مفهوم العبادة واستلزامها علو الآمر وقدرته على الثواب والعقاب

نص الفقرة — تفريغ آلي

نتائج من التفريغ الآلي — قد تحتوي على أخطاء

ويعبدون من دون الله ما لا يضرهم ولا ينفعهم. اولا كلمه يعبدون بتقتضي وجود عابد ووجود معبود ووجود معنى للعباده. العابد هيبقى ادنى حال من المعبود. طب عشان يبقى عابد وده معبود يعمل ايه؟ قال لك مظهر العباده والعبوديه كله طاعة الامر وطاعة الله. يبقى يعبد يعني ايه؟ يطيع الامر وينصرف عن الايه؟ عن النهي، ادي الاصل الايه؟ العباده، او ان تتقرب بعملك اليه. يبقى العباده لها كم وجهه اهو تطيع امره وتطيع النهي بتاعه او تتقرب اليه، يعني تعمل العمل ده قربى لمين؟ قربى لله. العابد والمعبود ما دام ده هيطيع امره يقول لك الذي يامرني امرا وعايزني استمع له لازم يسبق هذا أن أحكم بأنه أعلى مرتبة في الحكم على الأشياء مني. أمال حطيعك ليه؟ اشمعنى نطيعك يعني؟ فإن كنا متساويين ما بيسموهش أمر، بيسموه التماس. إذا فمعنى واحد يأمرني وأفعل قبل ما يأمرني وعشان أفعل لازم أعتقد أنه إيه؟ أعلى مني. أنه أعلى مني. هذه أول إيه؟ هذه أول حاجة. فإذا كان الأمر من المساوي تقول له طب وأنا هعمل دي ليه؟ وإذا كان الأمر ممن اعتقدت أنه أعلى منك هتعمل ولا تقول له وأنا هعمل دي ليه؟ تعمل على طول يبقى إذا فيه آمر وفيه مأمور الآمر والمأمور إن تساويا يبقى لازم تقنعني ليه هعمل دي؟ وأما إن كان في حكم سابق وهو أن الآمر أعلى من المأمور كالأسلوب بالنسبة لمين؟ للتلميذ او المريض بالنسبة للطبيب يبقى معناها امر ما تقولوش هعمل دي ليه؟ لانك اعتقدت اولا بايه؟ بانه اعلى كذلك المؤمن معنى مؤمن انه امن بوجود اله قادر له كل صفات الكمال المطلق فاذا اعتقدت هذا يبقى اللي يقول لك عليه تايه؟ تنفذه طب وان ما نفذتوش ما انت بين امرين يا تنفذ يا لا تنفذ فان نفذت هتاخد رضاه وحبه وثوابه، وان ما نفذتش تبقى غضبه وعقابه. الله يبقى اذا ان فعلت امره واجتنبت نهيه تبقى هتاخد ثواب منه، ان خالفت تبقى تاخد ايه؟ يبقى لازم يكون اعلى قدرة مني. يبقى قادر على انفاذ ايه؟ ايه؟ الثواب وانفاذ الايه؟ العقاب.

موضوعات هذا المقطع (8)

1. مفهوم العبادة واستلزامها علو الآمر وقدرته على الثواب والعقاب · 0:00
2. البرهان العقلي على بطلان عبادة الأصنام لعجزها عن الضر والنفع · 3:08
3. تفنيد شبهة المشركين في اتخاذ الأصنام شفعاء عند الله · 5:34
4. تفسير قوله تعالى: {قل أتنبئون الله بما لا يعلم} وإبطال دعوى الشفاعة · 7:43
5. برهان التوحيد ونفي تصرف الشركاء والأفلاك في ملك الله · 10:25
6. دلالة دقة الصنائع والمخلوقات على عظمة الخالق وصدق خبره · 11:43
7. ضرب المثل بنور الشمس والمصابيح لبيان كفاية هداية القرآن عن أفكار البشر · 15:04
8. تفسير قوله تعالى: {سبحانه وتعالى عما يشركون} وبيان استحالة الشريك لله · 19:00