مفهوم "مد الأرض" في القرآن ودلالته على كرويتها

نص الفقرة — تفريغ آلي

نتائج من التفريغ الآلي — قد تحتوي على أخطاء

"وهو الذي مد الأرض وجعل فيها رواسي" مد الأرض، المد معناه امتداد الشيء، يعني الشيء يبقى قدامك كده وبعدين تلاقيه إيه؟ ممدود. الناس بتاخد المد بمعناه البسط. لأن ده البسط تابع للمد. ولذلك وقفوا مع بعض بقى العلماء يقول لك مين اللي قال إن الأرض كروية؟ الأرض ما إيه؟ الارض مش كرويه، الارض مبسوطه لان ربنا بيقول هو الذي مد الايه؟ مد، نقول له طب افهم كلمه ماده اولا وافهم كلمه الارض، ما هي الارض؟ هي الارض اللي انا فيها دلوقتي ولا الارض اللي فيها زميلي ولا الارض فيها اللي فيها مقابلي ولا الارض اللي في الشرق ولا الارض في الغرب؟ اي ارض؟ يبقى لازم تطلق على كل حته في الارض. على الارض، انت واقف هنا قد تسير شمالا الى القطب وجنوبا الى القطب الجنوبي. وتيجي تمشي كده لحد خط الاستواء. واللي مقابل لك برضه هناك. تبقى معنى مد الارض انك ان وقفت وتقدمت وجدتها ممدودة امامك. مالهاش سور ولا حفة تنتهي اليه. فلو انها كانت مبسوطة لكان لها ايه؟ نهاية. يا مثلث يا مربع يا مستطيل يبقى لها حفة ولا لا؟ ما فيش حد وصل لحفة الارض وبعدين قال لي اوعى تتقدم بقى هنا عشان الهوا اهو. ما فيش. الله يبقى ما دام مالهاش حفه يبقى مش مبسوطه. فإذا جيت في أي نقطة من نقط الأرض ومشيت تلاقي أرض قدامك. تلاقي أرض وقف معناها أنت على خط الاستوى أهو. امشي على خط الاستوى إيه. تمشي هتلاقي أرض تمشي تلاقي أرض تمشي تلاقي أرض تمشي تلاقي أرض تمشي تلاقي أرض تمشي وبعدين تلاقي جيت في الحتة اللي أنت بدأت منها. تبقى الأرض ممدودة ولا لأ؟ تبقى ممدودة وغيره إيه؟ محدودة. ما تكونش إلا إذا كانت مكورة. لا تكون الا اذا كانت ايه؟ بحيث ان مشيت تبع خطوط العرض تنتهي اليها وحسب خطوط الطول برضه تنتهي اليها، يبقى ما فيش سد سد الارض كده وقال لك لا ده دي نهايه الارض واوعى عشان تقع في الهوا، لا ما حصلش، هتقعد كده ايه؟ تمشي ولذلك هو الدليل ده اللي كانوا بيستعملوه قبل العمليه بتاعت التصوير الجوي. التصوير الجوي لما الارض اتصورت لقناها ايه؟ مكوره. قبل كده كان يقول لك يقول لك انك اذا سرت من مكان وظللت متجها فيه الى الامام تصل الى المكان الذي بدات فيه وما لم تصل الى المكان الذي بدات فيه تبقى ايه؟ تبقى لازم ايه؟ مكوره يبقى المعنى والارض مددناها اي كل ما مشيت تلاقي ارض قدامك كل ما مشيت لا يكون ذلك الا اذا كانت ايه؟ الا اذا كانت مكوره

موضوعات هذا المقطع (10)

1. مفهوم "مد الأرض" في القرآن ودلالته على كرويتها · 0:00
2. الحكمة من خلق الرواسي ودورها في حفظ توازن الأرض · 3:13
3. بركة الجبال وتقدير الأقوات والمعادن فيها · 8:45
4. الجمع بين الرواسي والأنهار وعلاقتهما بإنبات الثمرات · 10:51
5. دلالة اتساع الأرض وحرية انتقال الإنسان فيها لعمارة الكون · 12:25
6. المعنى اللغوي والقرآني للفظ "الزوج" وقوله "زوجين اثنين" · 14:07
7. حكمة جريان الأنهار وعلو منسوبها وطبيعة البرازخ المائية · 17:16
8. تفسير "يغشي الليل النهار" ودلالة تعاقبهما على كروية الأرض · 19:56
9. شمول قانون وسنة الزوجية لسائر الكائنات والمخلوقات · 26:00
10. الحث على التفكر والتدبر في قوله "إن في ذلك لآيات لقوم يتفكرون" · 26:49