أوجه تعذيب المنافقين بأموالهم وأولادهم ومصيرهم عند الموت

نص الفقرة — تفريغ آلي

نتائج من التفريغ الآلي — قد تحتوي على أخطاء

أن يعذبهم بها في الدنيا. طب ما دام هيعذبهم بها في الدنيا بايه؟ اولا للمال الجمع ويتعب في المحافظه عليه، وبعدين ظاهريته في الاسلام تقتضيه ان يدفع شيئا ولا يؤمله ثوابا، ويجهز به ولا له ثواب ويعمل وكذلك الاولاد يتعب في تربيتهم، وبعد ذلك ايه اللي يحصل؟ يا تحصل لهم احداث فيموتون، وما دام يموتون ما عندوش الايمان اللي يخليه يقول لك ده هيبقى يسد عني طاقه من جهنم ده هيصدق يسوقني إلى رحمة الله، ده هيبقى ليا فرط وزخر، ده هيبقى ليا عليه ثواب، ما عندوش الكلام ده، يبقى الحسرة تبقى موجودة ولا لأ؟ لأنه مات الولد منه بدون إيه؟ بدون مقابل، لكن المؤمن لما يموت ابنه يقول لك لأ، إن كان صهيراً فهو فرط لي وزخر. وإن كان كبير والذين آمنوا واتبعتهم ذريتهم بإيمان ألحقنا بهم ذريتهم وما ألت يبقى في عنده سلوى على الولد ولا لأ؟ وعنده جزاء على الصبر، إنما المنافق يبقى عنده إيه؟ فقد ماله وفقد ولده بدون ايه؟ بدون مقابل، يبقى دي يتعذبوا بها ولا ما يتعذبوهاش؟ انما يريد الله ان يعذبهم بها في الدنيا وتزهق انفسهم وهم كافرون. ساعه ما الواحد يكون عنده مال وولد وبعد ذلك لم يقدم في اخرته شيء لانه لا يؤمن بالاخره. يبقى كل متعه ماله واولاده مين؟ زمانها ايه؟ في الدنيا. فلما يكون هيفوتها يبقى عيني فايتها وهو ايه؟ كاره، لكن اللي قدم شيء من ماله واولاده الى الاخره يبقى يقبل عليه الموت وهو ايه؟ وهو فرحان، يبقى هيبقى الخساره في الدنيا ومع ذلك ساعه ما يموت يبقى ترك كل شيء ضاع منه امواله واولاده وسابهم بدون ايه؟ بدون رصيد مقابل يعزيه عما ايه؟ عما فقد. ان الذين ايه؟ كفروا فسينفقون أموالهم ليصدوا عن سبيل الله ثم تكون عليهم حسرة لأنه يا ينفق المال نفاقا علشان يعني الزكاة والاشياء يا ينفقه علشان يفسد مين؟ تعاليم الدين وتعاليم الدين هتنتصر يبقى نفق المال خسره هه والدين انتصر فسينفقونها ثم تكون عليهم ايه؟ حسرة وبعدين تزهق أنفسهم وهم كافرون وما دام زهقت وهو كافر فكأن الموت جاءه وهو على غير يقين بجنه وعلى غير يقين بيوم اخر وعلى غير يقين بانه قدم شيء يبقى حسرته على اللي سابه ولا لا؟ يبقى يتحسر على اللي ايه سابه لان ما فيش غيرها هي دي ولو ترى اذ يتوفى الذين كفروا الملائكه يضربون وجوههم وايه؟ وادبارهم

موضوعات هذا المقطع (4)

1. الرد على شبهة التكرار في القرآن والفرق بين آيتي قتل الأولاد · 0:01
2. الفروق البيانية بين موضعي النهي عن الإعجاب بأموال المنافقين وأولادهم · 5:25
3. توجيه إرادة العذاب ومعنى لام العاقبة في أفعال الله · 10:25
4. أوجه تعذيب المنافقين بأموالهم وأولادهم ومصيرهم عند الموت · 13:23