علة قتل بني إسرائيل للأنبياء والحكمة من بعثة الأنبياء أسوة سلوكية

نص الفقرة — تفريغ آلي

نتائج من التفريغ الآلي — قد تحتوي على أخطاء

طب تصور بقى اللي بيقتل النبي ده. النبي ده المفروض فيه ايه؟ ده انسان ربنا بعثه اسوه سلوكيه، صحيح ما بيجيش بمنهج جديد. يكون منهج كل نبي هو منهج الرسول الذي سبقه. او الرسول الذي عصره. ولكنه يكون ايه؟ منهج سلوكي لما يعز السلوك على المنهج يقوم ربنا يبعث انبياء يعصمهم من الخطيئه علشان يكون نموذج ايه؟ ليه؟ قال لك لان النماذج السلوكيه في الكون تقرب حملا حمل الناس نفوسهم على المنهج لانك لما تشوف واحد بشر زيك ومستقيم ومنفذ تقوم تقول ايه اذا من الممكن ان انا ابقى كده. قد ايه السلوك؟ ولذلك لقد كان لكم في رسول الله ايه؟ اسوه حسنه لانه ايه بشر؟ مش كده ولا لا؟ وملزم نفسه بالمنهج وحواليه مثلا صحابه بشر والزموا نفسهم بايه؟ بالمنهج، اذا لما الناس تشوفهم يقول لك اذا المنهج ليس بالعسير ان التزم به. لكن لو ما كانش فيه نماذج سلوكيه تقول لا ده صعب على النفس، هو حد يقدر يطيق الكلام دي؟ اه يبقى اذا الانبياء جايين نماذج سلوكيه ليسهلوا على الناس التزامهم بالمنهج بدليل ان اناسا مساوين لهم في البشرية استطاعوا أن يحملوا نفوسهم على منهج الله. ومن عادة الإنسان أنه إذا رأى مساويا له صنع شيئا يقول الله طب ما دام هو صنعه أنا ليه ما صنعوش؟ أه على طول يقلده. طب دول ييجوا يقتلوا النبيين اللي هو نماذج أسوة، ليه بيقتلوهم؟ لأن دي بيفضح الفاسق. لأن اللي نموذجه سلوكي وملتزم يفضح مين؟ يفضح الفاسق. الفاسق يقول اشمعنى انا ماليش غادر ابن الكلب ده يعني بس طالع لي كده كل يوم ساعه ما بيسمع الاذان بيجري على الجامع وملتزم ولا مش عارف ايه ولا بيبص كده ولا كده ولا بيسهر ولا بيلعب شويه ورق ولا بيروح مثلا الخماره ولا بيعملش مش عارف ايه يبقى لانك بتحقره امام نفسه تحقره فيعز عليه انه يجد انسان استطاع ان يلزم نفسه بالمنهج وهو مش غادر على كده يقول لك زيحه من حياتنا دي قد يجوز ان بعض الناس يستهزئون به يقول لك الشيخ راح المطمطم ادعي لنا خدنا على جناحك مش ده اللي بيحصل؟ اه ليه؟ بيسخروا منهم لعل السخريه والاستهزاء يثنيهم ليكونوا ايه؟ ليكونوا مثلهم لانهم مجرد وجودهم كده بيقدح دول في ايه؟ في رجولتهم الايمانيه مش قادر يقوم يحاول انه انه ايه؟ يهزئه عشان يبقى ايه؟ ولذلك اسمع الى قول الله سبحانه وتعالى ان الذين اجرموا كانوا من الذين امنوا هيه يضحكون مش ده اللي بيحصل برضه؟ طب بص كده لاي واحد مستقيم في وسط جماعه مش ملتزمه جماعه غير ملتزمه وشوف اما يكون هو مستقيم بينالوا ايه؟ مش كده؟ اه ان الذين اجرموا هيه كانوا من الذين امنوا يضحكون واذا مروا بهم يتغامزون مش كده ولا لا؟ واذا انقلبوا على اهلهم انقلبوا فاكهين واذا راوهم قالوا ان هؤلاء ايه؟ لضالون مش كده؟ وما ارسلوا عليهم حافظين شب بقى الجزاء بقى من الله فاليوم اللي هو يوم القيامه الذين امنوا من الكفار يضحكون على الارائك ينظرون هل ثوب الكفار ما كانوا يفعلون؟ يعني ربنا بيقول انا غدرت اجازيهم باللي عملوه فيكم؟ نقول له نعم نقول له نعم بلى غدرت هل اذا فقول الحق سبحانه وتعالى يقتلون النبيين اي لان الانبياء بعثهم الله اسوة سلوكية ليخففوا عن النفوس البشرية مؤونة التزامهم لمنهج الله وهؤلاء لا يحبون من يهيج فيهم هذه المسألة ولا من يكون نموذجا للاستقامة بل يحبون ان يكون الكل منحرفا

موضوعات هذا المقطع (8)

1. بيان معنى «طعام واحد» ورتابة المن والسلوى · 0:01
2. الدلالة اللغوية والعقدية لـ«الواحد» و«الأحد» والفرق بينهما · 1:07
3. طلب بني إسرائيل أطعمة الأرض وتفسير مفرداتها وأدب الدعاء · 4:16
4. تفسير قوله تعالى: «أتستبدلون الذي هو أدنى بالذي هو خير» · 8:55
5. تفسير قوله تعالى: «اهبطوا مصرا» ودلالة تنوين مصر ومعناها لغة · 11:31
6. تفسير قوله تعالى: «وضربت عليهم الذلة والمسكنة» والفرق بينهما · 15:53
7. تفسير قوله تعالى: «وباءوا بغضب من الله ذلك بأنهم كانوا يكفرون بآيات الله» · 19:54
8. علة قتل بني إسرائيل للأنبياء والحكمة من بعثة الأنبياء أسوة سلوكية · 20:28