مفهوم الحياة والموت وشمولهما لسائر الكائنات والجمادات

نص الفقرة — تفريغ آلي

نتائج من التفريغ الآلي — قد تحتوي على أخطاء

أو من كان ميتا فأحييناه. وجعلنا له نورا يمشي به في الناس كمن مثله في الظلمات ليس بخارج منها. طب عندنا حتتين اثنين. موت وحياه وظلام وايه؟ ونور. اولا الحياه هي ايه؟ ما هي الحياه؟ ايه الحياه يعني؟ قال لك الحياه هو وجود الكائن على حاله تمكنه من اداء مهمته المطلوبه منه. واحنا قلنا اوعى تفهم الحياه اللي هي فيك انت. نقول له لا ده الحياه في كل شيء بسببه، ما دام الشيء يكون على حاله يؤدي بها مهمته يبقى كل شيء فيه حياه يؤدي بها مهمته ولا لا؟ بس احنا نعرف الحياه في نفسنا ارقى مستوى. ايه هي؟ الحياه اللي فيها الحركه والحس والفكر والمش عارف ايه. طب الحيوان برضه فيه حس وحركه انما بس انا فاهم انه ما عندوش ايه؟ ما عندوش فكر. نقول له بس عنده غريزه اقوى من فكرك. الغريزة بتاعته أقوى من إيه؟ أقوى من فكر. ولذلك كان محكوم بغريزة، أنت محكوم بالغريزة في أشياء وبالاختيار في أشياء. الغريزة يبقى مالكش فيها عمل. مالكش فيها إيه؟ عمل. إنما الاختيار لك فيه عمل تستطيع أنك تعمله وما تستطيع أنك أنت تإيه؟ أنت تعمله. معاه الأول. يبقى الحياة هي إيه؟ أن يكون الكائن على حال يؤدي به مهمته المطلوبة منه. يبقى على هذا الاعتبار في الانسان حياه ولا لا؟ وفي الحيوان حياه ولا لا؟ وفي النبات حياه ولا لا؟ وفي الايه؟ الجماد حياه. واحنا دلوقتي كل العلم بيتقدم زي ما قلنا سابقا بيثبت لنا ايه؟ حيوات اشياء كثيره جدا ما كناش نفهم انها ان لها حياه، واحنا خدناها منين؟ في حلقه قديمه، خدنا كل دي من قوله سبحانه وتعالى في ايتين اثنين، ناخد الايتين ونركبهم استنباطيا مع بعض عشان نخرج بالقضيه. القضية ليهلك من هلك عن ايه؟ ويحيا من حي يبقى ليهلك من هلك عن بينه ويحيا يبقى الهلاك ضد ايه؟ ضد الحياة أهي ليهلك من هلك عن بينه ويحيا يبقى الهلاك ضده ايه؟ والحياة ضدها ايه؟ الهلاك عالأول يبقى الحياة ضد الهلاك والهلاك ضد الايه؟ ضد الحياة طيب كل شيء كل شيء طب كل شيء ما يطلق عليه شيء يبقى الجماد شيء ولا لا؟ والنبات والحيوان والانسان فكل شيء هالك يبقى الجماد هالك ومنام هالك يبقى لازم في حياه لان احنا قلنا ليهلك من هلك ويحيا من حي يبقى اذا الحياه هي ايه؟ يبقى الحياه ان يكون الكائن بحيث يؤدي ايه؟ المهمه بتاعه وان كان في التفاعلات وفي النقد والاشياء في اشياء بتتحول الى اشياء يعني مثلا النبت أو الحيوان فيه حياة، وبعدين ذبحناه وأكلناه، ورمينا العظم بتاعه، كانت فيه حياة من نوعه، وبعدين أجزاؤه بقت جمادية، لها حياة من نوعها ولا مالهاش؟ الله بدليل إنها لما تقعد مدة العظم يحصل فيه إيه؟ يتفتت واللحمة وتبقى فيه حيوية ولا مفيش فيه حيوية؟ يبقى فيه حيوية، أنت لما تيجي مثلا تحلب اللبن من الماشية إن كنتم فلاحين كنا زمان نحلب اللبن في أوعية من الفخار وتوضع في مراقد ويقعد أسبوع اللبن كل ما تاخد منه في أي يوم تلاقيه أحلى من الأول كل يوم تلاقي يعني كنا نسرق إحنا بقى من المراقد وندخل المحلوم إمبارح نشفط منه بالغابة النهارده وبعدين نسحب حتة قشطة منه ونعمل مش عارف إيه ونعمل كل يوم يزداد إيه؟ يزداد حلوة لحد ما تيجي بقى العملية وتاخد القشطة كده الأخيرة وتاخد الحتة اللي في الآخر تعملها الجبنه الجميله ومش عارف ايه. وهي في المرقد. طب خد اللبن بقى وغليه. وبعدين حطه بقى كده في سيفه ينثم بعد يوم واحد وريحته تتموت. ليه؟ قام قال لك لأنك لما حطيته في المرقد خدته بالحياه فيه ففضلت الحياه فيها حيش. لكن لما غليته موتت فيه الحياه. فما كنتش تحطه في تلاجة لازم يعفن. معنى يعفن انه ما عادش بيؤدي مهمته كلبك، انما انتقل إلى حياة أخرى. بكتيرية بقى وشغلانة بقى تانية، بينتقل من حياة لإيه؟ لحياة تانية، إنما مش معنى ذلك فقدت الإيه؟ متى يفقد كل شيء الحياة؟ حين يريد الله أن ينهي هذه الحياة في قوله كل شيء هالك إلا وجهه. بس. فإذا الحي بيقول بيقول بيقول انا بدي منكم الحي زي الميت اوعى تاخد الميت بقى على ان مفيش فيه حياه مفيش فيه الحياه اللي بالمرتبه الاولى بتاعتنا انما هو انتقل الى حياه ثانيه الى حياه ايه؟ الى حياه ثانيه مش بتاعتنا على الاول "او من كان ميتا فاحييناه

موضوعات هذا المقطع (7)

1. بلاغة أسلوب الاستفهام التقريري في القرآن الكريم · 0:00
2. مفهوم الحياة والموت وشمولهما لسائر الكائنات والجمادات · 3:10
3. دلالة النور الحسي وقوانين الإبصار على النور المعنوي · 9:12
4. الحياة الدنيوية الموقوتة مقابل الحياة الأخروية الخالدة · 15:23
5. حياة الروح بالمنهج القرآني والفرق بين المَيْت والمَيِّت · 17:47
6. تفسير تزيين الأعمال للكافرين ومسألة حرية الاختيار · 21:23
7. الفروق الدلالية بين القول والفعل والعمل · 22:19