نزع الغل من صدور المؤمنين وعدم استصحاب خلافات الدنيا في الآخرة

نص الفقرة — تفريغ آلي

نتائج من التفريغ الآلي — قد تحتوي على أخطاء

الذين آمنوا وعملوا الصالحات ده جنس مؤمن وعمل صالح انما اخليه من اغيار البشر برضه يطرأ عليه اشياء مره يكره ده ومره يزعل من ده ومره مش عارف ايه ومره صحيح ما يستمرش انما تجيله اغيار دي ولا لا؟ ومره يختلف مع برضه راجل صالح ومؤمن وكل حاجه وبعدين اختلفوا وده ظاهر امره انه بيتعصب لله وده ايه برضه بيتعصب لمين؟ بيتعصب على خلاف في المسأله ده نظر إلى التعصب لله من زاوية، هما الاتنين آمنوا وعملوا الإيه؟ وبعدين عملوا أعمال كل واحد عملها بناءً على مين؟ على اجتهاده. يقوم إياكم أن تستصحبوا هذا الخلاف في الدنيا أن يكون مستمرًا في الآخرة. قال ونزعنا ما في صدورهم من غل. اللي كان زعلان من واحد اجتهد في اجتهاد ولا عمل أي حاجة منه ومش عارف إيه، وانشحن قلبه عليه، نقوم نقول لا ده يا سعد ما يروح الجنة، إيه؟ نزعنا ما في صدورهم ولذلك سيدنا الامام علي كان لما يقرا الايه دي اللهم اجعلني انا خدوا بالكم انا وعثمان وطلحه والزبير من هؤلاء لان دول هم اللي وقع بينهم الخلاف في مساله الخلافه ويتقالوا حرب ومش عارف ايه وده صحابي مبشر بالجنه وده صحابي مبشر بالجنه وحصل بينهم خلاف فان كانت النفوس قد دخلت فيها اغيار فاياكم ان تسحبوا الاغيار التي كانت في الدنيا على جزائهم في الاخره ليه؟ لأن الله يقول ونزعنا ما في ليه؟ لأن كان الخلاف أنا بتكلم بين المؤمنين ومين؟ وبعض المؤمنين والذين عملوا وبعض على الأول يبقى إن كان في خلاف ما دام في إيمان وعمل صالح يبقى خلاف اجتهادي. ده قال أنا أحق ده قال لا دي أحسن دي مش عارف إيه فينشأ من ذلك في أغيار الدنيا شيء في عمل القلب. قال إياكم أن تفهموا أن ذلك يستمر معهم في الآخرة. ليه؟ لأنهم لما اختلفوا كانوا عايشين باجتهادات الله وفي الآخرة لا اجتهاد لأحد. ما فيش يبقى ونزعنا ما في صدورهم من ايه؟ من غل.

موضوعات هذا المقطع (9)

1. نزع الغل من صدور المؤمنين وعدم استصحاب خلافات الدنيا في الآخرة · 0:01
2. تطهير الأزواج في الآخرة مما كدر صفوهم في الدنيا · 2:17
3. دلالات جريان الأنهار في الجنة وخصائصها الإعجازية · 3:49
4. اتساع رقعة الأنس في الجنة ومفهوم حمد الغبطة · 5:44
5. حقيقة الهداية واختصاص الخالق بوضع الغايات والتشريعات · 8:22
6. مجيء الرسل بالحق وتحقق بشاراتهم في الآخرة · 10:55
7. الجمع بين جزاء العمل ومحض فضل الله في دخول الجنة · 14:07
8. مفهوم العدل والفضل وإلحاق الذرية بالآباء في الجنة · 16:31
9. دلالة الإرث في الجنة وتوريث المؤمنين منازل أهل النار · 21:31