دور الهواء في توازن الكون ودلالة الريح والرياح في القرآن

نص الفقرة — تفريغ آلي

نتائج من التفريغ الآلي — قد تحتوي على أخطاء

ولو نظرت إلى الهواء في الوجود كله مش بس بالنسبة للإنسان هو اللي عامل صيانة لكل الوجود ثبات الأرض ثبات المباني اللي عليها ثبات الأبراج ثبات الجبال كله مين اللي عاملها إيه؟ الهواء إزاي؟ قال لك لأن الهواء اللي جاي من الناحية دي وجاي من الناحية دي وجاي من الناحية دي بالنسبة للجبل هو اللي عامل ايه؟ يخلي الجبل ايه؟ يثبت. طب هات اي حاجه كده وخلي الهواء يجيها من طرف واحد. يعمل ايه؟ طيب هات ناحيه من اي النواحي لاسلم شيء وفرغها من الهواء. تروح مهدومه. الله. اذا الهوا هو اللي عامل ايه؟ هو اللي عامل التوازن ده في الكون كله. العمود ده واقف ليه؟ لان الهواء من هنا زي الهواء من هنا زي الهواء من هنا زي الهواء من هنا. ولذلك قلنا انك لو استعرضت الفاظ القرآن وجدت ان الحق حينما يتكلم عن تصريف الرياح يتكلم بدقة خالق بدقة اله حكيم لما يتكلم ويجيب رياح تبقى فيه فيها الرحمه ان جاب ريح يبقى فيه العقاب بريح صرصر عاتيه خلاص فلما راوا قالوا هذا عارض ممطر بل هو ما استعجلتم به ريح فيها عذاب اليم تدمر كل شيء بامر ايه؟ لكن بقى الرياح ارسلنا الرياح على واقع يبقى في الخير يعمل ايه؟ يبقى رياح لكن في الشر يعمل ايه؟ لان الرياح ما دام رياح يبقى ريح جاي من هنا وريح جاي من هنا وريح كل حاجه تتوزن انما ريح جاي من ناحيه واحده تروح هي مطربقه

موضوعات هذا المقطع (5)

1. مقومات حياة الإنسان وحكمة تفضيل الهواء على الطعام والشراب · 0:00
2. دور الهواء في توازن الكون ودلالة الريح والرياح في القرآن · 2:47
3. بلاغة التعبير القرآني في نفي إحصاء نعم الله بدلالة إن وإفراد النعمة · 4:49
4. المعاني والإطلاقات الثلاثة للفظ الآية في القرآن الكريم · 7:40
5. الغاية من تدبر آيات الكون وحال المتقين والمعرضين عنها · 8:18