بيان معنى لام العاقبة في قوله تعالى ليضلوا عن سبيلك

نص الفقرة — تفريغ آلي

نتائج من التفريغ الآلي — قد تحتوي على أخطاء

يا ريت لي يضلوا. ده هم ما اقتنعوش بان يكونوا ضالين. بل عايزين الغير يبقى ايه؟ يبقى ضال. يبقى فيه وزران اثنين. وزر ضلالهم في ذاتهم ووزر اضلالهم لغيرهم. طب بقى هو ربنا اداهم عشان يضلوا؟ بقى دي علة العطاء؟ قام قال لك لا في لام اسمها الايه؟ العاقبة. ازاي يعني؟ انت جيت لابنك وقلت له للولدين من اولادك، يا ولد خد انت الجنيه ده، وانت يا ولد خد الايه؟ الجنيه ده، انتوا الجنيه ملككم اتصرفوا فيه باختياركم، لكن انا احب ان تتصرفوا فيه تصرف يعود عليكم بالخير، تشتري كتاب، تشتري حلوى تاكلها، تجيب حاجه لاخواتك، مش عارف ايه، اللي يعمل منكم كده ابقى انا اجرؤ وادي له اأتمنه على مال وادي له مال، واللي يعمل غير كده ازعل منه ولا عمري ادي له ايه؟ اديته قوه شرائيه ولا لا؟ لما ولد منهم راح قام اشترى كوتشين الست اللي قاعدة في البيت قالت له ايه؟ ما انت اديته فلوس عشان يشتري كوتشين. الله بقى هو كان مديله عشان يشتري كوتشين؟ اه لا قال لك الغاية بتاعة الاختيار هدته إلى أنه يجيب كوتشين. يبقى اسمها لام الإيه؟ لام العاقبة. لام العاقبة. لام العاقبة ما تبقاش مقصودة أساس للفعل. تبقى المقصود غيرها ولكنها تأتي.

موضوعات هذا المقطع (7)

1. مفهوم الزينة والفرق بين الضروريات والترف في الحياة · 0:00
2. الذهب كرصيد للأموال ومظاهر ترف الفراعنة · 1:37
3. بيان معنى لام العاقبة في قوله تعالى ليضلوا عن سبيلك · 4:53
4. إلقاء أم موسى له في اليم والفرق بين وارد الرحمن وهاجس النفس · 6:59
5. التقاط آل فرعون لموسى وتحقق لام العاقبة في عداوته لهم · 8:12
6. تفسير دعاء موسى بالطمس على أموال فرعون وملئه · 11:50
7. معنى الشد على القلوب والفرق بين إيمان الاختيار وإيمان الإلجاء · 13:23