أقسام الغيب في الكون وكيفية كشف أسراره بالاكتشاف أو الصدفة

نص الفقرة — تفريغ آلي

نتائج من التفريغ الآلي — قد تحتوي على أخطاء

الغيب ده ما غاب عن الناس. مرة يغيب عنك ولا يغيبش عن غيرك ما يبقاش غيب. الرجل اللي يسرق منك حاجة أنت مش عارفه إنما اللي سارق عارف ولا مش عارف، واللي دلاله واللي تاوه واللي واللي دلس عليه عارفين ولا مش عارفين؟ الجن اللي كانوا مثلا في المكان عارفين ولا مش عارفين؟ يبقى ده مش غيب مطلق. يبقى الغيب إما أن يغيب عنك ولكنه لا يغيب عن غيرك ما يبقاش غيب. وقد يغيب عنك وقتا ولا يغيب وقتا اخر. زي اسرار الكون اللي موجوده فيه دي اللي كل يوم بنكتشفها دي. جاذبيه طب ما كانت غيب. وبعدين دلوقتي بقت مشهوده. كده الله الكهرباء والسالب والموجب والذرات وشحن الميه اللي هي بتيجي لازم باللقاح كل دي كانت ايه؟ كانت غيب. اذا كانت غيبا في زمن هههههههه ثم صارت مشهدا في زمن اخر، دي ماهيش الغيب اللي ربنا بيقول عليه. بقى لا الغيب الاولاني اللي بعضينا يعرفوا وبعضينا ما يعرفوش، ولا الغيب اللي كان غيب وبعدين يبقى ايه؟ مشهد، ليه؟ قام قال لك لان في غيب هو مطمور في الكون. ولله في كل غيب يظهره في كونه ميلاد. ميلاد، دي يطلع النهارده ويبقى يطلع بكره ويبقى يطلع، والا كان العقل البشري بمجرد ما اتوجد اكتشف كل اسرار الكون. انما كلما وقف على سر وقف عند سر. ليه؟ لان كل سر في الكون له ايه؟ له ميلاد. الميلاد ده اما ان يصادف بحث الخلق عنه بمقدمات ودي الاكتشافات اللي بيكتشفوا كذا وبيكتشفوا كذا في مقدمات. أإذا أعطيت الولد تمرين هندسة وجاب لك الحل ولا مسألة حساب وجاب لك الحل تقول انه عرف غيب طب ده في مقدمات، بقول بما ان حصل كذا وبما ان كذا والمطلوب اثباته كذا والمعطيات كذا، مسأله يعني يبقى ده مش غير، فالذين رتبوا حركه الحياه الى مقدمات وطلعوا منها نتائج واكتشفوا الاشياء يبقوا عملوا ايه؟ يبقوا صادفوا ميلاد غيب الله. طب وان كان الله قد اذن للغيب ان يولد ولم يبحث اهل الارض عنه بمقدمات. قال لك لكن هو سماح له يطلع، يقوم يقول لك يقوم يجيبه صدفه. هم بصدد بحث في شيء يطلع لهم ايه؟ شيء اه، اللي بحثوا عن ولا البنسلين ولا عرفوه، الراجل شاف الاصليه وشاف البتاع الاخضر ده اللي بيطلع ده زي كده مساله واللي عمل قانون الجاذبيه اللي عليه الغواصات واللي عليه البواخر واللي عليه الديوش دي كلها، صدفه لما نزل الحمام والميه طلعت والاجسام الله اذا ففيه غيب في الكون قد يصير مشهدا. طرق مشهديته اثنين يا مقدمات الخلق يقعدوا يجيبوها يجيبوها ويطلعوا ودي للابتكارات اللي بتيجي نتيجه ايه؟ مقدمات. الرجل اللي عمل عصر البخار كله عصر البخار كان فيه عجله انما بنزقها احنا ولا بيجرها الخيل فبرضه احنا بنزق بنتعب العجله صحيح ريحتنا انا كنت اشيل ارداب يتعبني احطه على البتاعه وازقها اشيل 10 على دب انما برضه لسه بقى وايه؟ بزق العجله ولا يجيب لهم عريش الدهوة يقعد ياكل ويشرب ويبقى شغلانة. فجيه عصر البخار. طب عصر البخار ده شاء الله انه يريح عباده ويبديهم اسرارهم. واحد قاعد كده وبعدين بيعمل شاي ولا بيطبخ ولا بتاع شاف الغطا الحل ايه؟ بيئب كده. الغطا ده بيئب ليه؟ عمل بايده كده طلع الايه؟ البخار قال الله. اذا الميه لما بتتغلي ويطلع لها بخار يبقى للبخار ده ايه؟ قوه تدي الغطا. تطلع الغطا كده، طب ما انا اعمل البتاع بتاع البخار دي واخلاها تشد العربيات وتشد ما هو جاي عصر البخار. يبقى الميلاد صدف مين؟ صدف واحد قاعد يبص ويتامل في المسائل فطلع الـ وأغلب الأشياء اللي اخترعت كلها دي صدفه عشان تفهمك أن عطاء الله بميلادها بدون مقدمات من الخلق أكثر مما وصل إليه بالعطاء من مقدمات الإيه؟ من مقدمات الإيه؟ من مقدمات الخالق. يبقى اذا الغيب هنقوله غيب غاب عنك ويعلمه سواك. خلاص غيب كان غيبا ثم يصير مشهدا دي قسمين القسم الاول له مقدمات نقوم نعرفها ما نقولش انه عرف ايه؟ انه عرف غيب، القسم الثاني مالوش مقدمات ويفاجئ الناس بانهم يبحثوا في حاجه تطلع لهم ايه؟ تطلع لهم حاجه يبقى بلاده جاء ولكن بحث الناس تاخر. يقوم ربنا يقف عليهم ويديلهم ولذلك بقى تجد التعبير الآدائي في القرآن عن النوعين تعبير دقيق.

موضوعات هذا المقطع (9)

1. الفرق بين عالم الغيب ومُعْلَم الغيب وفيوضات الأولياء · 0:01
2. أقسام الغيب في الكون وكيفية كشف أسراره بالاكتشاف أو الصدفة · 1:06
3. الغيب المطلق المستأثر به وإفاضة الله منه على رسله وأوليائه · 7:25
4. المعنى اللغوي والشرعي للولاية وأن الله هو الولي المطلق · 10:31
5. مراتب الولاية بين العبد وربه ومظاهر طلاقة القدرة الإلهية · 13:37
6. سبل القرب من الله ومعية المصافاة بين طاعة العبد وكرامة الرب · 17:39
7. إخراج المؤمنين من الظلمات إلى النور بين المفهوم الحسي والمعنوي · 22:54
8. دلالة نفي الخوف والحزن عن أولياء الله في القرآن الكريم · 27:25
9. صفات أولياء الله الإيمانية ورؤيتهم للجمال والكمال في قدر الله · 30:38