أسبقية الكعبة واختيار الله لمكان البيت الحرام قبل إبراهيم

نص الفقرة — تفريغ آلي

نتائج من التفريغ الآلي — قد تحتوي على أخطاء

هذه المساجد المنثورة قبلتها كلها المسجد الحرام ليه؟ قال لك لأن المساجد المنثورة في الأرض هي أماكن حيزت للمسجدية أي للعبادة وللصلاة دون غير ذلك من حركات الحياة ولكن تحييز المكان باختيار البشر. البشر قال نجيب هنا نجيب هنا نجيب هنا. فيجب أن يكون المسجد باختيار البشر قبلته المسجد باختيار الله. بقت المسجد الكعبة هي الإيه؟ ليه؟ لأن دي باختيار مين؟ باختيار الله. أن تكون هي الإيه؟ إن أول بيت وضع للناس للذي ببكة مباركا. وهدى للعالم اهو العالمين كله يبقى البيت ده باختيار مين؟ باختيار الله ومادام باختيار الله وموضوع للناس يبقى هل الناس هم الذين وضعوه؟ ده البيت وضع لمين؟ يبقى لازم يكون وضعه مين؟ لازم غير الناس لازم يكون وضعه لأن ما تعريف الناس؟ الناس هم ايه؟ الناس هم ادم وذريته اذا ادم من الناس ولا مش من الناس؟ يبقى ادم داخل في الناس الذي وضع البيت لهم يبقى لازم وضع قبل ادم يبقى بمنطق القران البيت من قبل ادم البيت من قبل ادم ان دخلنا شويه كمان قلنا مش ادم ده هدى للعالمين ومن العالمين الملائكه يبقى يبقى من قبل كده الله اذا قول بعض القوم ان ابراهيم هو اللي عمل نقول له ابراهيم ما جاش ما عملش البيت لأن البيت إنما هو المكان لا المكين. المكان لا المكين، يعني البيت ماهوش الحجر المبني ده اللي احنا بنسميه الكعبة ده. الكعبة مكين في البيت والبيت هو المكان اللي فيه إيه؟ وإلا لو جه سيل كده وشال الكعبة وخلاها أرض كده نصلي إزاي بقى؟ قال لك نصلي إلى المكان لأن اللي ذهب المكين إنما المكان باقي ولا لأ؟ ولذلك لما جه سيدنا إبراهيم كان أثر البيت ضايع ولا لأ؟ مفيش وابراهيم لما جه يرفع البيت لما جه ربنا امره ان يرفع البيت ما قالوش اعمل المكان ده قال له اعمل البعد الثالث لان كل حيز له بعدين الطول اللي بنسميه والايه؟ والعرض وان كان دايره يبقى المحيط وان كان مثلث يبقى الثلاث ايه؟ اضلاع وان كان من الاشكال المعينه او المحاط بايه؟ ده المساحه انما الارتفاع كده دخل في الحجميه حجم يبقى ابراهيم لما جه يبني عمل ايه؟ وضع القواعد يرفع القواعد مش وضعها وإذ يرفع إبراهيم القواعد من إيه؟ من البيت فكأن البيت معلوم قبل إيه؟ قبل الرفع يبقى معلوم قبله بدليل أن الحق سبحانه وتعالى حينما تكلم عن مجيء هاجر وابنها إسماعيل الرضيع وأبوهم وضعهم في هذا المكان قال رب إني أسكنت أسكنت من ذريتي بواد غير ذي زرع عند بيتك المحرم. وهو رفع القواعد واسماعيل بيساعده. سمعين كان قوي وكبير، لكن ساعة ما سكنه كان ايه؟ كان عند، إذا فالبيتية والمكانية ايه؟ موجودة، ولكن إبراهيم عمل المكين اللي هو البعد الايه؟ البعد السلبي. و وأيضا وإذ بوأنا لإبراهيم مكان البيت. المكان اللي يحط فيه الايه؟ الحجاره والبيت، يبقى البيت موجود من الاول ولا لا؟ طيب

موضوعات هذا المقطع (14)

1. مفهوم المسجد لغة وشرعا وخصوصية تحييزه للعبادة · 0:00
2. أسبقية الكعبة واختيار الله لمكان البيت الحرام قبل إبراهيم · 1:56
3. توحيد القبلة وتوجيه قوله تعالى أينما تولوا فثم وجه الله · 6:15
4. تنزيه المساجد عن أحاديث الدنيا وآداب الدخول والاعتكاف · 7:33
5. الاستدلال بالنور الحسي على نور المنهج الإلهي المعنوي · 10:58
6. تفسير مثل النور في سورة النور والمشكاة والمصباح · 17:39
7. معنى نور على نور وروح المنهج المحيية للقلوب · 23:43
8. المساجد مشافي الروح ومصحات صيانة الإنسان برعاية خالقه · 27:14
9. آداب المسجد في النظافة والسبق والنهي عن حجز الأماكن · 31:14
10. فضل زيارة بيوت الله وإكرام الزائر وسعة اللقاء بلا مواعيد · 34:05
11. نفي عمارة المساجد عن المشركين وحبوط أعمالهم كسراب · 38:33
12. صفات عمار المساجد ولطيفة التعبير بعدم ذكر الرسول صراحة · 44:35
13. مراتب الرجاء ودلالة عسى إذا صدرت من الله تعالى · 49:14
14. مراتب الهداية بين هداية السبيل وهداية الغاية إلى الجنة · 51:44