حكمة جعل الوسائط بين الخالق والبشر وضرب المثل بمحول الكهرباء

نص الفقرة — تفريغ آلي

نتائج من التفريغ الآلي — قد تحتوي على أخطاء

وإحنا ضربنا مثل هذا في دنيانا العملية، دنيانا العلمية الميكانيكية. يقول لك الانسان مثلا لما يدخل الكهرباء في البيت. وبعدين عايز ينام. عايز ينام عايز ياخد قانون الظلمه لينتفع بها. يطفي النور، اطفيء المصابيح. ليه؟ لان هو ربنا امتن علينا بانه خلق النور بس ولا خلق الظلام واخر. يا سلام اكن الظلام نعمه زي النور تمام، بس ده له مهمه وده له ايه؟ فاللي بيقولوا بقى الحضاره والدنيا والضوء يبقى طوالي كده ونقول لهم يا ناس خدوا برضه نعمه الظلام. ما تاخدوش نعمه الضوء كلها، خدوا نعمه الظلام ايضا عشان ايه؟ أعصابكوا تهدي ونفسيكوا تسكن وتبقى كده تقوم الصبحية عندك نشاط ليه؟ لأن الضوء له إشعاعات وذبذبات وهيقعد يعمل طيب إحنا بقى لما نيجي بالليل ننام بنطفي وعايزين نسحب الليل لأي غرض من الأغراض لحاجة أقضيها وتبقى الدنيا بقى ضلمة نقوم نكسر الإيه؟ نتلطش فيه ده ونوقع ده ونعمل ده فبيعملوا إيه؟ حاجة اسمها الوناسه عارفين الوناسه السهاري؟ الوناسه السهاري دي يا دوب تضوء ضوء خفيف يا دوب يدلك على مكان مفتاح النور. مش كده اللي بيحصل؟ لما يجي الراجل بتاع الكهرباء يركب لك دي ما يقدرش يركبها على تيار البيت ابدا. نركبها على تيار البيت تعمل ايه؟ تتحرق على طول. يقوم يعمل ايه؟ بيسموه ترانس ايه؟ فرن. ياخد من القوي ايه؟ ويدي للضعيف، لان الضعيف ده ما يقدرش ياخد من القوي. كذلك الإنسان ضعيف، ما يقدرش ياخد من الله مباشرة. يقوم يعمل بينه وسائط، ومش وسائط واحدة، يعمل وسيط من الملك، والملك يجي لمصطفى من الخلق. شوف ازاي كام مرحلة عشان يقدر ايه؟ يقدر يديني ونقدر ايه؟ نتحمله.

موضوعات هذا المقطع (4)

1. اقتراح المشركين نزول ملك ومصدر معرفتهم بالملائكة من بقايا الحنيفية · 0:00
2. معنى قضاء الأمر وعجز البنية البشرية عن تحمل رؤية الملائكة وتجلي الحق · 1:28
3. حكمة جعل الوسائط بين الخالق والبشر وضرب المثل بمحول الكهرباء · 5:11
4. ضرورة بشرية الرسل لتحقيق الأسوة والقدوة وبطلان دعوى ألوهية عيسى · 7:16