تفسير «والشمس والقمر حسبانا» والفرق بينها وبين «بحسبان»

نص الفقرة — تفريغ آلي

نتائج من التفريغ الآلي — قد تحتوي على أخطاء

والشمس والقمر حسبانا الشمس هي معروفه لنا والقمر معروف لنا وبعد ذلك جاء بكلمه حسبان حسبان دي وزن فعلان عاده يدل على المبالغه زي مثل أنت تقول فلان والعياذ بالله كفر كفرًا. وكفر كفرانًا. وغفر الله لي غفرًا، وغفر الله لك غفرانًا. لما تحب تبالغ هيه تجيب صيغة إيه؟ صيغة فعلان. طب الشمس والقمر حسبان. نقوم نقول له يا أخي القرآن لما تكلم عن الحكاية ديت جاب حسبان في موضعين اتنين. الشمس والقمر حسبان. وهناك في سورة الرحمن إيه؟ الشمس والقمر بحسبان بحسبان الله هنا حسبان وهناك بإيه؟ مش كده بحسبان في الآية؟ أعوذ بالله إن شاء الله من رجيم الرحمن علم القرآن خلق الإنسان علمه البال ها الشمس والقمر بحسبان هنا الشمس والقمر إيه؟ بحسبان ما الفرق بين التعبيرين هنا الشمس والقمر حسبانا ودي بحسبان قام قال لك حسبان هنا يعني إيه؟ يعني تحسب بها الاشياء قال لك احنا بنحسب السنه بدوره الشمس في 365 يوم وربع مش كده ولا لا؟ وبعدين تعد البروج بتاعتها في هذه المدن والقمر بيعدي بروجه في الشهر مثلا 28 يوم وكذا الله يبقى اذا وبنحسب على دي ولا لا؟ نحسبه بالشمس اليوم ونحسبه بها العام ولكنا نحسب ايه؟ ولكنا نحسب الشهر بالقمر انت تقدر تحسب الشهر بالشمس انما تحسب الشهر بايه؟ لانه بيطلع صغير كده وبعدين يكبر يكبر يكبر ولذلك رمضان بيثبت عندنا بايه؟ بالقمر مش بالشمس لكن اليوم نثبته بالقمر؟ ام قال لك لا نثبته بالشمس، طب والسنه؟ ام قال لك برضه نثبتها بالايه؟ بالشمس، لكن هنا لما تداخلت حسبان الشمس الاثنين حسبان الاثنين حسبان الشمس والقمر دي لها حساب ودي لها ايه؟ ودي لها حساب على الارض. اذا ما نظرت الى كلمه حسبان يعني هي مخلوقه ايه؟ لتحسب بها شيء اخر شيئا اخر. ليه؟ لانها خلقت بحسبان. يبقى هي كانت حساب وحساب دقيق ليه؟ لان هي مخلوقه بايه؟ بحساب. تعال بقى للساعه اللي بنستعملها دي مش في عقرب للساعات؟ وفي عقرب للدقائق؟ وفي عقرب لايه؟ للثانية. ده اقل ما قدرنا عليه وان كان من الممكن اننا نعمل الثانية برضه إلى ايه؟ برضه إلى أجزاء مش كده؟ زي ما عملنا المساحات مثلا متر وسنتيمتر وإيه؟ وملي متر وبعدين قلنا إيه؟ ميكرو برضه مش كده؟ فإذا كل ما نرتقي نعمل حساب إيه؟ طب هل كانت الشمس والقمر حسابا لنا؟ نحسب بها الأشياء إلا إذا كانت مخلوقة بحساب؟ طب ده لازم تكون مخلوقة بحساب، إزاي بقى؟ أم قال لك أنت عندك الساعة دي أنت اللي بينطر العقرب بتاع الثواني ده نطرته لا تدرك واللي بينطر عقرب الدقائق تدرك. واللي بينطر عقرب الثواني. طب ده ده له زمبلك وده له زمبلك وده له زمبلك، كانه عامل الزمبلك بتاع الساعات بحيث كل 60 دقيقة ينطر النطرة دي. ان اختلت في دي تقوم ديك هتدور 60 دقيقة أو الساعة لسه ما كملتش أو الساعة رمحت ساعتين. يبقى ده معمول بحيث إذا دار عقرب الدقائق اللفة تقوم يدور عقرب الساعات النطة من واحد لاتنين. وإذا ذا العقرب الثواني اللفت اتنقل الدقيقة، الله! يبقى إذا الدقيقة محسوبة على الثانية، والثانية محسوبة على الدقيقة، والدقيقة محسوبة على الساعة، تبقى هل من الممكن إن لم تكن مخلوقة بهذا الحساب؟ يعني اللي عمل الياي الياي ده مثلاً سلك من نوع خاص مضغوط ضغطة خاصة بقوة خاصة، بحيث إذا حد يعني يحل من الحكاية دي ينحل به حساب. إن انحل كتير كده يخليه ينط أكتر، إن انحل أقل يخليه يغلط. يبقى دي معموله الزمبلك بتاعها بحساب ودي الزمبلك بحساب ودي الزمبلك بإيه؟ يبقى لم تكن الساعة معيارًا لحساب أزماننا إلا لأنها في ذاتها خلقت بحساب يبقى قول الحق الرحمن وعلم القرآن خلق الإنسان علمهم الشمس والقمر بحسبان ولذلك سأجعلها لكم حسبانًا. خلقتها بحسبان ولذلك سأجعلها لكم إيه؟ حسبان. لو لم تكن بحسبان دقيق زي المهندس العدلي أمال الساعة بيقول لك ده ساعتها مظبوطة ده ما تقومش في الثانية ده ليه؟ معمولة بتصميم ايه؟ ما يختلش في فردة الزمبلك. شوف فردة الزمبلك دي بقى ازاي تتعمل علشان تيجي مظبوطة ويا بعضها. والشمس والقمر حسبانا حسبانا يعني نحسب بها. ليه؟ لأنها هي مخلوقة بإيه؟ بحسبان. وما دام مخلوقة بحسبان حساب دقيق ما هو قال حسابا اشمعنى عدل عن حساب هنا؟ ايه؟ وعن حساب هنا وقال حسبان هنا وقال حسبان هنا لأن بقولنا إنها مبالغة مش حساب ده حسبان يعني حاجة إيه؟ ليه؟ لأن اللي عملها بحسبان وجعلها لكوا حساب تقدير العزيز العليم.

موضوعات هذا المقطع (5)

1. حكمة جعل النهار للحركة والليل للسكن والراحة · 0:00
2. الدلالة اللغوية والبيانية لقوله تعالى «فالق الإصباح» · 5:00
3. البلاغة في الجمع بين الاسم في «فالق» والفعل في «وجعل الليل سكنا» · 8:42
4. تفسير «والشمس والقمر حسبانا» والفرق بينها وبين «بحسبان» · 10:27
5. دلالة ختام الآية بقوله تعالى «ذلك تقدير العزيز العليم» · 16:19