الحكمة من خلق الرواسي ودورها في حفظ توازن الأرض

نص الفقرة — تفريغ آلي

نتائج من التفريغ الآلي — قد تحتوي على أخطاء

وهو الذي مد الارض وجعل فيها رواسي وانهارا وجعل فيها رواسي رواسي جمع راسي رواسي يعني شيء ثابت اللي هي ايه؟ والجبال ارساها يبقى الرواسي يعني هي الايه؟ هي الجبال والجبال ارساها جه في ايه ثانيه ما هو مره يدي الحكم ومره يجيب الحكم وعله الحكم هنا الرواسي بس إنما في آية ثانية يجيب علة كلها رواسي وجعل فيها رواسي أن تميد بكم أن تميد أي تضطرب بكم يعني دي مسكلات الله يبقى مرة يجيب الإيه؟ الحكم ومرة يجيب الحكم ودليل الإيه؟ ودليل الحكم ودليل الحكم في موقع يجب أن تستصحبه في كل موقع خالٍ من الدليل ساعة ما تقول إيه؟ رواسي نيجي بقى بس عشان ما تمدش عشان ما تضطربش يقول له ايوه ما تضطربش ليه؟ قام قال لك الارض دي لو كانت مخلوقه على هيئه الثبات ما كانتش عرضه للاضطراب. انما اللي خلاها عرضه للاضطراب ايه؟ انها متحركه. انها ايه؟ متحركه. يبقى ما دام رواسي لئلا تميد بكم يبقى معناها ان في حركه لولا هذه الرواسي كانت ايه؟ كانت تميد. الرواسي شيء راسي ثابت. طب افرض ان احنا عمالين دلوقتي نقطع في الجبال. ونقول الجبل ده فيه جرانيت والجبل ده فيه رخام والجبل ده فيه اورانيوم وعمال نقطع في الجبال وننقلها لحتت ثانيه. قال لك شوف بقى علشان تعرف حكمه الخالق في حين خلق وحكمته حين دبر. ايه الحكايه؟ قال لك انت الارض لها محيط ولها مركز ولها اقطار ما دام لها محيط ولها مركز كل ما تقرب من المركز كل ما تتضيق. لو انت خدت البطيخه وخدت الكره بتاعه القشره وقشرتها تطلع كره ثانيه من الاحمر تاخد برضه ايه؟ من كل ما تنزل تلاقي ايه؟ كره صغيره الاقطار بتقل عن الاول. المحيط اللي هو موجود حول حول الارض هو ده الايه؟ الغطاء الكثيف اللي عامل ايه؟ زي قشد البطيخه. إنما جواه أشياء كثيرة جدا، الأشياء الكثيرة جدا منها ما هو صلب ومنها ما هو سائل، مش كلها صلبة، ولذلك يقول لك في انصهار في جوف الأرض، ولذلك كل ما تنزل تلاقي حرارة، ما دام كل ما تنزل تلاقي حرارة، دي تدلنا على أن لما بيحصل بركان والبركان بيطلع منه بيطلع إيه؟ بيطلع سوائل ولا مش سائل؟ حمم سائل كده. يبقى ده من جاي منين؟ ومحرق ولا مش محرق؟ أما قال لك إيه؟ أهو ده اللي عامل التوازن. ليه؟ قال لك لأن كل شيء مستدير يتحرك في عملية بيسموها في علم الحركة عملية الطرد الذاتي. الطرد الذاتي معناه إيه؟ هات بطيخة وحط عليها حتة آآآ عجينة ولا حتة حاجة كده ودور البطيخة. لازم البطيخة تطرد الحاجة اللي عليها. ليه؟ قال لك لأن الحاجة اللي عليها دي بقت فيها كثافة وثقل على الحتة لحد المركز. وهي لازم تكون متوازنة حاجة واحدة عشان تدور. إذا أنت لو خدت قطاع من الأرض زي ما بتاخد قطاع بالبطيخ كده واخد من المحيط لحد المركز وخدت من المقابل قطاع زيه ووزنتهم يطلعوا قد بعض تمام. إن كان فيه مي إن كان فيه حديد إن كان فيه زلط إن كان فيه رمل كله. ليه؟ قال لك لأنك لو نقلت حتة جبل وعمال تاخد منه رخام وتاخد منه جرانيت خف من هنا ولا ما خفش؟ خف من مكانه، إنما هيوضع في مكان تاني ولا لأ؟ ولو وهو ماشي في العربية هيتوضع هنا ويتوضع هنا ويتوضع هنا ويتوضع هنا ويتوضع هنا، لما يتوضع هنا ولا تكونش باطن الأرض فيه سيولة، لما يتوضع هنا يقوم السائل تحت يروح على الحتة بتاعته اللي كانت زمان. يقوم عشان يدي إيه؟ يدي التوازن، لو كانش هذا التوازن كانت العمارات اللي انت شايفها دي كانت وقعت من دوران الارض، يبقى لما بتبني عماره في مكان تقول ما انت زودت الثقل على المكان ده، طب هو انا جبت الحاجات دي منين؟ ما انا جبت التراب والرمل والزلط من حته ثانيه، هي خفت هناك ايه؟ وتقلت هنا، لما تتقل هنا تروح السائل اللي تحت ايه؟ يروح لحد هناك بالاستطراد يعوض الايه؟ يعوض المساله، عمليه عمليه بقى العلماء يدوخوا فيها ايه؟ ويدوخونا فيه وربنا ايه؟ يحلها لنا.

موضوعات هذا المقطع (10)

1. مفهوم "مد الأرض" في القرآن ودلالته على كرويتها · 0:00
2. الحكمة من خلق الرواسي ودورها في حفظ توازن الأرض · 3:13
3. بركة الجبال وتقدير الأقوات والمعادن فيها · 8:45
4. الجمع بين الرواسي والأنهار وعلاقتهما بإنبات الثمرات · 10:51
5. دلالة اتساع الأرض وحرية انتقال الإنسان فيها لعمارة الكون · 12:25
6. المعنى اللغوي والقرآني للفظ "الزوج" وقوله "زوجين اثنين" · 14:07
7. حكمة جريان الأنهار وعلو منسوبها وطبيعة البرازخ المائية · 17:16
8. تفسير "يغشي الليل النهار" ودلالة تعاقبهما على كروية الأرض · 19:56
9. شمول قانون وسنة الزوجية لسائر الكائنات والمخلوقات · 26:00
10. الحث على التفكر والتدبر في قوله "إن في ذلك لآيات لقوم يتفكرون" · 26:49