سيادة الإنسان في الكون ودلالة خلق السماوات والأرض على عظمة الله

نص الفقرة — تفريغ آلي

نتائج من التفريغ الآلي — قد تحتوي على أخطاء

وبعد ذلك جاء في قضيه من قضايا اصول الكون. الحق سبحانه وتعالى قال لنا انه خلق السماء والارض واللي بينها من اجل مين؟ الانسان. يبقى الانسان ده هو المكرم الاول ولا لا؟ المكرم الاول. الشمس والقمر والنجوم له. الجو علشانه، النبات علشانه، الحيوان علشانه. يبقى ده سيد ولا مش سيد؟ سيد. سيد. السيد دي خد سيادته بفعله. ما خدش سيادته بفعله انما هي بتفضل من الله وما دام خد السياده بتفضل من الله كان من الواجب عليه اولا ان يشكر من اعطاه السياده على غيره. نعم. لكن الانسان ده مروره في الحياه عبور وزي ما قلنا عمره يطول وده يقصر وده مش عارف ايه وازاي يكون في حاجات في الكون زي الشمس والقمر والهواء عمرها وهي قادمه. عمرها اطول من عمر السيد. يبقى كان لازم انه يقول ده انا ليا عمر مناسب لسيادتي. الشمس والقمر وده كله هيجي في الاخر وايه؟ اذا الشمس كورت خلاص مفيش حاجه من دي خالص. وبعدين هو اللي يفضل اه يبقى عمره مش هنا. عمره قدام. وانتم الان اسباب مخلوقه لي تخدمونه. ولكن في الاخره مش اسباب، المسبب هو اللي هيخدمنا. الله الله كل ما يشتهي حاجه يلاقيها عنده ولا حاجه خلاص يبقى اذا في ارتقاءات ولا مش في ارتقاءات؟ اللي ياخذ الارتقاءات دي مين بقى؟ مش اللي يطيع المرقي؟ مش اللي يطيع اللي بيعطي؟ اللي بيعطي تعال بقى قال انت انسان صحيح سيد انما بعض مخلوقاتي في خدمتك خلقها اكبر منك لخلق السماوات والارض اكبر من خلق الناس ليه؟ قال لك لأن الناس مهما طالت أعمارهم فلهم إيه؟ مدد وينتهوا والمدد دي ما تبقاش سليمه تجيله أغيار يبقى غني ويفتقد يبقى صحيح وإيه؟ ويمرض يبقى قوي ويبقى ضعيف يبقى الله أغيار كتير إنما الشمس والقمر والنجوم والكون عمره ما فيه واحد منهم أصابته علة ولا أنتهاش زيك ما تنتهيش وأنت منتش في العظمة المستوعبة زيهم لانك انت قصارى ما فيك ان تخدم نفسك وتخدم البيئه بتاعتك، انما دي بتخدم مين؟ بتخدم الكون كله، يبقى السماء والارض اكبر من خلق الناس ولا لا؟ الله الله فاذا اقروا بان السماء والارض مين اللي خلقهم؟ قالوا ايه؟ الله الله. يبقى السماء والارض دي دليل اول على وجود مين؟ على وجود الحق. فقال ايه؟ الله الذي خلق السماوات والارض وما بينهما في سته ايام.

موضوعات هذا المقطع (7)

1. سيادة الإنسان في الكون ودلالة خلق السماوات والأرض على عظمة الله · 0:00
2. حقيقة خلق السماوات والأرض في ستة أيام ومفهوم الزمن الإلهي · 3:19
3. استدراك منهجي والرد على شبهات المشركين وافتراءاتهم · 9:08
4. تنزيه النبي والقرآن عن الشعر وبيان الإعجاز النظمي للقرآن · 10:57
5. الجمع بين إجمال أيام الخلق الستة وتفصيلها في سورة فصلت · 19:47
6. تفسير الاستواء على العرش وقاعدة ليس كمثله شيء · 23:00
7. تفسير نفي الولي والشفيع من دون الله وأثر التوكل واليقين · 26:26