أدب الدعاء بالاعتراف بنعم الله وفضل تفويض العطاء لله

نص الفقرة — تفريغ آلي

نتائج من التفريغ الآلي — قد تحتوي على أخطاء

هنا بقى جاب حيثية الالوهية اللي تعبد. وبعد ذلك طلب من الالوهية التي تعبد مطلوباته بقى. ليه؟ قال لك لأن ما دام أنا قلت هو خلقني وهو يرزقني أقررت بنعم الله علي. ولما أقررت بنعم الله علي كبرياء العبد انتهى. وما دام كبرياء العبد انتهى تبقى روحه بقت ايه؟ بقت صافية لما روح بقت صافية وأجهزته سليمة نقول له أنت أهل لأن تناجي ربك بالدعاء إنما ما تعترفش بالنعم اللي فاتت وبعدين تيجي تدعيلي هو أنت عرفت النعم اللي أنا عملتها إيجاد من عدم وإمداد من عدم وكذا وكذا وبدأت تيجي تدعيلي من غير حاجة تانية لازم اللي عايز يدعي ربنا يكون إيه؟ اعترف بنعمه أولا عليه السابقة يقوم لما يطلب اللاحقة يبقى له حق ولا مالوش حق إنما ما ما ما ذكرت لله نعمه سابقه، وبعدين يقول له اجيني يقول له لا مالكش صح انت لازم تعرف اذا لا تدعو ربك الا بعد صفاء عبوديه وعمل. تبقى بقيت صافي وقد ايه؟ من عمل بما علم اورثه الله علم ما لم يعلم. يقول له انت مامون على ما تعلم فخذ من عندي ان تتقوا الله نجعل لكم فرقانا. ساعه ما تتقي ربنا ونفسك تصفي كده تركب تلاقي المشاكل ايه؟ كل مشكله تيجي بقى حلها ربنا يديله. يديك النور يديك النور ليه؟ لأن أنت عملت رصيد من إيه؟ من صفاء الإخلاص والنجوى إلى ال إلى الحق سبحانه وتعالى فبعد ما قال خلقني فهو يهدي وهو يطعمني ويسقي وإذا أمرت فهو يشفي ويميتني ويسمعني رب مش كده؟ ابتدى يدعي بقى ابتدى إيه؟ بعد ما عمل إيه؟ ولذلك الناس الناصحين يقول لك أنا لما أدعي ربنا إنه يعمل لي كذا وكذا وكذا وكذا مهما قلت من كذا وكذا فأنت تدعو بالخير على حسب فهمك ومنطقك مش كده ولا إيه؟ لو أنت ذكرت النعيم الأول لله ثم تركته يفعل هيفعل على حسب قدرته بقى ولذلك من شغله ذكري عن مسألتي أعطيته أضعاف ما أعطي السائلين ليه؟ لأن السائل إنما سأل بمقدار علمه في الخير وإذا لم يسأل وذكر الله بدل السؤال ربنا يقول له الخير على معرفته هو يبقى نقول لأوسع بقى لما يجي مثلا تقولي لابنك مثلا ايه انت عايز ايه انا رايح مثلا البلد الفلاني نجيب لك ايه يقول لك هات لي كذا وكذا وكذا وكذا وكذا وكذا خلاص هو حدد المطلوب له بعلمه انما انت رحت بقى لقيت حاجات ثانيه وعلمك بقى وتجيب له بقى واللي يقول لك لا يبقى هات اللي تجيبه يبقى هات اللي تجيبه دي بقى يبقى وسع المجايب ولا قال لي ايه؟ هات اللي جايبه دي بتاعة ربنا.

موضوعات هذا المقطع (6)

1. أدب الدعاء بالاعتراف بنعم الله وفضل تفويض العطاء لله · 0:00
2. تفسير دعاء إبراهيم عليه السلام: ربي هب لي حكما وألحقني بالصالحين · 3:17
3. تفسير قوله تعالى: واجعل لي لسان صدق في الآخرين ومقامات الصدق في القرآن · 4:38
4. تفسير قوله تعالى: واجعلني من ورثة جنة النعيم · 7:18
5. حيثية بر الوالدين ومفهوم الإحسان المقترن بالتربية والرعاية · 7:24
6. استجابة الله تعالى لدعوات نبيه إبراهيم عليه السلام · 8:08