الحركة الانسيابية للظل ودلالتها على التدبير الإلهي الدائم

نص الفقرة — تفريغ آلي

نتائج من التفريغ الآلي — قد تحتوي على أخطاء

الحق سبحانه وتعالى يلفتنا إلى أمر العام. كل واحد شايفه. ولذلك حيجي في آية تانية يقول: ألم تر إلى ربك كيف مد الظل؟ ولو شاء لجعله ساكنًا، ثم جعلنا الشمس عليه دليلًا، ثم قبضناه إلينا قبضًا يسيرا. الله إيه إيه حكاية الظل دي؟ أما قال لك لو نظرت إلى الظل وكيف يمتد وكيف ينحسر لوجدت شيئًا عجيبًا. إيه العجيب فيه؟ أما قال لك الظل يبقى طويل ساعة الشمس كل ما تعلى الشمس شوية في الأفق الظل إيه؟ ساعة ما تشوف سير الظل سواء كان في الامتداد او في في النقصان تجدوا انه بيسموه انسيابي. انسيابي يعني ايه؟ اما قال لك الحركة نوعين اما حركة انسيابية واما حركة عن توالي سكونات بين الحركات. عقرب الساعة اللي انت بتشوفه ده بص لعقرب الدقايق. عقرب الدقايق ده مش ماشي طوال. بل يمشي ويقف وبعدين تلتفت تلاقيه عمل ايه؟ الله، يبقى اذا مرت عليه لحظه لم يكن ماشيا، وبعدين جمع الفتره ديا في النقره بتاعت الرقاص اللي بيعملها على باله او البتاع اللي بيدور عليه ده الترس ولا لان معنى الترس بيعمل ايه؟ ساعه ما يجي الترس يروح زقه، وبعدين يفضل ساكت لحد ما يجي الترس الثاني ايه؟ يزقه زقه ثانيه، هي في عقرب الدقايق واضحه. إنما ما تدركهاش في عقرب الساعات. ليه؟ قام قال لك لأن الزقه فيه دي زقه دقيقه لدرجه إن العين المجرده ما تستطيعش تشوفها. إنما في عقرب الدقايق بتشوفها، تلاحظها كده تلتفت إيه؟ نط ونط كل دقيقه بنطه، يعني الخمس دقايق اللي بين الخمس بخمس إيه؟ بخمس قفزات. عقرب عقرب الساعات برضه كده، بس القفزه بتاعته إنت ما بتدركهاش. ليه؟ لازم تكون التروس بتاعته ادق من الايه؟ ولذلك بتحصل حركه بدون ما تشعر. انما دي برضه حركه قفزيه مش انسيابيه. الانسيابيه معناها ان كل جزء من مليون من الثانيه فيه جزء من مليون من الحركه. الطفل الصغير اذا نظرت امه اليه ساعه ما تولده ما يكبرش ابدا في نظرها. اذا فضلت باصه له كده. إنما يكبر امتى؟ لما تجمع شهر ولا تشوفش، وبعدين تايه؟ تبقى تشوف، يبقى تجميعة النمو في الشهر دي قالت بها. إنما كده باصص له كده؟ مش ممكن أبداً. ليه؟ قال لك لأنه ما بينموش كده. لا، ده كل لحظة من الزمن فيها لحظة من الإيه؟ النمو. مش مثلاً إنه بينمو في اليوم ملي، يبقى الـ24 ساعة تمر من غير نمو، ويجي في الآخر كده يروح ناطق، لا. ده الملي ده هو اللي كبروا في النهار ده ماشي في طول الزمن. طب طول الزمن دي تبقى حركته ايه؟ تبقى حركه انسيابيه مش حركه قفزيه، قال لك ما هو الظل بهذا الشكل بص بقى للظل كده طب وده دليل على ايه؟ على ان الشمس مش ماشيه بتروس، ده الشمس ماشيه بكل لحظه من لحظاتها سيء يبقى اذا الحركه بتاعتها تبقى موجوده في كل لحظه ولا لا؟ يبقى في كل ايه؟ في كل لحظه ولذلك الحق سبحانه وتعالى جعل هذا صلاه وظلالهم بالغدو والاثر كل شيء بيسبح وبيصلي ايه وظلالهم بالغدو والايه؟ والاصل ليه؟ لانه مش مركون الى ميكانيكا.

موضوعات هذا المقطع (4)

1. مفهوم الفيء والظل وأحوال حركته في الآية الكريمة · 0:00
2. الحركة الانسيابية للظل ودلالتها على التدبير الإلهي الدائم · 2:41
3. دلالة إفراد اليمين وجمع الشمائل وحقيقة التدبير القدري · 6:58
4. حقيقة السجود التام ومغزى ضرب المثل بخضوع الظلال · 11:19