تفسير الابتلاء بالصيد الميسر بالأيدي والرماح

نص الفقرة — تفريغ آلي

نتائج من التفريغ الآلي — قد تحتوي على أخطاء

إيه الفرق بين تنالوا الإيد وتنالوا الرماح؟ اللي تنالوا الإيد ده يبقى عملية إيه؟ سهلة. وده زي صغار الوحوش والحاجات البسيطة والفراخ اللي لسه طالعة من البيضة والبيض. حاجة بإذنه والرماح يبقى بأقل مجهود نعمل الرمح كده يبقى إيه؟ طب ويبلونكم ليه؟ قال لك فيه فرق. بين أن يلح الإنسان على المعصية فيفعلها، وبين أن يصل إلى منزلة لا يلح فيها على المعصية، يعني ما يكتلش نفسه عشان يعمل معصية، إنما قد تقع عليه المعصية، ففيه واحد وإن وقعت عليه المعصية ميسرة برضه ما يعملهاش، يقوم ربنا لما يحب يربينا إيمانيًا يقول أنتم بقيتوا كويسين لا تلحون على المعصية، فأنا حتى لكم كده أشوف لما المعصية تيجي لكم كده لحدكم برضه تعملوها ولا ما تعملوهاش؟ فإن كان إيمانكم قوي إيه؟ برضه ما تعملوهاش، فأنا حبتليكم بشيء من الصيد الذي حرمته عليكم. حبتليكم به بإني أجعله في متناول إيه؟ يترمي عليكم كده. في الحديبية بقوا يتعجبوا، إيه الصيد والبتاع؟ يجوا عليهم كده يرموا مع إنهم بيفروا، اللي بينصد ده بيفر ولا ما بيفرش؟ يقوم هما يجوا يترموا عليهم كده، الله، قال أنا ببتليكم بقى، أشوفكم، أنتم صحيح ما قمتوش بتلحوا على المعصية. لكن إذا وقعت عليكم المعصية عايز أديكم مناعة. فإن المعصية وإن وقعت عليكم برضه تبقوا إيه؟ ما تقولوش ده ميسرة وسهلة ومش عارف إيه تبقوا لا يبلونكم أي لا يختبرنكم، وإحنا قلنا الإبتلاء مش مذموم في ذاته. إنما المذموم في الغاية من الإبتلاء لأن الإبتلاء اختبار. طب افرض إن واحد نجح يبقى الإبتلاء وحش؟ إنما وحش على مين؟ على اللي يسقط. لا يبلونكم الله بشيء من الصيد. بشيء من الصيد. آه. قال أنا مش حبتليكم يعني بحاجة كبيرة أوي كده يعني. ده شيء بسيط من الايه؟ من الصيد عشان أعودكم إن أنتم كما أنكم لا تحاولون أن تتهافتوا على المعصية أقول لكم وإن تهافتت المعصية عليكم يكون عندكم مناعة وتردوها هعمل لكم أبتليكم بشيء من الصيد تناله إيه؟ يعني سهل المأخذ ورماحكم ليعلم الله يا سلام سبحان الله ليعلم الله من يخافه بالغيب

موضوعات هذا المقطع (8)

1. ارتباط الأحكام التكليفية بعنصري الزمان والمكان · 0:00
2. تحريم الصيد بين وصف الإحرام وحرمة المكان · 2:27
3. دوائر الحرم والمواقيت وأحكام الصيد فيها · 3:44
4. المقاصد التربوية للحج والتواضع أمام مظاهر الوجود · 6:53
5. تفسير الابتلاء بالصيد الميسر بالأيدي والرماح · 13:40
6. معنى قوله تعالى «ليعلم الله من يخافه بالغيب» وإقامة الحجة · 15:44
7. ابتلاء أصحاب السبت بالصيد وحيلتهم في المخالفة · 17:58
8. التحذير من الاعتداء والفرق بين حدود الأوامر والنواهي · 19:18