مقاصد سورة النور ومقومات الخلافة الراشدة في الأرض طهارة ونورا

نص الفقرة — تفريغ آلي

نتائج من التفريغ الآلي — قد تحتوي على أخطاء

إحنا كنا في أول سورة النور. قلنا لله يا سورة النور علشان تبين للناس النور الحسي اللي في الكون وتقيس عليه النور المعنوي في القيم. وما دام النور الحسي اللي احنا شايفينه ساعه ربنا ما يبدي نوره كل انوارنا تنطفي فكذلك يجب في الامور المعنويه انه كل ما ربنا يشرع في حاجه ارائنا تنطفي. ما فيش واحد يبقى له راي مع ربنا. ودي بالقياس انتوا شايفين الدنيا اهو؟ ادي انتوا لما يجي الليل والشمس تغيب كل واحد منكم بينور على قده. ده بينور شمعه وده بينور مسرجه وده بينور نمره خمسه وده بينور ليون وده بيجيب فلوريست وده بيجيب نجف كل واحد على قده لكن ساعه ما تطلع الشمس الصبح الكل يطفئ الاصابيع حتى الكفره طب ما دام النور الحسي انتم شفتوها اهو اللي عايز ربنا ما يظهر انتهى كل شيء يبقى النور المعنوي اخر ليه؟ قال لك عشان عايزين الخلافه في الارض تبقى على نور ما هو جايب الانسان خليفه ولذلك قلنا عايزين في الخليفه حاجتين اثنين ضمان بقاء حياته بطعامه وشرابه. بس خدوها من حل عشان يبقى البنيه الجسميه الخلايا تتكون من حلال. علشان ايه لما الخليه تتكون من الحلال يبقى في جهاز الاستقبال وجهاز الارسال، الله يرسل مددا واحنا بنستقبل. لازم جهاز الاستقبال ده يكون ايه؟ يكون متكون من حلال. وبيقول لك ان ابن ادم يدعو وربنا ما جاوبنيش مش كده بيقول؟ وكيف يستجيب الله له ومطعمه من حرام وملبسه من حـ ذراته كلها حرام. ده جهاز الاستقبال بتاعه خربان ولذلك مثلا احنا نقول مثلا المحطه زي ما بتزيح وبعدين الناس كل واحد يفتح الجهاز بتاعه يفتح التلفزيون ولا الراديو واحد ما الراديو يلخبط ويصوت ويعمل مش عارف ايه المحطه بتزيح بس جهازك هو اللي خربان جهازك هو اللي ايه؟ عايز يستقبل من المحطه صحح الجهاز بتاع الجهاز اللي هو ايه؟ ذرات تكوينه اضمن انها لقمه من ايه؟ من حلال من حلال عشان الذرات تبقى صح تستقبل ايه؟ كويس. طيب ادي ايه بقاء استبقاء الحياه بالقوت واستبقاء النوع بالزواج. عشان انت تجيب اولاد واولادك يجيبوا، المهم الخلافه تستمر في الارض. فربنا عايز الاثنين دول يبقوا نظافه عشان الخليفه يطلع ايه؟ نظيف في ايه؟ في اقتيافه ذرته سليمه. في تناسله ذرته شريفه وطاهره. يبقى خلافه ايه؟ خلافه في الارض خلافه ايه صح؟

موضوعات هذا المقطع (4)

1. سعة رحمة الله بالتائبين واقتصار مهمة الرسول على البلاغ · 0:01
2. أوجه الأمر بالطاعة في القرآن الكريم وتفويض النبي ﷺ بالتشريع · 1:07
3. تفسير قوله تعالى: «فإن تولوا فإنما عليه ما حمل وعليكم ما حملتم» · 5:38
4. مقاصد سورة النور ومقومات الخلافة الراشدة في الأرض طهارة ونورا · 7:02