تفسير إلقاء الروح والفرق بين حياة المادة وحياة الوحي

نص الفقرة — تفريغ آلي

نتائج من التفريغ الآلي — قد تحتوي على أخطاء

عشان يعمل كده رفيع الدرجات ذو العرش يلقي الروح من امره على من يشاء من عباده علشان الروح اللي هو هينزل بالمنهج السماوي اللي هو القران او الوحي يرقي حركه الانسان افعل كذا ولا تفعل كذا وانت لما اقول لك انا بقيد حريتك في شيء ما تزعلش لما اقول لك ما تسرقش ما تزعلش ليه؟ لان انا بقول لك ما تسرقش من حد وانت فرد. قلت لملايين الخلق لا تسرقوا منه. يبقى مين اللي استفاد بقى؟ الملايين امرتهم ما يسرقوش منك واني امرتك ما تسرقش، انت واحد. انما امرت الملايين من اجلك ان هم ما يسرقوش. محارمك منعتك ان تنظر الى محارم الغير. ولكني امرت الغير كله ان لا ينظر الى محارمك. يبقى ساعه ما تشوفك مقيد في حركه يبقى انا مقيد الباقي في حركات اخرى، يبقى انا مش ظالمك. نلقي الروح من امرنا. الروح لها معاني متعدده. المعنى الاول اللي بيجي على البال كده الروح التي تدب في الماده فتتحرك وتحيا. اللي هي خلق ادم من الطين وصوره كده وبعدين نفخ فيه من روحه من روحه بقى انسان واتحرك. دي روح الماده. والماده بقى لما جت فيها الحياه الجوارح كلها ادت وظائفها. كل جرح في الانسان ادت وظيفته. قام قال لك طب ليه حركنا الماده؟ انا اريد ان احرس حركه الماده. عشان ما تشطش في شهواتها بس. أقوم أنزل بقى منهج تاني. لحياة أخرى. ولذلك استجيبوا لله وللرسول ها؟ إذا دعاكم إذا دعاكم لما يحييكم. يحييكم. الله طب ما هم أحياء ده أنت بتخاطبهم. قول له أحياء حياة المادة. الروح في جسمهم بيتحركوا وبيروحوا وييجوا. إنما أنا عايز حياة إيه؟ حياة راقية. بأن الحركة من منهم تكون في خير دائما. لنفسه ولمن حوله. يبقى في حياه ثانيه، يبقى لها روح ثانيه، ما دام في حياه ثانيه يبقى لها ايه؟ ولذلك سمى القرآن روح. لأن هو جاي بالقيمه وجاي بالمنهج. وسمى الذي ينزل بالقرآن روح. نزل به الروح الأمين. حتى اللي نازل به سماه ايه؟ فالذي نزل سماه ايه؟ وكذلك أوحينا إليك روحا من أمرنا، القرآن. نزل به الروح الأمين. الروح اللي هو بقى اللي بيدي حياه ثانيه. الحياه الثانيه حياه الايه؟ حياه القيم حياه المثل الرفيعه الحياه التي تؤهلك بحياه لا تفنى اللي هي في الاخره تبقى دي روح ايه؟ اجمد من ديك ولا لا؟ يبقى اجمد قوي ولذلك الروح الاولى بياخدها الكافر ويعمل الحركه اللي هو يمكن يعصي ربنا بالروح دي انما الروح اللي خدها المؤمن المنهج بقى خلت حركته ايه؟ سويه لا تاتي الا بايه؟ ولذلك يقول لك اوعى تتغرب الدنيا دي عشان الدنيا غروب وإن الدار الآخرة لهي الحيوان لو كان مش حياة ده حيوان يعني بتدي لها حياة إيه؟ مبالغ فيها لأنها ما بتنتهيش وفيها النعيم، النعيم لنا هنا على قدر حركتنا ولكن النعيم في الآخرة على قدر الله.

موضوعات هذا المقطع (11)

1. الدلالة اللغوية والنحوية لاسم الله رفيع الدرجات · 0:00
2. مظاهر رفعة وتفضيل الزمان والمكان والخلائق بعضها على بعض · 2:03
3. حكمة التفاوت في المعايش وتسخير العباد لعمارة الحياة · 4:19
4. قيمة إتقان العمل وأثره الإيماني والاجتماعي · 7:14
5. معنى رفعة الله الذاتية في الوجود والقيومية · 9:37
6. تفسير ذو العرش ونفي التشبيه في استواء الخالق · 10:48
7. رفعة المؤمنين باتباع المنهج السماوي ونيل الجزاء الأخروي · 11:51
8. تفسير إلقاء الروح والفرق بين حياة المادة وحياة الوحي · 14:18
9. حكمة إبهام أجل الموت لمنع الاغترار بالدنيا · 16:35
10. معنى الإنذار والحكمة من تحذير العباد قبل حلول الأجل · 17:56
11. صور ومعاني يوم التلاق في الآخرة ولقاء العباد بأعمالهم وخالقهم · 19:58