دلالة التعبير بـ«القاعدين» في الآية وحال المجاهد في التأهب

نص الفقرة — تفريغ آلي

نتائج من التفريغ الآلي — قد تحتوي على أخطاء

لا يستوي القاعدون من المؤمنين غير اولي الضرر والمجاهدون. في ساعات يجي فعل ما ينفعش فيه فاعل واحد لازم يبقوا اثنين. لما تيجي تقول شارك زيد او تشارك زيد ينفع تشارك زيد وتسكت ولا تقول له عمرو برضه؟ لازم يبقوا ايه؟ اثنين مش كده؟ طيب اللي بيلعبوا الكوره مثلا ساعه ما بيتلقفها تلقفوها رجل رجل رجل بيتلقفها ورجل بيتلقفها يبقى تلقفها الناس رجلا بعد ايه؟ يبقى ده بيتلقف وده بايه؟ بيتلقف هنا لا يستوي تدل على ان في حاجتين اتنين ولا لا؟ والحاجتين دول مش مستويين ان هو اللي مش مساوي ان هو ايهما غير مساو للاخر؟ دي مش مساويه لده ولا مش مساويه لده مش كده؟ يبقى الاثنين يبقوا فاعل، ما فيش واحد منهم لا يساوي القاعدون المجاهدين أو لا يساوي المجاهدون القاعدين، لأن كل واحد منهم إيه؟ فاعل ومفعول. فاعل ومفعول. طب لما تقول لا يستوي القاعدون من المؤمنين. مقابل القاعدين إيه؟ هنا المجاهدين، إنما طب القاعد مقابله إيه؟ القائد مش كده؟ طب واللي مقابل المجاهدين إيه؟ يبقى لا يستوي غير المجاهدين لا يستوي غير المجاهدين والمجاهدون مش كده؟ او لا يستوي الايه؟ القاعدون والقائمون مش كده ولا لا؟ ايه الحكمه جايه القاعدين دي؟ قام قال لك الحق سبحانه وتعالى اريد ان يبين اننا في في طليعه الاسلام كان كل مؤمن حين يدخل الايمان بيعتبر نفسه جندي وجندي في حاله ايه؟ تاهب الحاله عندهم جيم يبقى مش قاعد زي ما يكون ايه؟ واقف. القاعد اهو ما يبقاش ويانا. مش القاعد اللي هو قاعد ايه؟ اذا ده يبين لنا قول الرسول عليه الصلاه والسلام خير المؤمنين ممسك بعنان فرسه. العنان اللي هو اللجام. كلما سمع هيعه طار اليها. مش قاعد بعيد عن الحصان، ده ماسك ايه؟ واقف ماسك اللي شوف الاستعداد بقى اسمه في حاله ايه دي؟ اسمه حاله تاهب. فان ما كانش كده يبقى قاعد. يبقى ايه؟ وقاعد احنا نعرف انها ضد قائم. اذكر الله قياما اهي وقعودا، يبقى القيام مقابله ايه؟ ما تفتكروش ان الالفاظ بتيجي المعاني هي كلها زي بعضها ما تقول هي قاعده في عرفنا وفي المعنى العام قاعد جلس يعني. نقول له بس في دقه شويه. قعد لازم تكون عن قيام. إنما جلس عن اضطجاع، كان مضطجعا فجلس. إنما كان قائما فقعد. يبقى قعودا هنا ايه؟ يقابلها ايه؟ فكأن المجاهد حالته قيام دائما حتى ما يستناش لما يبقى يقوم، لا ده ايه؟ ويجي الحديث يوسعها شوية يقول لك ده مش يقوم بس، ده يقوم وماسك لجامه. يقوم وماسك ايه؟ لقمه لأنه قد يفاجأ بشيء يبقى ما عملش.

موضوعات هذا المقطع (5)

1. سياق الآية في نفي الاستواء بين القاعدين والمجاهدين · 0:00
2. سبب نزول آية نفي الاستواء وقصة ابن أم مكتوم وزيد بن ثابت · 1:14
3. دلالة التعبير بـ«القاعدين» في الآية وحال المجاهد في التأهب · 8:44
4. الحكمة من تأكيد نفي الاستواء وتحديد أصناف «أولي الضرر» · 12:37
5. تفسير تفضيل المجاهدين درجة ومفهوم قوله تعالى: {وكلا وعد الله الحسنى} · 16:51