علة قتل النبيين دون الرسل وبغض غير الملتزمين للأسوة السلوكية

نص الفقرة — تفريغ آلي

نتائج من التفريغ الآلي — قد تحتوي على أخطاء

ويقتلون النبيين بغير حق. يقتلون النبيين. لاحظ هنا إن كلمة القتل دائما تأتي للنبيين. ما بتأتيش لمن أخذ صفة أزيد من النبي. اللي هي الرسول. لأن مش معقول ربنا يرسل رسولا ليبلغ منهجه ثم يقدر خلقه على أن يقتلوه. إنما الأنبياء مش جايين بتشريعات جديدة. ده الأنبياء جايين علشان يعملوا أسوة سلوكية للمؤمنين. أسوة سلوكية للمؤمنين. إنما الرسول جاي بيبلغ منهج. أمين المعقول أن يندب الله عبدا من عباده اصطفاه واستخلصه ليبلغ منهجا ثم يمكن الناس أنهم يقتلوه؟ يبقى بالرسول لا ما يقدروش. إنما هم يقدروا على مين؟ على النبي اللي جاي إيه؟ أسوة سلوكية ولذلك بيتعبد على دين الرسول اللي قبله ولا لا؟ ما دام أسوة سلوكية طب بيقتلوهم ليه الأسوة السلوكية دي؟ ما دام دول مش فاهمين بدين جديد. هنقول لو كانوا جايين بدين جديد يمكن الدين الاولاني متعصبين له. انما ده هي في السلوك. يبقى بيصنعوا اشياء مش موافقين هم عليها. وليست نابعه من الدين. لان دول انبياء بيخدم شرع الرسول اللي قبلهم. يبقى اذا هم مش موافقين على التصرفات الاسلاميه اي اخضاع الجوارح والحركه لمنطق مين؟ لمنطق الاسلامي ولمنطق الدين. طب وليه؟ قال لك لأن الملتزم ساعة يلتزم في غير ملتزمين يبقى طعن للغير الملتزمين، لماذا يكون هو ملتزم وقادر على نفسه وأنا مش ملتزم؟ فبدي أزيحه من ايه؟ لأنني أتضاءل أمامه، أنني أصغر أمامه، وساعه ما يشوف واحد بيصغر واحد قدامه يبقى من حظه أن يزيحه من طريقه، إن الذين أجرموا إيه؟ كانوا من الذين آمنوا إيه؟ يضحكون، وإذا مروا بهم مش هي اللي موجودة دلوقتي برضه؟ ابقى شيلنا على جناحك وابقى اعمل لي مش عارف إيه وابقى إيه وابقى إيه مش اللي بيقولوه؟ إن الذين أجرموا كانوا من الذين آمنوا إيه؟ وإذا مروا بهم يتغامزون، وإذا انقلبوا إلى أهلهم انقلبوا فكيهين، ده احنا النهارده قابلنا واحد عامل مش عارف إيه وضربنا الأرض وهزقناها آه إذا انقلبوا إلى أهلهم انقلبوا إيه؟ فكهين، وإذا رأوهم قالوا إن هؤلاء لضالون قال هم اللي بيقولوا على الملتزمين ايه؟ لضالون، وما ارسلوا عليهم حافظين، انظر الى رد الحق سبحانه فاليوم اليوم الذين امنوا من الكفار يضحكون على الارائك ينظرون، هل سوب الكفار ما كانوا يفعلون؟ يعني هل قدرنا على جزائهم بمقدار ما صنعوا في المؤمنين استهزاء وسخريه؟ نعم. يقتلون النبيين، كلمة بغير حق، وهل هناك قتل لنبي بحق؟ ما يمكنش، إذا بغير حق دي بيبين الواقع، بيبين الواقع.

موضوعات هذا المقطع (7)

1. دلالة الكفر بآيات الله وظهور البينات · 0:01
2. علة قتل النبيين دون الرسل وبغض غير الملتزمين للأسوة السلوكية · 0:55
3. استهداف الطغاة للآمرين بالقسط من الناس · 4:39
4. عصمة الرسول صلى الله عليه وسلم من القتل واستحالة اغتياله · 5:21
5. تقريع بني إسرائيل على قتل أنبيائهم والآمرين بالقسط · 7:51
6. بلاغة التهكم في التبشير بالعذاب الأليم · 8:58
7. مفهوم العذاب الأليم واستمراره مقارنة بالقتل · 11:26