تفسير قوله تعالى «ذلكم قولكم بأفواهكم والله يقول الحق وهو يهدي السبيل»

نص الفقرة — تفريغ آلي

نتائج من التفريغ الآلي — قد تحتوي على أخطاء

ذلكم قولكم بافواهكم والله يقول الحق وهو يهدي السبيل. القول بالافواه معناها انها نسبه كلاميه تصدر من اللسان دون ان يكون لها رصيد من اعتقاد القلب. وقد يوجد رصيد من اعتقاد القلب في شيء ولكن الواقع غير هذا. يبقى كم نسبه عندنا؟ اعتقاد في القلب له واقع. كما تقول كان زيد عندي بالامس وصحيح كان زيد عنك بالامس. يبقى لك حق صدق. وقد تعتقد انت شيئا فتتكلم به ولكن الواقع مش كده. اعتقدت انت يبقى ادي مرحله اعتقاد في القلب ولا واقع له. يبقى الاول اعتقاد وواقع. خلاص؟ والثاني اعتقاد ولا واقع. ان كان اعتقاد وواقع يبقى صدق في الخبر وصدق في المخبر. وإن كان اعتقاد في القلب إنما الواقع مش كده يبقى كذب في الخبر إنما ما تقدرش تقول المخبر كذاب وصدق في المخبر لأنه قال على ما إيه؟ على اعتقاده طب ومرة ما يكونش فيها اعتقاد خالص يبقى كلام بالبوق ولذلك لما تيجي تتكلم واحد يقول لك ده فلان قال لي كذا قال لك يا شيخ ده كلام بالبوق ولا كلام له يعني معناها إيه؟ مالوش إيه؟ مالوش رصيد اسمه كلام فك مجالس مش كده؟ ده كلام بالبوق ولا له تلميح مقلوب كلمه يعني ايه؟ يعني ما يقولش الكلمه عن اعتقاد بل يقول كلمه كده بس قولكم بافواهكم كلمه يقولها وخلاص كلمه تقال ويشتفي بها من يشتفي وتنتهي المسأله يبقى اذا ثلاث مراحل واقع واعتقاد قلب يبقى صدق خبر وصدق مخبر غير واقع ولكن قلبا يعتقد يبقى كذب خبر وصدق مخبر ما فيش اعتقاد خالص ذلكم قولكم بافواهكم طيب تعال بقى والله يقول الحق والله يقول الحق اللي هو ايه بقى؟ اللي هو واقع ويجب ان يعتقد. ده انت تشوف الاعجاز مش في ان هو يقول الواقع ده هو يقع شيء فيقوله يبقى صادق. صادق في الخبر ويقول شيئا فيقع بعد ان يقول. ايه العظمه؟ سيهزم الجمع ويولون الدبر. مش حاجه حصلت وبيتكلم عن ايه؟ دي حاجه لسه هتحصل. يبقى الله هيك هيك صادق حين يقول ما كان ويصدق حين يقول ما يكون. شوف العظمه بقى يبقى اللي عنده المسأله واقعه واعتقاد يبقى احسن ولا القول بالافواه احسن؟ ده ان اعتقدتم ولم يكن واقعا يبقى قول الله اصدق. فكيف اذا لم تعتقدوا خالص يبقى قول الله اهي اولى ولا لا؟ والله يقول الحق كانه قال قارنوا بين قولين قول بالافواه وقول بالواقع والاعتقاد. إذا كان قول الله أقوى من الاعتقاد فقط يبقى من باب أولى أقوى من القول بالأفواه إيه؟ بالأفواه فقط. طب يبقى الحكم إيه؟ والله يقول الحق وهو يهدي السبيل. يعني الله يهدي السبيل إلى إلى قول الإيه؟ إلى قول الحق.

موضوعات هذا المقطع (7)

1. تفسير قوله تعالى «ذلكم قولكم بأفواهكم والله يقول الحق وهو يهدي السبيل» · 0:00
2. حكمة إبطال التبني والأمر بنسبة الأبناء لآبائهم «هو أقسط عند الله» · 3:37
3. نفي الجناح في خطأ اللسان والفرق بين الخطأ العارض والتعمد · 4:48
4. دلالة «وكان الله غفوراً رحيماً» وتنزيه أفعال الله وصفاته عن الزمان والتغير · 7:30
5. معنى اقتران صفتي الغفور والرحيم ومجيء الإحسان بعد العفو · 8:48
6. مراتب التعامل مع الإساءة من استيفاء المثلية إلى كظم الغيظ والعفو والإحسان · 9:54
7. مفهوم الرحمة وأوجه اقترانها بالمغفرة والشفاء في القرآن الكريم · 12:53