دلالة تعدية الأمانة بالباء وعلى وعز الأمانة

نص الفقرة — تفريغ آلي

نتائج من التفريغ الآلي — قد تحتوي على أخطاء

هنا بقى من ان تامنه بقنطار يبقى الباء هنا معناها ايه وعلى معناها ايه؟ الباء في اللغه بيقول لك الباء للالصاق. الباء لايه؟ للالصاق. يبقى التصقت الايه؟ القنطار بامانته. التصق القنطار بايه؟ بامانته. يبقى فيه ايه؟ رباط رباط وامتزاج. قال لك إياك ساعة الأداء أن تفصل الأمانة عن القنطار. ساعة ما القنطار يغرق ببريقه اذكر الأمانة. أوعى تذكر القنطار دون الأمانة. يبقى الصق الأمانة بالقنطار. إياك أن تقول ده يغريني وتسيب مين؟ الأمانة. إن حصل منك إنك أنت نظرت للقنطار دون أن تنظر إلى عز الأمانة تيجي الخيبة. طب وعلى؟ قام قال لك ما هي على دي الاستعلاء والتمكن. برضه على ايه؟ يعني اجعل الامانة مستعليه على القنطار. الامانة فوق الايه؟ فوق القنطار، فساعة تحدثك نفسك بانك انت تاخذ القنطار لانه يدير لك حركة حياتك ولانه يخرجك إلى ايه وإلى ايه؟ اذكر عز الايه؟ عز الامانة. ولذلك الناس اللي جوم يتكلموا في قطع ايد السارق في ربع دينار قال له طيب لما نقطع لما واحد يقطع ايد واحد بندفع الديه ايه؟ ديت اليد اللي قطعها واحد من واحد قال له 500 طب ولما تتقطع في ربع دينار؟ ده انت لما واحد قطع ايد واحد اديته ايه؟ ديت الايد 500 خلاص كده؟ فلما يجي يسرق بربع دينار تقطعها؟ قال له نعم يد بخمس مئين عسجد وديت يعني واعطيت ديتها ما بالها قطعت في ربع دينار ما بالها قطعت؟ فيروح اللي بيرد يرد عليها، يقول له عز الامانه اغلاها. وارخصها ذل الخيانه. افهم حكمه الباري. يبقى اذا قول الحق سبحانه وتعالى ومن اهل الكتاب من ان تامنه بقنطار جه بالبئ هنا علشان نلصق الامانه بمين؟ بالمؤتمن عليه. الامانه بالايه؟ وجاب المؤتمن عليه اللي هو القنطار اللي هو اضخم حاجه في عالم الايه؟ علم الموازين والذهب والى اخره، فقال له الصق الامانه بما ائتمنت عليه حتى لا تفصلها، لانك ان فصلت الامانه وعزها عن القنطار ربما سولت لك نفسك ان تاخذ القنطار وتترك الايه؟ وتترك الامانه، وكذلك على لا امنكم عليه يبقى الامانه فوق الايه؟ مستع مستعليه عليه.

موضوعات هذا المقطع (6)

1. الإنصاف الإلهي في الحكم على أهل الكتاب · 0:00
2. مفهوم الأمانة والفرق بين وقتي التحمل والأداء · 2:46
3. دلالة تعدية الأمانة بالباء وعلى وعز الأمانة · 7:30
4. تفسير قوله تعالى: ومنهم من إن تأمنه بدينار ومفهوم الأميين · 9:35
5. تأريخ القرآن لليهودية وثبات القيم والأخلاق الإنسانية · 14:41
6. تفسير قوله تعالى: ويقولون على الله الكذب وهم يعلمون والتمهيد لبلى · 19:32