومش عارف إيه، ومرة تلاقي الزروع مش بس في الأرض المستوية بل هي على الجبال. أشياء يعني تشوف حاجة، ولذلك اللي بيطلع مثلا بره بيعمل إيه؟ بيستفيد هذه الفوائد، يبقى إذا السير في الأرض له مقصدين اثنين. لما ربنا يقول إيه؟ قل سيروا في الأرض ثم انظروا يبقى السير كلمة ثم دليل على أن السير له مهمة ثانية. أهو ده سير الإيه؟ الاستثمار. لكن لما تروح عشان تستثمر أوعى تغفل عن آيات الله في المكان الجديد اللي أنت فيه. برضه استصحب دينك حتى في هذا، وأنت رايح إيه؟ يبقى السياحه مره تكون سياحه ايه؟ استثمار. ما تاخدش بس الاستثمار بس يبقى خد برضه فيها عبره كونيه في الحياه تفيدك في ايديك. قل سيروا في الارض ثم انظروا ومره يقول قل سيروا في الارض فانظروا يبقى دي بقى الناس الكويسين اللي مش عايزين زياده دخل ولا زياده مش عارف ايه يقول له سير في الارض عشان تشوف الايه؟ تشوف العبر ما فيهاش ثم سير فانظر. يعني انت طالع يبقى فيه اذا سياحه استثمار وسياحه اعتبار. فلما يقول ثم يبقى فيه السياحه الاولانيه استثمار ولكن بيقول لك ما تنساش الاعتبار ثم انظر والسياحه الثانيه انت طالع ما انتش عايز استثمار انما عايز تشوف الايه؟ العبر في الايه؟ في الكون ولذلك يقول لك ايه؟ اللي قاعد يا ما يشوف واللي يمشي يشوف اكثر كل ما يشوف اكثر تبقى ايات متعدده ولا لا؟ ايات متعدده لعل اية تصادفه ايه؟ لان في واحد يشوف كثير من الاشياء ما تهزش في نفسه حاجه وبعدين يشوف حاجه ثانيه تهز ايه؟

موضوعات هذا المقطع (5)

1. مفهوم السير في الأرض وغاياته بين الاستثمار والاعتبار · 0:00
2. تقرير سير قريش في رحلتي الشتاء والصيف ومقصده · 3:12
3. تكامل وسائل الإدراك من الحواس والعقل إلى استقرار الإيمان في القلب · 4:13
4. حقيقة العقل ووظيفة السماع ومسؤوليته · 10:37
5. الفرق بين عمى الأبصار وعمى القلوب ودلالة وصفها بالتي في الصدور · 11:31