انحصار الفساد في كسب الإنسان الاختياري وفضل الله في حفظ عناصر الخير

نص الفقرة — تفريغ آلي

نتائج من التفريغ الآلي — قد تحتوي على أخطاء

فسدت الارض، نعم. اي فيما جعل الله للإنسان يدا فيه. أما الشيء الذي لم يجعل الله للإنسان يدا فيه هتفضل النواميس هي هي. ما أثروش في الشمس، ما أثروش في القمر، ما أثروش في الهواء، ما أثروش في المطر، إنما أثرت إيه؟ الفساد جه في إيه؟ فيما لهم فيه يد. ولذلك انظر إلى الكون، تجد المسائل التي لا دخل ليد الإنسان فيها مستقيمة على أحسن ما يكون. والفساد بيجي من النواحي ايه؟ اللي الانسان دخل فيها. الانسان دخل فيها ازاي؟ يعني ما يدخلش في حاجه ابدا؟ قال لك لا دخل فيها بغير منهج ربه. لو دخل فيها بغير منهج بمنهج ربه كانت استقامت الامور كما استقامت النواميس العليا. تمام. ولذلك قلنا في سوره الرحمن لما السماء رفعها ها؟ ووضع الميزان. ما دام السماء رفعها ووضع الميزان والسماء ما تقعش على الارض والنظام كده محكوم حكم تمام والشمس تطلع كلهم في فلك يسبحون ونظام دقيق ولا مش دقيق؟ لان مالناش دخل ايه؟ فان اردتم ان تصلح حياتكم وان تستقيم اموركم كما استقامت هندسه السماء والارض فخذوا الميزان من الله في اعمالكم والسماء رفعها ووضع الميزان الا تطغوا في الميزان واقيموا الوزن بالقسط ولا تخسروا الميزان. ما دام انتم شفتم ان الامور اللي موجوده ليست في يدكم مستقيم الامر فيهم. والفساد جاي من ناحيه ايه؟ الامور اللي انتوا داخلين فيها، طب شوفوا ايه اللي انتوا ماذا قصرتوا؟ نقول ان دي كملناش ايد فيه ودي لينا فيها ايد، طب يعني تكن ايدنا على على الحركه في الحياه؟ لا ما تكنهاش بل اعمل بحركه الحياه بس بمنهج الذي خلق الحياه. ان عملت في الحياه بمنهج الذي خلق الحياه تستقيم لك امورك كما استقامت الامور التي هي اعلى ايه؟ احفظ جيدا والسماء رفعها ايه؟ ووضع الميزان الا تطغوا في الميزان. عشان ما تطغوش في الميزان تعرفوا دي موزونه ليه؟ لان مالكوش فيها اختيار، انما الامور اللي لك فيها اختيار حطوا الميزان كده واقيموا الوزن بالقسط ولا تخسروا الايه؟ ولا تخسروا الميزان. ما دام الله خلق للانسان دون اختيار وبعدين اختار هؤلاء هذا المذهب وهؤلاء هذا المذهب كان ربنا سبحانه وتعالى يتركهم. يقول لك لا برضه ربنا له رحمه على العالمين لازم يبقي عناصر الخير في الوجود. يمكن حد كده يرعوي ويتنبه ويلتفت ويروح ياخدها فلما تيجي تطغى في جماعه يقوم يجيب لهم جماعه ايه؟ يردوهم عشان تبقى عناصر الايه؟ عناصر الخير في الايه؟ في الوجود لعل انسانا ياتي لياخذ عنصرا من عناصر الخير يحرك به ايه؟ حياته وده جاي منين؟ جاي من فضل الله على العالمين لفسدت الارض ولكن الله ذو فضل على العالمين اي لم يدع الامر لايه؟ لتفسد الايه؟ لتفسد الارض نعم

موضوعات هذا المقطع (7)

1. مفهوم الهزيمة والكر والفر في قوله تعالى فهزموهم بإذن الله · 0:01
2. قصة داود عليه السلام وقتله لجالوت وبداية الملك وصناعة الدروع · 1:26
3. سنة التدافع وتوازن القوى الكونية لمنع فساد الأرض · 4:08
4. الأخذ بالأسباب والتمحيص في قصة طالوت وجنوده · 5:52
5. المقارنة بين آيتي التدافع في البقرة والحج وحفظ دور العبادة للقيم · 10:45
6. طبيعة الصراعات البشرية ودفع الفساد بالفساد عند غياب الحق · 18:24
7. انحصار الفساد في كسب الإنسان الاختياري وفضل الله في حفظ عناصر الخير · 22:00