مفهوم التقديس وتنزيه أفعال الله ودلالة معجزة الإسراء

نص الفقرة — تفريغ آلي

نتائج من التفريغ الآلي — قد تحتوي على أخطاء

طب فيا موسى. قام قال لهم ايه؟ ادخلوا بقى الارض التي كتب الله لكم. يعني بعد ما رحلتكم مع فرعون والحاجات دي روحوا الارض اللي ربنا كتبها ايه؟ لكم ادخلوا الارض المقدسه التي كتب الله لكم نقول اولا مقدسه ارض مقدسه يبقى حيزتها ولا لا؟ بعد ما كانت ارض عموما بقت الارض ان هي الارض المقدسه، معنى مقدسه يعني ايه؟ مقدسه الماده كلها تدور على الطهر والتطهير قدس يعني طهر ونزل مقدسه يعني مطهرة ده كلام عالي قوي. طب الارض المقدسة ودي برضه قلنا ان الالفاظ حين تاتي تتوارد جميع المادة على معاني. انتوا عارفين عندنا في الفلاحين حاجة يسموها القدس او القدوس؟ القدوس؟ محدش عارفه القدوس؟ القدوس اللي فيه مية؟ اهو القدوس ده هو اللي اسمه قدس. وكانوا بيستعملوه ويملوه وياخدوا منه ويطهروا بيه اللي عايزه، يغسلوا منه ايديه ويستحموا منه وينظفوا منه الحاجة، القدوس فيه المية. فالقدس اللي احنا بنسميه القدوس هو اللي بيتطهر به الايه؟ الاشياء فلما يقول مقدسه يعني مطهره من الماء اللي كان في الايه؟ اللي في القدوس. فاخذ تسميه المعاني من تسميه الايه؟ المحاذات. وبعدين اسال من اسمائه القدوس وقدس يعني نزه وطهر، قدس الله في ذاته. هو له ذات بس مش زي ذاتك. هو له صفات بس قدسه ونزهه ان تكون كصفاتك. هو له افعال بس قدسه ونزهه وطهره ان يكون ان تكون كافعالك. انت ليك ذات وهو له ذات، انما ذاته هه واجبه الوجود. وذاتك ممكنه الوجود، لانه طرا عليها عدم اول ويطرا عليها عدم ثاني. دوكا واجب الوجود لذاته. وانت واجب لغيرك يقدر ينهيك. الله وربنا له برضه حياه ولا مالوش حياه؟ طب ما انت حي وهو حي. انما احياتك كحياته؟ لا يبقى أهو نزهه يبقى نزهه في الذات ذاته ليست كذاته وصفته ليست كصفاته له هو قادر وأنت قادر تعمل إشي إنما قدرتك كقدرته طب وهو سميع وأنت سميع بتسمع سمعك كسمعه؟ أه تقول له خلاص ما دام ذاتك مش زي ذاته وصفاتك مش زي صفاته يبقى لما تسمع سميع عليم يبقى قول السماع مش زي الإيه؟ وعايز ودن وعايز مش عارف إيه وبتاع وحاجات زي ده هو سمع لا كسمعنا وله فعل لا كفعلنا لما ربنا يقول فعل وانت فعلت فعلي فعل انا زيه ولا فعله منزه ليه؟ قال لك لان فعل خلقه علاج يعالج الفعل ولذلك يكون للفعل بدايه واوسط ونهايه ويفرغ من الاحداث على قدر ما فعل الزمن يعني عايزين نشيل حاجه كل ما يمر زمن شلنا ربع كيله وبعدين زمن تاني نص وبعدين مش يلا بعلاج وبياخذ مني قوه ولا لا؟ قام قال لك لا انما فعله ليس بعلاج فعله بكن ولذلك آية أن خلقت السماء والأرض وما مسنا من لغوب. ما تعبناش لأن ما بنعالجش. بنقول إيكون؟ فاكوا. ولذلك إحنا هنا قلنا في الإسراء لازم تنسب الحدث إلى مين؟ إلى الله. ما تنسبوش لمحمد. ولذلك عشان تعرف الجماعة اللي عارضوا محمد في الإسراء ما كانش لهم حق. هما بيقولوا له أنا أضرب إليها أكباد الإبل شهرا وتدعي أنك أتيتها في ليلة هو ما ادعاش الدعوة دي، أنتوا اللي بتقولوا ادعى هذه الدعوة. هو ما قالش أنا سريت من مكة لبيت المقدس، حتى تقولوا أنا أضرب إليها أكباد الإبل شهرًا وتدعي أنك أتيتها، ما قالش الرأي الكبير. صلى الله عليه وسلم قال أسري بي. قال إيه؟ أسري بي. يبقى هو له عمل في الحدث؟ ملوش عمل في الحدث. يبقى الفعل بتاع مين؟ يبقى بتاع الله، ما دام فعل الله يعود زمن؟ ما يعوشش زمن، يبقوا افهموا ازاي انتوا بتعترضوا. آه لكن تعرف إن ربنا سبحانه وتعالى خلاهم يفهموا كده ويقولوا كده علشان لما يجي ناس من المتحذلقين دلوقتي يقول لك ده الإسراء كان بالروح يقول له بالله لو أن محمد قال للعرب أنا صليت بروحي كانوا هيكذبوه. طب أنا شفت يعني كتب في نيويورك الليلة وشفتها بالروح. حد هيكذبني؟ طب أمال هم كذبوه ليه؟ ده فيهم إن هو ما سرى يعني إيه؟ يعني سرى مش بالروح ده بإيه؟ بدليل انهم قارنوا فعلا بفعل وحدثا بحدث ونقله بنقله وقالوا اتدعي انك اتيتها في ليله واحنا بنضرب اليها اكباد الابل شعب يبقى جت تخدم الاسلام ولا جتش تخدمه؟ برضه جت تخدم الايه؟ الاسلام اذا قدوس يعني مطهر مطهر يعني منزه وساعة ترى شيئا يخالف قضيه العقل اقرنه بفعل الله ما تقرنوش بمين؟ بفعلك ليت؟ قام قال لك لان الفعل يتناسب مع قوة الفاعل طردا وعنفا. إن كان الفاعل قدرته قوية الفعل يبقى زمنه إيه؟ أقل. لما نيجي ننقل أردب من هنا لهنا، إن كان عيل اللي هينقل كل القدح وقدح تامش، وإن كان راجل كبير هينقل كيلة، وإن كان فتوة شوية ينقل نص أردب، وإن كان واحد أقوى أوي يروح شايل الأردب وجايبه الله. إذا الزمن هيتناسب مع مين؟ يتناسب مع القوة. تناسب عاكف. ان ان كثرت القوى يقل مين؟ الزمن. فهات اي فعل بالنسبه لله وقارنه بقدرة الله يطلع لا زمن. يطلع ايه؟ لا زمن.

موضوعات هذا المقطع (10)

1. دخول بني إسرائيل مصر واستقرارهم في عهد يوسف عليه السلام · 0:00
2. الحملة الفرنسية واكتشاف حجر رشيد وفك رموز الهيروغليفية · 0:49
3. حضارات الأمم السابقة في القرآن وعظمة إرم ذات العماد · 5:11
4. الإعجاز القرآني في التمييز بين لقبي الملك وفرعون · 7:31
5. تفسير قوله تعالى 'اسكنوا الأرض' وتشتت بني إسرائيل · 9:26
6. مفهوم التقديس وتنزيه أفعال الله ودلالة معجزة الإسراء · 14:22
7. الفرق بين الإرادة الكونية والإرادة الشرعية في دخول الأرض المقدسة · 22:17
8. إفساد بني إسرائيل الأول وتحقق وعد أولاهما في العهد النبوي · 26:13
9. تفسير رد الكرة لبني إسرائيل وبشارة وعد الآخرة · 32:25
10. النهي عن الارتداد على الأدبار ومفهومه في مواجهة العدو · 36:36